Yoona 8:55 - A̠lyiat A̠gwaza na di̠n Tyap: A̠li̠ka̠uli A̠fai

⁵⁵ “Nyin, nyi lyen gu bah. A̱wot nung, n dyen nggu. Ki̱ n nyia̱ di̱ n dyen gu bah, n na ngyet a̱tyu bwoi a̱ka̱laa cha̱chaat ma̱ng a̱nyin. A̱wot n dyen nggu za̱m, a̱wot n si̱ khwi a̱lyiat nggu na.

Yoona 8:55 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 15:21

“Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 6:46

(N fa á̱ mbyia̱ a̱yin a̱ ka̱n di A̱tyia̱ wu a̱ni bah; ma̱ nggu wa a̱tyu a̱ neet da̱ a̱vwuo A̱gwaza ka a̱ni. Nggu wa ma̱nyin gu ka̱n di A̱tyia̱ wu).

Yoona 8:19

Ba̱ si̱ lyip Yesu, nyia̱ “A̱tyia̱ ang wu shya̱ a̱ji wa?” Yesu si̱ nwuak ba shim nyia̱, “Mat nang nyi ndyen nung a̱ni bah, huhwa mbyia̱ nang nyi ndyen A̱tyia̱ nung wu bah. Ka̱ nyi wa lyen nung, si̱ nyi lyen A̱tyia̱ nung wu mameang.”

Yoona 8:29

A̱wot a̱tyu a̱ ta̱m nung a̱ni, a̱ shya̱ dundung ma̱ng a̱nung. Mat kuzang jen n ni̱ nyia̱ kyang hu nang gu chat a̱ni.”

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

Yoona 8:51

N na tak ma̱ng a̱nyin a̱chuchuk za̱m; konyan a̱ khwi a̱lyiat nung na a̱ni, a̱ si̱ mi̱n khwu bah, ba̱ng si̱ nat sang sangba̱p!”

Yoona 8:52

Huhwa a̱cha̱chet A̱yahudawa ba si̱ nyia̱ ma̱ng Yesu a̱ni, “Di̱ yong huni, zi̱ lyen chi̱k nang a mbyia̱ a̱ka̱tuk ntswa! Mat Ibrahim ku khwu, ma a̱nia wa a̱yaata̱m a̱kwonu A̱gwaza á̱ghyang. A̱mgba̱m ma̱ng a̱nia, a nyia̱, ‘Konyan wa khwi a̱lyiat nung na, a̱ si̱ mi̱n khwu bah. A̱ na shya̱ swuan sang sangba̱p.’

Nta̱m A̱yaata̱m 17:23

“Mat a̱nia, nang n chong kat a̱keang nyin ka a̱ni, n si̱ ndi nkyang nang nyi nkwok ntong a̱ni. A̱wot n si̱ ndi a̱tyii nang á̱ khap á̱ sak a̱gwaza da̱nang á̱ lyen a̱ni bah. A̱gwaza wuni nang nyi kwok gu ntong na, di̱ mi̱ lyen nggu a̱ni. Nggu wa nang n bai n shei ma̱ng a̱nyin, nyi lyen nggu!

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

1 Yoona 1:6

Mat a̱nia, ki̱ zi̱ tyiet nyia̱ zi̱ byia̱ mun á̱pyia̱ ma̱ng a̱nggu, nang zi̱ ni̱ swan mi̱ ndyin, zi̱ bwoi la hwa. Zi̱ si̱ bu khwi a̱chuchuk wu bah.

1 Yoona 2:22

A̱nyan wa yet a̱tyu bwoi a̱ka̱laa wu? Nggu wa yet a̱tyu a̱ nyia̱ di̱ Yesu yet a̱tsatsak Kristi a̱tyu nang A̱gwaza kup gu tyok a̱ni bah. A̱tyu a̱ fwuo A̱tyia̱ wu ma̱ng Nggwon ka a̱ni, nggu wa yet a̱tyu lak li Kristi wu.

1 Yoona 2:4

Ka̱ a̱yin tak nyia̱, “N dyen A̱gwaza,” a̱wot a̱ si̱ lak khwi doka A̱gwaza ji, a̱tyu a̱wa yet a̱tyu bwoi a̱ka̱laa wa. A̱wot a̱ swan swat lyen a̱chuchuk A̱gwaza wu bah.

1 Yoona 5:10

Konyan wa nwuak fwuo di̱ Nggwon A̱gwaza ka, a̱ lyen mi̱ fwuo nggu hu nang sheda huni ngyet a̱chuchuk wa. Ma a̱nia wa, konyan wa da̱ a̱ nwuak fwuo da̱ A̱gwaza bah, ku fa, a̱ tyia̱ A̱gwaza a̱tyu bwoi a̱ka̱laa. Mat nang gu nwai nwuak a̱chuchuk da̱ a̱lyiat nang A̱gwaza tak tazwa Nggwon nggu ka a̱ni.

Tyai Á̱zanson 3:9

Nyi fa̱k! N na ntyia̱ á̱niet ba̱ yet á̱si̱ tutu a̱tung A̱ta̱nyeang a̱ni, ba̱ nyia̱ ba̱ yet á̱tsatsak A̱yahudawa a̱ni, a̱wot a̱nia wa ba̱ ndi bah. Ba̱ bwoi a̱ka̱laa nia. N na ntyia̱ mba ba̱ kpaat a̱khwukhwut a̱zaghyi nyin. A̱jawa ba̱ na ndyen nang nyin bya ngyet á̱niet nang n chat a̱ni.