Yoona 8:40 - A̠lyiat A̠gwaza na di̠n Tyap: A̠li̠ka̠uli A̠fai

⁴⁰ Nyin bya ba di̱ yong huni, nyi chat nyi hyat nung; nung a̱tyu n tak ma̱ng a̱nyin a̱chuchuk nang n fa̱k da̱ a̱vwuo A̱gwaza a̱ni. A̱nia wa nang Ibrahim ku nnyia̱ bah.

Yoona 8:40 Iomraidhean Croise

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 8:26

Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”

Yoona 8:56

Ibrahim, a̱ ku yet a̱tyia̱ nyin wu a̱ni, a̱ ku shya̱ ma̱ng a̱sai a̱lyia̱ mat chat li jen nang n ku nshya̱ mi̱ swanta hu a̱ni. A̱ ku li njii, a̱ si̱ gwai!”

A̱romawa 4:12

A̱wot Ibrahim mun a̱ yet a̱tyia̱ A̱yahudawa, á̱niet ba nang á̱ tyia̱ mba mi̱ chen a̱ni; ka̱nang ba̱ nwuak fwuo da̱ A̱gwaza ma̱nang Ibrahim ku nwuak fwuo da̱ A̱gwaza, neet nang á̱ ka̱n tyia̱ nggu mi̱ chen hu a̱ni bah.

A̱ga̱la̱tiyawa 4:16

Ma̱ninika, nyi kyiak nung nang a̱tyu lak li nyin a̱ni, mat n tak ma̱ng a̱nyin a̱tsak a̱lyiat a?

A̱ga̱la̱tiyawa 4:29

A̱wot sot á̱niet ji ji̱ chat nyi khwi doka ji a̱ni, bibya ya̱shuk nyin ma̱nini. Ba̱ nyia̱ a̱nia, ma̱nang Isi̱melu, nggwon ka nang a̱khwo a̱byii̱k wu ku byin di̱n vak chet nang a̱tyubishyi ntyei mman a̱ni. Ka̱ ku doot ka̱ si̱ ya̱shuk Ishaku, nggwon ka nang a̱yang a̱li wu ku byin mat chet A̱za̱za̱rak Ntswa hwa a̱ni.

Tyai Á̱zanson 12:17

A̱wot a̱gba̱ndang a̱ka̱tuk nzwuo a̱ byia̱ nfeap na a̱ni, si̱ fa̱k a̱lyia̱ ya ma̱ng a̱byii̱k wu. A̱ si̱ doot zwang ma̱ng á̱kum mman a̱byii̱k ka. Ni̱nia yet a̱mgba̱m á̱niet ba̱ khwi á̱lyiat A̱gwaza na, ba̱ bu yong di̱ nwuak sheda da̱ a̱lyiat Yesu a̱ni.

Tyai Á̱zanson 12:4

A̱wot li̱m a̱ka̱tuk nzwuo hu si̱ khwat sot jhyung mami susot tsat á̱ta̱ngwat na̱ shya̱ mi̱ kyai tswazwa hu a̱ni, a̱ ta a̱byin mi̱ swanta hu. A̱ si̱si̱ yong a̱zaghyi a̱byii̱k a̱wa a̱ twei ma̱ng byin hu a̱ni, a̱ fwuong ka̱ a̱byii̱k wu byin, gu ya nggwon ka!