Yoona 8:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

Yoona 8:31 Iomraidhean Croise

Matyu 24:13

A̱wot a̱tyu a̱ gbang a̱lyia̱ a̱ si̱ yong mi̱ chet si̱ nat sangba̱p a̱ni, nggu wa na shya̱ swuan sang sangba̱p.

Yoona 1:47

Nang Yesu ndi Nataniyel nchobai da̱ a̱vwuo nggu a̱ni, a̱ si̱ kaat tazwa nggu nyia̱, “Nyi li a̱tan a̱tyu Isi̱rela a̱ sang a̱bun a̱ni!”

Yoona 2:2

á̱ ku mun á̱ hyia̱ ma̱ng Yesu nyeang hu. A̱ si̱ nat dundung ma̱ng mman ta̱m nggu na.

Yoona 6:55

“Nam vam nung hu yet a̱tsatsak kyayak wa. A̱sok nung na mameang, si̱ yet a̱tsatsak kyang swuo wa.

Yoona 8:36

Ka̱ Nggwon A̱gwaza ka kya ti̱n nyin mi̱ khwo hu, a̱tsatsak a̱lyiat wa; nyi na yet á̱sa̱t á̱niet bya za̱m!

Nta̱m A̱yaata̱m 13:43

A̱yahudawa ma̱ a̱di̱di̱t ma̱ng á̱kum á̱niet ba̱ ku nwai yet A̱yahudawa ba̱ fwuong a̱wun A̱gwaza ku nwuo khwi A̱gwaza di̱n vak A̱yahudawa hu a̱ni; ba̱ si̱ khwi Bulut ma̱ng Ba̱nabat. A̱wot mba á̱niet Bulut, si̱ tyia̱ mba gba̱gbak ba̱ ya a̱son ba̱ ta̱yuk di̱n shok A̱gwaza ji.

Nta̱m A̱yaata̱m 14:22

Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”

Nta̱m A̱yaata̱m 26:22

“A̱mgba̱m ma̱ng a̱nia, A̱gwaza si̱ chok nung ba̱ng ba̱ tat a̱fwun, mat n ka nwuak sheda a̱zaghyi konyan, neet da̱ a̱chyuang wu si̱ nat a̱cha̱chet ba. N tyiet á̱lyiat A̱gwaza á̱ghyang nia ma̱ zan bah, si̱ mi̱ tyiet nang a̱yaata̱m a̱kwonu A̱gwaza, mbeang Musa, ku nyia̱ ku na bai da̱ a̱nu ka a̱ni.

A̱romawa 11:22

A̱ji, zi̱ li si̱sak ji nang A̱gwaza wu ngyet a̱tyu fwuong kunak, a̱ si̱ bu yet a̱tyu a̱ ni̱ ba̱ng á̱niet mi̱ chet a̱ni: A̱ ni̱ ba̱ng á̱niet ba̱ lak khwi nggu a̱ni mi̱ chet. A̱wot a̱ ni̱ fwuong kunak nyin ka̱nang nyi ya a̱son di̱ nwuak fwuo di̱n shok nggu ji. Ka̱ nyi ma ngya a̱son bah, nyin mameang á̱ na tyam nyin á̱ weam.

A̱romawa 2:7

Á̱niet ba ba̱ ni̱ gbang a̱lyia̱ ba̱ nyia̱ a̱tan nta̱m, ba̱ ni̱ chat A̱gwaza a̱ chyin mba za̱m, a̱wot ba̱ ni̱ chat á̱ nang mba zang ji̱ yet swuan ji̱ nwai tyiai a̱ni; A̱gwaza na nang ntangka̱i á̱niet nani swuan sang sangba̱p.

A̱kolosiyawa 1:23

A̱wot ku yet ta hwa, nyi ya a̱son di̱ nwuak a̱chuchuk nyin hu nang á̱ kpaat di̱ kuntyin ku yet a̱tsatsak a̱lyiat wu a̱ni. A̱wot nyi ba̱ng nggu gi̱ngi̱ng. Nyi yok shim a̱yin a̱ tyia̱ nyi teap nyi ghwon tyia̱ fwuo hu nang A̱gwaza nyia̱ a̱li̱ka̱uli ma̱ A̱sham Nkhang ka a̱ni bah. Da̱ A̱sham Nkhang kani kya nang á̱ nkhai nung Bulut n gyet a̱khwo A̱gwaza wu. A̱wot n shei nka da̱ a̱vwuo á̱niet ma̱ a̱di̱di̱t, mi̱ kuzang a̱vwuo mi̱ swanta hu. A̱sham Nkhang kani kya nang nyi wa ka̱n fa̱k.

1 Timoti 2:15

A̱mgba̱m ma̱ng a̱nia, á̱nyiuk na shya̱ shyichet nang ba̱ na ntyei mman, ka̱ ba̱ yong di̱ nwuak a̱chuchuk, ma̱ng chat, ma̱ng a̱za̱za̱rak swat ma̱ng sang gba̱p a̱pyia̱.

1 Timoti 4:16

Chok a̱pyia̱ ang shansham ma̱ng tyiet ang hu. Gbang a̱lyia̱ a nyia̱ nkyang nani, da̱nian ka̱ a nyia̱ na a na san a̱pyia̱ ang, a̱wot a bu san á̱niet ba̱ fwuong a̱lyiat ang na a̱ni.

2 Timoti 3:14

A̱wot nang a̱nwan a̱ni, ku yet ta hwa a ya a̱son di̱ yong tsotswat di̱ nkyang nang á̱ tyiet ang a̱ni. A bu nwuak a̱chuchuk da̱ ná ba̱t. Mat a lyen tangka̱i á̱niet ba̱ tyiet ang a̱ni.

Ibriniyawa 3:14

Mat ki̱ zi̱ nyia̱ tsotswat si̱ nat sangba̱p swuan nzi̱t ji, zi̱ si̱ yong mi̱ chet di̱ nwuak fwuo da̱ A̱gwaza, ma̱nang zi̱ ku ntsa nwuak fwuo hu a̱ni; a̱mgba̱m nzi̱t, zi̱ na yet á̱kpa̱ndang ta̱m zi̱ ya gado dundung ma̱ng Kristi.

Ibriniyawa 8:9

La̱p a̱li̱ka̱uli a̱fai huni na li nang si̱ nang n ku nda̱p ma̱ng a̱yaatyia̱ a̱khwop mba ba a̱ni bah, di̱n jen nang n ku nta̱bat ba di̱ mbwak n si̱ nta̱bam, n si̱ nghwut ma̱ng a̱mba ma̱ a̱byin Ma̱sa̱r ka a̱ni. A̱wot ba̱ ku ba̱ng la̱p a̱li̱ka̱uli nung hu tsotswat bah. Mat a̱nia, n si̱ nang mba a̱ma.’

Yakubu 1:25

A̱wot a̱tyu a̱ tyia̱ fwuo hu di̱ zop a̱tsatsak a̱lyiat A̱gwaza na na̱ chong ma̱ng sa̱t a̱ni; a̱wot ka̱ a̱ ya a̱son ma̱ng nyia̱ a̱di̱dam da̱ A̱lyiat A̱gwaza na, a̱ si̱ nyia̱ ta̱m ma̱ng á̱na, a̱ si̱ bwung kyang hu nang gu fa̱k a̱ni bah, A̱gwaza na tyia̱ nggu a̱li̱ba̱rka mi̱ kuzang kyang nang gu nyia̱ a̱ni.

1 Yoona 2:19

Á̱niet lak li Kristi bani ghwut mi̱ susot á̱niet khwi nzi̱t ji ja. A̱wot ba̱ ku shya̱ ndung ma̱ng a̱nzi̱t bah. Ka̱ á̱ wa nyia̱ ba̱ ku shya̱ ndung ma̱ng a̱nzi̱t, si̱ ba̱ na ya a̱son dundung ma̱ng a̱nzi̱t. Nang ba̱ nghwut, ba̱ si̱ ghwon nzi̱t a̱ni, si̱ huni tak kpa̱sai da̱nang ba̱ za ku nshya̱ ndung ma̱ng a̱nzi̱t bah.

1 Yoona 2:24

Ku yet ta hwa, nyi yong tsotswat di̱ tyiet hu nang nyi fa̱k neet di̱n tsa hu a̱ni. Ki̱ nyi sak tyiet hu nang nyi fa̱k neet di̱n tsa hu a̱ni mi̱ fwuo nyin na, a̱nia wa kuzang jen nang nyi na mbyia̱ a̱meang di̱ mun á̱pyia̱ nyin hu dundung ma̱ng Nggwon ka ma̱ng A̱tyia̱ wu.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.