Yoona 8:48 - A̠lyiat A̠gwaza na di̠n Tyap: A̠li̠ka̠uli A̠fai

⁴⁸ A̱cha̱chet A̱yahudawa ba si̱ nyia̱. “Zi̱ ku bwuo la nang zi̱ ku nhyia̱ ma̱ng a̱nwan nyia̱ a yet a̱tyu Sa̱mariya, a̱wot a si̱ byia̱ a̱ka̱tuk ntswa a̱ni a?”

Yoona 8:48 Iomraidhean Croise

Matyu 10:25

Nggwon ta̱m myim ka̱ tai a̱tyu tyiet nka wu. Ma a̱nia wa, a̱khwo wu meang, a̱ myim a̱ tai a̱tyoli nggu wu. A̱wot ka̱ nung, a̱tyoli nyin wu, á̱ yei nung ‘A̱gwam á̱ka̱tuk ntswá,’ ma a̱nia wa nyin, nyi yet kyang bwak nung hu a̱ni, á̱ na tyei nyin á̱ka̱tuk lyulyoot ku swak a̱nia a̱ni za̱m!

Matyu 10:5

Yesu si̱ ta̱m a̱yaata̱m swak ma̱ a̱feang bani, a̱ si̱ tak ma̱ng a̱mba nyia̱, “Nyi yok nat da̱ a̱vwuo Nnwap na̱ nwai yet A̱yahudawa ku a̱ka̱keang A̱sa̱mariyawa bah.

Matyu 11:18

“Ma a̱nia wa, Yoona ku swan di̱ mi̱ ya di̱ mi̱ swuo, a̱wot nyi si̱ kwop a̱dyii̱ng nyia̱, ‘A̱ byia̱ a̱ka̱tuk ntswa!’

Matyu 12:24

Nang A̱fa̱risawa ba nfa̱k a̱nia a̱ni, ba̱ si̱ nyia̱, “A̱tyu wuni doot a̱ khai á̱ka̱tuk ntswá ba̱ ghwut ma̱ á̱niet. Kyang a̱ri̱bi̱di hwa bah, mat a̱ shyat chet khai á̱ka̱tuk ntswá ba̱ ghwut ma̱ á̱niet ba da̱ a̱vwuo Baalza̱but, a̱gwam á̱ka̱tuk ntswá wu wa!”

Matyu 12:31

“Mat a̱nia, n tak ma̱ng a̱nyin a̱tsak a̱lyiat, á̱ na chi kuzang a̱ka̱tuk nyia̱ ma̱ng lihyat nang á̱niet nyia̱ a̱ni. A̱wot lihyat nang á̱ nyia̱ tazwa A̱za̱za̱rak Ntswa A̱gwaza wu a̱ni, á̱ na chi nhu bah.

Matyu 15:7

Nyin á̱bubuk á̱niet! A̱tsak a̱lyiat wa nang Ishaya a̱ta̱m a̱kwonu A̱gwaza gbangbang ku ntak á̱zanson tazwa nyin, ma̱nang gu ndyuut a̱ni nyia̱,

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 10:20

Á̱ghyang mba si̱ nyia̱, “A̱tyu a̱wa byia̱ a̱ka̱tuk ntswa! A̱ tyong jhyiip wa! Yihwa mbyia̱ nang nyi myiai a̱fufwuo fwuong kyang hu gu lyiat a̱ni?”

Yoona 13:13

Nyi yei nung ‘A̱tyu tyiet’ ma̱ng ‘A̱tyoli.’ Nyi shei cha̱chaat, nyi ghyuap bah. A̱nia wa nang ngyet.

Yoona 4:9

A̱jawa a̱nap wu si̱ nyia̱ ma̱ng a̱nggu a̱ni, “A yet a̱tyu A̱yahudawa, a̱wot nung n si̱ ngyet a̱nap A̱sa̱mariya. A na nyia̱ a̱ni, a naai a̱sa̱khwot swuo da̱ a̱vwuo nung?” (A̱ hyia̱ a̱nia, mat A̱yahudawa byia̱ a̱meang ma̱ng A̱sa̱mariyawa bah).

Yoona 7:20

Á̱kpa á̱niet ka si̱ nwuak gu shim nyia̱, “A byia̱ a̱ka̱tuk ntswa! A̱nyan wa chat hyat ang hu?”

Yoona 8:22

Huhwa a̱cha̱chet A̱yahudawa ba si̱ lyip, nyia̱ “A̱ na hyat a̱pyia̱ nggu kya kee? Nang gu nnyia̱, ‘A̱vwuo ka nang n naat a̱ni, nyi si̱ mi̱n mak nat bah.’ ”

Yoona 8:52

Huhwa a̱cha̱chet A̱yahudawa ba si̱ nyia̱ ma̱ng Yesu a̱ni, “Di̱ yong huni, zi̱ lyen chi̱k nang a mbyia̱ a̱ka̱tuk ntswa! Mat Ibrahim ku khwu, ma a̱nia wa a̱yaata̱m a̱kwonu A̱gwaza á̱ghyang. A̱mgba̱m ma̱ng a̱nia, a nyia̱, ‘Konyan wa khwi a̱lyiat nung na, a̱ si̱ mi̱n khwu bah. A̱ na shya̱ swuan sang sangba̱p.’

A̱romawa 15:3

Mat ku nggu Kristi ma̱ a̱pyia̱ nggu, a̱ ku nyia̱ kyang ku myim nggu wa a̱ni bah. Á̱ lyuut ma̱ A̱lyiat A̱gwaza kyang nang gu hyia̱ ma̱ng A̱gwaza a̱ni, nyia̱, “Ma̱nang á̱ nfwoi ang a̱ni, ma a̱nia wa nang fwoi nang á̱ fwoi ang a̱ni, ku kwa da̱ nung mameang.”

Ibriniyawa 13:13

Mat a̱nia, yok zi̱ ghwut zi̱ nat a̱ma̱nta a̱chya̱ ka da̱ a̱vwuo Yesu. A̱wot zi̱ gbang a̱lyia̱ zi̱ swuo nsum ma̱ng lihyat ma̱nang gu ku nswuo a̱ni.

Yakubu 2:19

A kyiak nyia̱ a nwuak a̱chuchuk, mat a nwuak a̱chuchuk nang A̱gwaza a̱nyiung wa nshya̱. Ka a shim nyia̱ a̱nia wa, ku yet a̱sham! Ku á̱ka̱tuk ntswá ba meang, nwuak a̱chuchuk nang A̱gwaza nshya̱. A̱wot ba̱ si̱ tyi̱ri̱m vam a̱zaghyi nggu ma̱ng a̱gba̱ndang a̱wun.