Yoona 8:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ Yesu si̱ nwuak ba shim nyia̱, “A̱tsatsak a̱lyiat, n hyia̱ ma̱ng a̱nyin; konyan wa nyia̱ a̱ka̱tuk nyia̱ a̱ni, a̱ yet a̱khwo a̱ka̱tuk nyia̱ wa za̱m!

Yoona 8:34 Iomraidhean Croise

Matyu 5:18

N shei nyin a̱tsak a̱lyiat; tswazwa ma̱ng a̱byin na tyak, a̱wot ku a̱bada̱dei ndang zwunzwuo a̱nyiung nang á̱ ta̱zut di̱ lyuut doka A̱gwaza ji a̱ni na ta̱yuut bah; si̱ nang kuzang kyang bai cha̱chaat da̱ a̱nu ka!

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Nta̱m A̱yaata̱m 8:23

Mat n di nang fwuo ang hu nhyat ma̱ng kwi swam, a̱wot a si̱ yet a̱khwo a̱ka̱tuk nyia̱!”

A̱romawa 6:12

Mat a̱nia, nyi yok shim a̱ka̱tuk nyia̱ a̱ nyia̱ tyok mi̱ nvam nyin na bah. Nyi yok shim nyi khwi shyuo a̱ka̱tuk nyia̱ bah.

A̱romawa 6:16

Nyi lyen nang nyi ngyet á̱khwo kuzang kyang nang nyi khai nyi khwi nhu wa a̱ni a? Ka̱ doot nyi khai nyi yet á̱khwo a̱ka̱tuk nyia̱, a̱ na tyia̱ nyin a̱khwu a̱ni; ku nyi khai nyi khwi A̱gwaza a̱ na tyia̱ nyi swan nang á̱tsotswat á̱niet a̱ni.

A̱romawa 6:6

Zi̱ lyen ku yet ta hwa, zi̱ ni̱ njhyung nang á̱ ku nkpang a̱khwukhwop a̱ka̱tuk za̱kwa nzi̱t wu da̱ a̱team a̱khwu wu ma̱ng Kristi, da̱nian zi̱ ka swuo chet a̱ka̱tuk nyia̱ mi̱ swat nzi̱t hu. A̱wot zi̱ bu yet á̱khwo a̱ka̱tuk nyia̱ bah.

A̱romawa 7:14

Mat a̱nia, zi̱ lyen nang doka ji ngyet a̱tan wa nang A̱za̱za̱rak Ntswa wu nwuak a̱ni, a̱wot nung ma̱ a̱pyia̱ nung ngyet a̱tyubishyi wa, tsa bu ngyet a̱khwo a̱ka̱tuk nyia̱.

A̱romawa 7:25

N gwai ma̱ A̱gwaza! Yesu Kristi A̱tyoli nzi̱t wu, nggu wa na ti̱n nzi̱t mi̱ vam za̱kwa a̱ka̱tuk nyia̱ ma̱ng a̱khwu. Mat a̱nia, mi̱ fwuo nung hu, n ni̱ khwi doka A̱gwaza ji. A̱wot mat za̱kwa a̱ka̱tuk nyia̱ nung ji, n gyet a̱khwo a̱ka̱tuk nyia̱ wa.

A̱romawa 8:21

Na̱ nwuan mam á̱zanson nang ba̱ na mmun ndung ma̱ng mman A̱gwaza ma̱ a̱kyenkyai shi nggu wu ma̱ sa̱t, ba̱ shot a̱khwu ma̱ng bwui a̱ni.

A̱fisawa 2:2

Nyi ni̱ khwi a̱ka̱tuk nyia̱ swanta wuni ma̱nang á̱kum á̱niet swanta ka a̱ni. Nyi si̱ khwi A̱ta̱nyeang ka̱ yet a̱gwam á̱ka̱tuk ntswá ba̱ nyia̱ tyok mi̱ kyai tswazwa hu a̱ni. Kikya yet a̱ka̱tuk ntswa ji̱ ni̱ nyia̱ nta̱m mi̱ nfwuo á̱niet ba̱ lak khwi A̱gwaza a̱ni.

Titut 3:3

Nzi̱t ma̱ á̱pyia̱ nzi̱t, gbangbang zi̱ ku nyia̱ bwuon. Zi̱ si̱ lak fwuong. Á̱ si̱ laai nzi̱t. Zi̱ ku yet á̱khwo bya di̱ nkyang shyuo mi̱ chat fa̱k nyinyang swanta hu ma̱ a̱di̱di̱t. Zi̱ ku swan a̱ka̱tuk nswat, ma̱ng kwi swam. Zi̱ si̱ ba̱ng á̱ghyang mi̱ fwuo. Zi̱ si̱ lak li á̱ghyang.

2 Bitut 2:19

Ba̱ nyia̱ mba a̱li̱ka̱uli shya̱ a̱wat, nang ba̱ na nyia̱ kyang hu ba̱ chat a̱ni. A̱wot mba ma̱ á̱pyia̱ mba ba̱ yet á̱khwo a̱ka̱tuk nyia̱ ma̱ng shyuo. Mat konyan yet a̱khwo kyang nang gu shim ku nyia̱ tyok mi̱ fwuo nggu hu a̱ni.