Yoona 8:46 - A̠lyiat A̠gwaza na di̠n Tyap: A̠li̠ka̠uli A̠fai

⁴⁶ “Mami nyin, a̱nyan wa doot a̱ tak nang gu ka̱n di nang n nyia̱ a̱ka̱tuk nyia̱? Ka̱ a̱tsatsak a̱lyiat wa nang n dyiat, yihwa mbyia̱ nang nyi ndak nwuak fwuo hu da̱ nung?

Yoona 8:46 Iomraidhean Croise

Matyu 21:25

Nyi tak nung, tyok nang Yoona ku nnyia̱ Ba̱ptisman ji a̱ni, ku neet a̱ji wa? Ku neet Ma A̱gwaza tswazwa kya kee, da̱ a̱vwuo a̱tyubishyi kya?” A̱wot ba̱ si̱ ya nwuo a̱di̱dam tsi̱tsak mba nyia̱, “Ka̱ zi̱ nyia̱, tyok nyia̱ ba̱ptisman nggu hu neet Ma A̱gwaza tswazwa kya, a̱ na lyip zi̱t, mi̱ yihwa mbyia̱ zi̱ ndak nwuak a̱chuchuk di̱ tyiet Yoona hu?

Ma̱rkut 11:31

Ba̱ si̱ ya nwuo a̱di̱dam tsi̱tsak mba nyia̱, “Ki̱ zi̱ nyia̱ tyok nyia̱ ba̱ptisman nggu hu neet Ma A̱gwaza tswazwa kya; a̱ na lyip zi̱t nyia̱, ‘Yihwa mbyia̱ nyi ndak nwuak a̱chuchuk da̱ a̱lyiat Yoona na?’

Yoona 14:30

“N bu si̱ mi̱n dyiat ma̱ng a̱nyin a̱jojoot a̱lyiat bah, mat A̱ta̱nyeang swanta kani, ka̱ chobai. A̱mgba̱m ma̱ng a̱nia, ka̱ si̱ mi̱n nyia̱ tyok tazwa nung bah.

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 16:8

Jen ji nang A̱tyu Beang wu na mbai a̱ni, a̱ na tak á̱niet mi̱ swanta ba nang a̱di̱dam mba wu ngyet bah; tazwa a̱ka̱tuk nyia̱, ma̱ng tsotswat, mbeang shi̱ri̱ya.

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 8:47

A̱tyu a̱ yet a̱si̱ A̱gwaza a̱ni, a̱ ni̱ myiai a̱fufwuo a̱ fa̱k a̱lyiat A̱gwaza na. Nyin, nyi yet á̱niet A̱gwaza bah. Huhwa mbyia̱ nyi si̱ mi̱n myiai a̱fufwuo nyi fa̱k a̱lyiat A̱gwaza na bah.”

Yoona 8:7

Nang ba̱ ngyong a̱ja, ba̱ ya a̱son ma̱ng lyi̱ri̱m nggu a̱lyiat a̱ni. A̱ si̱ doot a̱ yong, a̱ si̱ nyia̱ ma̱ng a̱mba a̱ni, “Mami nyin, a̱tyu da̱ á̱ ka̱n mak nyia̱ a̱ka̱tuk nyia̱ ma̱nyin a̱ni bah; gu yet a̱son kyiak a̱fang gu nta a̱byii̱k wuni, zi̱ li.”

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

1 Bitut 2:22

Ma̱nang á̱ ndyuut tazwa Kristi a̱ni, nyia̱, “A̱ ku nyia̱ a̱ka̱tuk nyia̱ bah. Da̱ nggu, a̱ ku laai a̱yin bah.”