Yoona 8:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ A̱wot a̱tyu a̱ ta̱m nung a̱ni, a̱ shya̱ dundung ma̱ng a̱nung. Mat kuzang jen n ni̱ nyia̱ kyang hu nang gu chat a̱ni.”

Yoona 8:29 Iomraidhean Croise

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 3:15

A̱wot Yesu si̱ nwuak gu shim nyia̱, “Ma̱ninika, yok ku li a̱nia. Da̱nian a̱nia wa nang zi̱ na nnyia̱ a̱mgba̱m kyang ku yet tsotswat a̱ni.” Huhwa Yoona si̱ shim a̱ si̱ nyia̱ Yesu ba̱ptisman ji.

Matyu 3:17

A̱nwuat si̱ kin ghwut a̱ neet Ma A̱gwaza tswazwa ka nyia̱, “Nggwon nung kya ka nang n chat a̱ni. N fwuong nyinyang ka ba̱t!”

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 16:32

To, ka̱ a̱nia wa, jen na bai, di̱ yong huni ji wa ka̱n nyia̱, nang á̱ na nseang nyin! Konyan a̱ bwuok a̱ nat a̱mali nggu, nyi ghwon nung ma̱nyin nung! Ma̱ng a̱nia, nung gwa ma̱nyin nung bah; a̱tyia̱ nung wu shya̱ dundung ma̱ng a̱nung.

Yoona 17:4

“N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Yoona 5:30

N si̱ mi̱n nyia̱ kyang ma̱nyin nung bah. N nyia̱ shi̱ri̱ya di̱ si̱sak nang A̱gwaza ntak ma̱ng a̱nung a̱ni. Huhwa mbyia̱, nyia̱ shi̱ri̱ya nung hu naat cha̱chaat. Mat, n kwan n nyia̱ kyang hu nang n chat wa a̱ni bah. Kyang hu nang a̱tyu a̱ ta̱m nung chat a̱ni; huhwa n nyia̱.

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Yoona 8:16

A̱mgba̱m ma̱ng a̱nia, ka̱ n si̱ mi̱n nyia̱ shi̱ri̱ya, shi̱ri̱ya nung ji yet a̱tsotswat wa. Mat nung gwa ma̱nyin nung bah; nung gwa mbeang A̱tyia̱ nung wu a̱ ta̱m nung a̱ni, a̱ shya̱ dundung ma̱ng a̱nung.

2 Timoti 4:17

A̱mgba̱m ma̱ng a̱nia, A̱gwaza ku shya̱ dundung ma̱ng a̱nung. A̱ si̱ nang nung chet, da̱nian n ka nshya̱ vak shei a̱mgba̱m A̱sham Nkhang ka da̱ a̱vwuo a̱mgba̱m nnwap mi̱ bibyin swanta na. A̱wot a̱ si̱ san nung, a̱ ghwut ndyo a̱bwonu zaki.

2 Timoti 4:22

Yok A̱gwaza wu a̱ shya̱ dundung ma̱ng nyin! Shok nggu ji mameang, ji̱ shya̱ dundung ma̱ng a̱nyin!

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

1 Yoona 2:1

Mman nung na na̱ yet á̱niet khwi Yesu nang n chat a̱ni, n dyuut nyin a̱lyiat nani da̱nian nyi ka nyia̱ a̱ka̱tuk bah. A̱wot ka̱ a̱yin nyia̱ a̱ka̱tuk nyia̱, zi̱ byia̱ a̱tsotswat a̱tyu beang a̱ yong da̱ a̱kwonu nzi̱t da̱ a̱vwuo A̱tyia̱ a̱ni. Nggu wa yet Yesu Kristi.

1 Yoona 3:22

Zi̱ ni̱ shya̱ kuzang kyang nang zi̱ naai da̱ a̱vwuo A̱gwaza a̱ni, mat ka̱ zi̱ khwi doka nggu ji, zi̱ si̱ bu nyia̱ nkyang na̱ myim gu a̱ni.