Yoona 8:37 - A̠lyiat A̠gwaza na di̠n Tyap: A̠li̠ka̠uli A̠fai

³⁷ “N dyen nang nyi ngyet kwai Ibrahim ja. A̱mgba̱m ma̱ng a̱nia, nyi kwan nyi hyat nung. Mat a̱lyiat nung na shya̱ mi̱ fwuo nyin na bah.

Yoona 8:37 Iomraidhean Croise

Matyu 13:15

Mat nfwuo á̱niet nani tyia̱ gba̱pdok. A̱wot a̱fufwuo mba ba si̱ lak fwuong a̱lyiat na. A̱wot ba̱ si̱ nyim á̱ghyi mba ba. Mat a̱nia, á̱ghyi mba ba si̱ mi̱n nwuan ku ba̱ fi̱k bah. Da̱ a̱fufwuo mba ba, ba̱ si̱ mi̱n fwuong bah. A̱wot nfwuo mba na si̱ mi̱n fi̱k kyang bah. Da̱ mba, ba̱ si̱ mi̱n bwuok á̱ bai da̱ a̱vwuo nung n choot ba bah.’

Matyu 3:9

A̱wot nyi yok laai pyipyia̱ nyin nyia̱, ‘Zi̱ shya̱ san, mat Ibrahim wa yet a̱tyia̱ a̱khwop nzi̱t wu!’ Mat n shei nyin nang A̱gwaza mbyia̱ chet a̱ tyia̱ nfang nani na̱ yet mman kwai Ibrahim.

Yoona 10:31

Huhwa A̱yahudawa ba si̱ bu kyiak nfang nang ba̱ na mmang nggu a̱ni.

Yoona 11:53

Neet a̱tuk a̱kya, ba̱ si̱ la̱p a̱nu di̱ si̱sak ji nang ba̱ na nhyat Yesu a̱ni.

Yoona 5:44

“Nyi na nyia̱ ni wa nyi nwuak a̱chuchuk, ka̱nang nyi chat dyep da̱ a̱vwuo á̱ghyang nyin; a̱wot da̱ nyin nyi chat chyin ku neet da̱ a̱vwuo A̱gwaza ma̱nyin nggu a̱ni bah?

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 7:19

“Musa wa ku nwuak nyin doka A̱gwaza ji baa? A̱mgba̱m ma̱ng a̱nia, á̱ mbyia̱ a̱tyo nyiung ma̱ nyin a̱ khwi doka A̱gwaza ji a̱ni bah. Yihwa mbyia̱ nyi nchat nyi hyat nung?”

Yoona 7:25

Á̱ghyang á̱niet ba̱ neet mi̱ Urusha̱lima a̱ni, ba̱ si̱ nyia̱, “A̱tyu wuni wa nang ba̱ chat hyat hu baa?

Yoona 8:33

Ba̱ si̱ nyia̱, “Nzi̱t, zi̱ yet kwai Ibrahim ja. Zi̱ ka̱n mak yet a̱khwo a̱yin bah. Yihwa nang a fa a na tyia̱ zi̱ nshot?”

Yoona 8:43

Yihwa mbyia̱ nang nyi nnwai fi̱k kyang hu nang n dyiat a̱ni? Mat, nyi chat nyi myiai a̱fufwuo, nyi fa̱k á̱lyiat nung na bah.

Yoona 8:56

Ibrahim, a̱ ku yet a̱tyia̱ nyin wu a̱ni, a̱ ku shya̱ ma̱ng a̱sai a̱lyia̱ mat chat li jen nang n ku nshya̱ mi̱ swanta hu a̱ni. A̱ ku li njii, a̱ si̱ gwai!”

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.

Yoona 8:6

Ba̱ ku lyip gu a̱lyiat nani, da̱nian ba̱ tya̱ra̱m nggu, ba̱ ka shya̱ kyang hu nang ba̱ na ntyap guu, ba̱ tyia̱ nggu a̱bun a̱ni. A̱mgba̱m ma̱ng a̱nia, Yesu si̱ beak, a̱ si̱ lyuut a̱byin ma̱ng ga̱swuong.

Nta̱m A̱yaata̱m 13:26

“Á̱na̱nyiuk nung ba, nyin nyi yet á̱ka̱mbwon Ibrahim na a̱ni, ma̱ng a̱nyin Nwap na̱ nwai yet A̱yahudawa nyi fwuong a̱wun A̱gwaza a̱ni; nzi̱t bya nang á̱ ta̱m ma̱ng a̱nzi̱t á̱lyiat nswuan sang sangba̱p nani!

A̱romawa 9:7

Mat nang ba̱ neet mi̱ kwai Ibrahim ja a̱ni, ku fa nyia̱ ba̱ yet á̱tsatsak mman Ibrahim bya bah. Da̱ a̱kwonu a̱kya, ku nang Ibrahim mbyia̱ mman á̱ghyang a̱ni, á̱ lyuut nyia̱, “Da̱ a̱vwuo Ishaku kya, a na nshya̱ kwai nang n nyia̱ ang a̱li̱ka̱uli wu a̱ni.”

1 A̱korontiyawa 2:14

A̱wot á̱niet ba̱ sang A̱za̱za̱rak Ntswa wu a̱ni, ba̱ si̱ mi̱n san a̱chuchuk wuni a̱ neet da̱ a̱vwuo A̱za̱za̱rak Ntswa A̱gwaza a̱ni bah. Mat da̱ a̱vwuo mba a̱chuchuk wu yet bwuon hwa. Da̱ mba, ba̱ si̱ mi̱n fi̱k gu bah. Mat ma̱ á̱niet ba̱ byia̱ A̱za̱za̱rak Ntswa wu a̱ni, bibya ni̱ fi̱k a̱chuchuk A̱gwaza wu nang A̱za̱za̱rak Ntswa wu ni̱ tyai a̱ni.

1 Yoona 2:14

N dyuut nyin dyo, nyin mman na, mat nyi lyen A̱tyia̱ wu. N dyuut nyin ndyo, nyin nyi yet a̱yaatat a̱ghyi a̱ni, mat nyi lyen nggu a̱tyu a̱ nshya̱ neet di̱n tsa swanta hu a̱ni. N dyuut nyin dyo, mat nyi byia̱ chet, a̱wot a̱lyiat A̱gwaza na shya̱ mi̱ fwuo nyin na. Nyi si̱ bu swuo chet A̱ta̱nyeang ka.