Yoona 8:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Yoona 8:42 Iomraidhean Croise

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 12:49

“Nkyang nang n tyiet a̱ni, na̱ neet da̱ a̱vwuo nung kya bah. A̱tyia̱ nung wu wa a̱ ta̱m nung a̱ni; nggu wa tak nung a̱lyiat nang n dyiat a̱ni.

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 14:10

A nwuak a̱chuchuk nyia̱ n shya̱ mami A̱tyia̱ nung wu, A̱tyia̱ nung wu mameang, si̱ shya̱ mami nung baa? A̱lyiat nang n ndyiat ma̱ng a̱nyin a̱ni, n ndyiat naa mi̱ tyok a̱pyia̱ nung hwa bah. A̱tyia̱ nung wa a̱ swan mami nung ka a̱ni; nggu wa ma̱ a̱pyia̱ nggu nyia̱ nta̱m gu.

Yoona 16:30

Ma̱nini kikya nang zi̱ nfi̱k nang a ndyen kuzang kyang ka̱ doot a nwuak shim nang a̱yin ka̱n dyip ang kyang bah. Si̱ huni tyia̱ zi̱ si̱ nwuak a̱chuchuk nang a neet Ma A̱gwaza tswazwa kya.”

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 5:43

Nung, n bai da̱ a̱lyoot A̱tyia̱ nung kya. Da̱ nyin, nyi san nung bah. A̱wot ka̱ a̱ghyang a̱niet bai da̱ a̱lyoot a̱pyia̱ nggu, nyi na san gu mbwak nfeang.

Yoona 8:14

Yesu si̱ nyia̱, “Ka̱ n tak a̱chuchuk kpa̱sai tazwa a̱pyia̱ nung, kyang hu nang n tak a̱ni, a̱tsatsak a̱lyiat wa. Mat, n dyen a̱vwuo ka nang n neet a̱ni, ma̱ng a̱vwuo ka nang n na mbwuok n nat a̱ni. A̱wot nyin, nyi lyen a̱vwuo ka nang n neet a̱ni bah. Da̱ nyin, nyi lyen a̱vwuo ka nang n na mbwuok n nat a̱ni bah.

1 A̱korontiyawa 16:22

Konyan wa da̱ a̱ chat A̱tyoli Yesu a̱ni bah, yok á̱ shyi ngguu. Yok A̱tyoli nzi̱t wu, a̱ bai!

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.

1 Yoona 4:14

Mbeang a̱nia, nzi̱t a̱yaata̱m nggu ba, zi̱ ka̱n di ma̱ng á̱ghyi nzi̱t. A̱wot zi̱ si̱ shei ma̱ng á̱niet ba nang A̱gwaza a̱ yet A̱tyia̱ nzi̱t wu a̱ni, nta̱m ma̱ng Nggwon nggu ka, ka̱ ka yet A̱tyusan á̱niet mi̱ swanta ba.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

Tyai Á̱zanson 22:1

A̱jawa a̱ta̱m tswa A̱gwaza wu si̱ tak ma̱ng a̱nung a̱ghyui ka̱ byia̱ a̱sa̱khwot nswuan a̱ni. A̱sa̱khwot na li ma̱ wowot nang ma̱dubi a̱ni, na̱ tyong á̱ neet da̱ a̱gba̱ndang chuk Tyok A̱gwaza ma̱ng a̱si̱ Fi̱ng A̱nfwuk hu!