Yoona 8:41 - A̠lyiat A̠gwaza na di̠n Tyap: A̠li̠ka̠uli A̠fai

⁴¹ Nyi nyian kyang nang a̱tyia̱ nyin wu nyia̱ wa a̱ni.” Ba̱ si̱ nyia̱, “A̱gwaza wa ma̱ a̱pyia̱ nggu yet A̱tyia̱ nzi̱t wu! Á̱ tyei nzi̱t di̱n vak katnaan bah. A̱gwaza wa ma̱ a̱pyia̱ nggu tyei nzi̱t, zi̱ yet mman gu nia za̱m!”

Yoona 8:41 Iomraidhean Croise

Yoona 8:38

Nung, n dyiat kyang hu nang n di da̱ a̱vwuo A̱tyia̱ nung ka a̱ni. A̱wot nyin mameang, nyi ni̱ nyia̱ kyang hu nang a̱tyia̱ nyin wu hyia̱ ma̱ng a̱nyin, nyi si̱ fa̱k a̱ni.”

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

1 Yoona 3:12

Ku myim zi̱ yok tai Kayinu a̱ yet a̱si̱ A̱ta̱nyeang a̱ni bah. Nggu wa ku hyat a̱na̱nyiuk nggu wu, Abila. Yihwa mbyia̱ Kayinu ku nhyat a̱na̱nyiuk nggu wu? Mat nta̱m Kayinu na ku yet a̱ka̱tuk, a̱wot si̱ Abila na si̱ yet a̱tsotswat wa.