Yoona 8:43 - A̠lyiat A̠gwaza na di̠n Tyap: A̠li̠ka̠uli A̠fai

⁴³ Yihwa mbyia̱ nang nyi nnwai fi̱k kyang hu nang n dyiat a̱ni? Mat, nyi chat nyi myiai a̱fufwuo, nyi fa̱k á̱lyiat nung na bah.

Yoona 8:43 Iomraidhean Croise

Matyu 13:15

Mat nfwuo á̱niet nani tyia̱ gba̱pdok. A̱wot a̱fufwuo mba ba si̱ lak fwuong a̱lyiat na. A̱wot ba̱ si̱ nyim á̱ghyi mba ba. Mat a̱nia, á̱ghyi mba ba si̱ mi̱n nwuan ku ba̱ fi̱k bah. Da̱ a̱fufwuo mba ba, ba̱ si̱ mi̱n fwuong bah. A̱wot nfwuo mba na si̱ mi̱n fi̱k kyang bah. Da̱ mba, ba̱ si̱ mi̱n bwuok á̱ bai da̱ a̱vwuo nung n choot ba bah.’

Yoona 5:25

“N tak nyin a̱tsatsak a̱lyiat; jen na bai, a̱wot ma̱ninika ji̱ wa ka̱n nyia̱, nang á̱niet ba̱ ka̱n kwi a̱ni na nfa̱k a̱nwuat Nggwon A̱gwaza. A̱wot á̱niet ba̱ fa̱k a̱ni, ba̱ na shya̱ swuan.

Yoona 5:43

Nung, n bai da̱ a̱lyoot A̱tyia̱ nung kya. Da̱ nyin, nyi san nung bah. A̱wot ka̱ a̱ghyang a̱niet bai da̱ a̱lyoot a̱pyia̱ nggu, nyi na san gu mbwak nfeang.

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Yoona 7:17

Konyan wa chat nyia̱ kyang nang A̱gwaza chat a̱ni, a̱ na fi̱k tyiet huni; ka̱ ku yet si̱ A̱gwaza hwa, kee n ma ndyiat a̱kwonu a̱pyia̱ nung kya.

Yoona 8:27

Ba̱ ku fi̱k nang Yesu ndyiat ma̱ng a̱mba tazwa A̱tyia̱ nggu wu wa a̱ni bah.

Yoona 8:33

Ba̱ si̱ nyia̱, “Nzi̱t, zi̱ yet kwai Ibrahim ja. Zi̱ ka̱n mak yet a̱khwo a̱yin bah. Yihwa nang a fa a na tyia̱ zi̱ nshot?”

Yoona 8:39

A̱cha̱chet A̱yahudawa ba si̱ nyia̱, “A̱tyia̱ nzi̱t wu wa yet Ibrahim!” Yesu mameang si̱ nyia̱ ma̱ng a̱mba a̱ni, “Kaai, ka̱ a̱tsatsak a̱lyiat wa nang nyi nyia̱ nyi yet mman Ibrahim nia; nyi na nyia̱ tangka̱i nta̱m hu nang Ibrahim ku nyia̱ a̱ni.

Nta̱m A̱yaata̱m 7:51

“Nyin á̱niet byia̱ gba̱p a̱pyia̱! Nyi yet á̱niet chyi A̱gwaza bya mi̱ nfwuo nyin na! A̱wot a̱fufwuo nyin ba si̱ lak fa̱k a̱tsatsak a̱lyiat wu! Ku yet ta hwa nyi ya a̱son di̱ lak khwi A̱za̱za̱rak Ntswa wu si̱ nat sang sangba̱p a?! A̱nia wa nang a̱yaatyia̱ a̱khwop nyin ba ku nnyia̱. A̱wot nyin meang, a̱nia wa nyi nyia̱!

A̱romawa 3:11

Á̱ mbyia̱ a̱tyu a̱ byia̱ a̱tsatsak mumwang a̱ni bah. Da̱ mba, á̱ mbyia̱ a̱tyu a̱ chat a̱ shya̱ A̱gwaza a̱ni bah.