Yoona 8:47 - A̠lyiat A̠gwaza na di̠n Tyap: A̠li̠ka̠uli A̠fai

⁴⁷ A̱tyu a̱ yet a̱si̱ A̱gwaza a̱ni, a̱ ni̱ myiai a̱fufwuo a̱ fa̱k a̱lyiat A̱gwaza na. Nyin, nyi yet á̱niet A̱gwaza bah. Huhwa mbyia̱ nyi si̱ mi̱n myiai a̱fufwuo nyi fa̱k a̱lyiat A̱gwaza na bah.”

Yoona 8:47 Iomraidhean Croise

Yoona 12:48

“A̱tyu a̱ lak nung, a̱wot a̱ si̱ lak san a̱lyiat nung na a̱ni; a̱tyu a̱wa byia̱ a̱tyu á̱ na nyia̱ gu shi̱ri̱ya a̱ni. A̱lyiat na nang n dyiat a̱ni, ni̱nia na faat gu shi̱ri̱ya ji a̱tuk mam ngaan ka.

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 5:25

“N tak nyin a̱tsatsak a̱lyiat; jen na bai, a̱wot ma̱ninika ji̱ wa ka̱n nyia̱, nang á̱niet ba̱ ka̱n kwi a̱ni na nfa̱k a̱nwuat Nggwon A̱gwaza. A̱wot á̱niet ba̱ fa̱k a̱ni, ba̱ na shya̱ swuan.

Yoona 6:65

A̱jawa Yesu si̱ bu nyia̱ ma̱ng a̱mba a̱ni, “Huhwa mbyia̱ nang n hyia̱ ma̱ng a̱nyin; á̱ mbyia̱ a̱tyu a̱ na bai da̱ a̱vwuo nung a̱ni bah; ka̱nang A̱tyia̱ nung wu wa bai ma̱ng a̱nggu bah.”

Yoona 8:37

“N dyen nang nyi ngyet kwai Ibrahim ja. A̱mgba̱m ma̱ng a̱nia, nyi kwan nyi hyat nung. Mat a̱lyiat nung na shya̱ mi̱ fwuo nyin na bah.

Yoona 8:43

Yihwa mbyia̱ nang nyi nnwai fi̱k kyang hu nang n dyiat a̱ni? Mat, nyi chat nyi myiai a̱fufwuo, nyi fa̱k á̱lyiat nung na bah.

Yoona 8:45

Nung, n dyiat a̱tsatsak a̱lyiat wa. Huhwa mbyia̱ nang nyi ndak nwuak fwuo da̱ nung.

1 Yoona 3:10

Ma̱ninika, zi̱ lyen si̱sak nang á̱ na nfi̱k á̱tsatsak mman A̱gwaza na a̱ni, ma̱ng á̱si̱ ba ba̱ yet mman A̱ta̱nyeang na a̱ni: Kuzang a̱yin da̱ a̱ nyia̱ tsotswat a̱ni bah, a̱wot a̱ si̱ lak chat á̱niet khwi á̱ghyang a̱ni, a̱tyu a̱wa yet a̱si̱ A̱gwaza wa bah.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.

3 Yoona 1:11

Nwan Gayut, a̱kpa̱ndang nung nang n chat a̱ni, yok khwi a̱ka̱tuk za̱kwa wuni bah. Da̱ a̱kwonu a̱kya, khwi a̱tan za̱kwa wu wa. Mat a̱tyu a̱ nyia̱ a̱tan nkyang a̱ni, ku tak nang gu ngyet a̱si̱ A̱gwaza wa. Ma a̱nia wa, a̱tyu a̱ ma nyia̱ á̱ka̱tuk nkyang a̱ni, ku tak nang gu ndyen A̱gwaza bah, ku ma̱ chunchwiit.