Yoona 8:56 - A̠lyiat A̠gwaza na di̠n Tyap: A̠li̠ka̠uli A̠fai

⁵⁶ Ibrahim, a̱ ku yet a̱tyia̱ nyin wu a̱ni, a̱ ku shya̱ ma̱ng a̱sai a̱lyia̱ mat chat li jen nang n ku nshya̱ mi̱ swanta hu a̱ni. A̱ ku li njii, a̱ si̱ gwai!”

Yoona 8:56 Iomraidhean Croise

Matyu 13:17

N tak nyin a̱tsak a̱lyiat, a̱yaata̱m a̱kwonu A̱gwaza ma̱ng á̱tsotswat á̱niet ma̱ a̱di̱di̱t gbangbang, ku chat ba̱ li kyang nyi nwuan a̱ni. A̱wot ba̱ si̱ shya̱ a̱wat ka bah. Ba̱ si̱ bu chat ba̱ fa̱k kyang nyi fwuong a̱ni. A̱wot ba̱ si̱ shya̱ a̱wat ka bah.

Luka 10:24

N tak nyin, a̱yaata̱m a̱kwonu A̱gwaza ma̱ng á̱gwam ma̱ a̱di̱di̱t ka̱n chat ba̱t ba̱ li kyang nang nyi nwuan a̱ni. A̱wot da̱ mba, ba̱ shya̱ li hu bah. A̱wot ba̱ si̱ bu chat ba̱t, ba̱ fa̱k a̱lyiat na nyi fwuong a̱ni. A̱wot ba̱ si̱ shya̱ fa̱k hu bah.”

Yoona 10:25

Yesu si̱ nwuak ba shim nyia̱, “N wa ka̱n tak ma̱ng a̱nyin. A̱mgba̱m ma̱ng a̱nia, nyi si̱ lak nwuak fwuo hu da̱ nung. Nkyang a̱ga̱de na nang n nyia̱ da̱ a̱lyoot A̱tyia̱ nung ka a̱ni, ni̱nia lyiat a̱kwonu nung ka, na̱ si̱ bu shei kyang hu nang n gyet a̱ni.

Yoona 8:37

“N dyen nang nyi ngyet kwai Ibrahim ja. A̱mgba̱m ma̱ng a̱nia, nyi kwan nyi hyat nung. Mat a̱lyiat nung na shya̱ mi̱ fwuo nyin na bah.

Yoona 8:39

A̱cha̱chet A̱yahudawa ba si̱ nyia̱, “A̱tyia̱ nzi̱t wu wa yet Ibrahim!” Yesu mameang si̱ nyia̱ ma̱ng a̱mba a̱ni, “Kaai, ka̱ a̱tsatsak a̱lyiat wa nang nyi nyia̱ nyi yet mman Ibrahim nia; nyi na nyia̱ tangka̱i nta̱m hu nang Ibrahim ku nyia̱ a̱ni.

Ibriniyawa 11:13

A̱mgba̱m á̱niet bani, ba̱ ku nwuak fwuo da̱ A̱gwaza a̱ni, ba̱ ku kwi nang ba̱ ni̱ shya̱ di̱ nwuak fwuo di̱ nkyang nang A̱gwaza nyia̱ a̱li̱ka̱uli a̱ na nyia̱ mba ndyo a̱ni. Ba̱ si̱ san nkyang nang A̱gwaza nyia̱ a̱li̱ka̱uli a̱ na nyia̱ mba ndyo a̱ni di̱n jen a̱ja bah. A̱mgba̱m ma̱ng a̱nia, mat nang ba̱ nnwuak fwuo da̱ A̱gwaza a̱ni, ba̱ si̱ li nkyang na̱ na bai á̱zanson a̱ni ma̱ gbang. A̱wot ba̱ si̱ san naa mbwak nfeang ma̱ng a̱lyia̱ sai. Ba̱ si̱ fi̱k nang ba̱ ngyet á̱nietchen bya ma̱ng á̱niet ba̱ chong á̱ sweap mi̱ swanta hu a̱ni.

Ibriniyawa 11:39

A̱mgba̱m á̱niet khwi bani, á̱ ku chyin ba ba̱t, mat si̱sak ji nang ba̱ nnwuak fwuo da̱ A̱gwaza a̱ni. A̱mgba̱m ma̱ng a̱nia, ba̱ si̱ san kyang hu nang A̱gwaza ku nyia̱ a̱li̱ka̱uli a̱ na nang ba a̱ni bah.