Yoona 8:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ Yesu si̱ nyia̱ ma̱ng a̱mba a̱ni, “Jen nang nyi bye nta̱ngam Nggwon A̱tyubishyi tswazwa a̱ni; jen a̱ja ja nang nyi bye ndyen nang nung gwa ngyet a̱tyu nang n tak ngyet a̱ni. N nyia̱ kyang ma̱nyin nung bah. N nyia̱ di̱ si̱sak ji nang A̱tyia̱ nung wu ntyiet nung a̱ni; a̱nia wa nang n dyiat.

Yoona 8:28 Iomraidhean Croise

Matyu 24:5

Mat á̱niet ma̱ a̱di̱di̱t na bai da̱ a̱lyoot nung, di̱ bwoi a̱ka̱laa, ba̱ kyiak nyia̱ bibya yet ‘Kristi,’ a̱ yet A̱tyu nang A̱gwaza kup gu tyok a̱ni. A̱wot ba̱ na laai á̱niet ma̱ a̱di̱di̱t.

Ma̱rkut 13:6

Mat á̱niet ma̱ a̱di̱di̱t na bai da̱ a̱lyoot nung di̱ bwoi a̱ka̱laa, ba̱ kyiak nyia̱ bibya yet ‘Kristi’ a̱ yet a̱tyu A̱gwaza kup gu tyok a̱ni. A̱wot ba̱ na laai á̱niet ma̱ a̱di̱di̱t.

Luka 21:8

Yesu si̱ nwuak ba shim nyia̱, “Nyi ta̱bam kalak a̱yin a̱ du laai nyin. Mat á̱niet ma̱ a̱di̱di̱t na bai ba̱ hyia̱ nyia̱ ba̱ byia̱ tyok da̱ a̱lyoot tyok nung; ba̱ bu nyia̱ bibya yet Kristi wu; a̱wot ba̱ bu hyia̱ nang jen ji nnyia̱ nang swanta hu na ntyak a̱ni! A̱wot nyi yok nwuak a̱chuchuk da̱ mba bah.

Yoona 11:42

Neet gbangbang, n za ma ndyen kuzang jen a fwuong nung. A̱wot n hyia̱ á̱si̱ nani da̱nian á̱niet ba̱ yong a̱ji a̱ni, ba̱ ka nwuak a̱chuchuk nang nwan wa nta̱m nung mi̱ swanta hu.”

Yoona 13:19

“N shei ma̱ng a̱nyin a̱lyiat nani ma̱ninika, neet nang na̱ ka̱ mbai da̱ a̱nu ka bah. Da̱nian jen nang na̱ bye mbai da̱ a̱nu ka a̱ni, nyi ka nwuak a̱chuchuk nang nung gwa ngyet A̱tyu A̱gwaza kup gu tyok a̱ni.

Yoona 16:10

“A̱ bu na tyiet mba tazwa tsotswat hu. Mat n naat da̱ a̱vwuo A̱tyia̱ nung ka; da̱ nyin, nyi bu na li nung bah.

Yoona 18:32

(A̱lyiat nani ku bai da̱nian na̱ ka nat ma̱ cha̱chaat ma̱ng kyang nang Yesu ku tak á̱zanson di̱n jen nang gu ku ntyai tangka̱i a̱khwu nang gu na khwu a̱ni.)

Yoona 19:18

Da̱ a̱vwuo kani kya nang á̱ ku nkpang Yesu da̱ a̱team a̱khwu wu, dundung ma̱ng á̱tang a̱feang; a̱tyo nyiung a̱zayak, a̱tyo nyiung a̱za myian.

Yoona 3:11

Yok, n tak ma̱ng a̱nwan tsatsak a̱lyiat; zi̱ lyiat kyang hu nang zi̱ lyen a̱ni. Zi̱ si̱ bu shei kyang hu nang zi̱ ka̱n di a̱ni. Ma̱ng a̱nia, á̱ mbyia̱ a̱yin ma̱ nyin a̱ chat a̱ san shei kpa̱sai nzi̱t hu tazwa nkyang nani a̱ni bah.

Yoona 3:14

“Ma̱nang Musa ku nta̱ngam ghwughwu nzwak hu ku ku yet a̱kpeap ka mi̱ tswa a̱yit ji a̱ni; ma a̱nia wa nang á̱ ba̱ nta̱ngam Nggwon A̱tyubishyi ka ma̱ cha̱chaat.

Yoona 4:26

Yesu si̱ tak ma̱ng a̱nggu nyia̱, “Nung gwa ngyet nggu; nung, n dyiat ma̱ng a̱nwan lyiat huni a̱ni.”

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Yoona 5:30

N si̱ mi̱n nyia̱ kyang ma̱nyin nung bah. N nyia̱ shi̱ri̱ya di̱ si̱sak nang A̱gwaza ntak ma̱ng a̱nung a̱ni. Huhwa mbyia̱, nyia̱ shi̱ri̱ya nung hu naat cha̱chaat. Mat, n kwan n nyia̱ kyang hu nang n chat wa a̱ni bah. Kyang hu nang a̱tyu a̱ ta̱m nung chat a̱ni; huhwa n nyia̱.

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Yoona 8:24

Huhwa mbyia̱ n hyia̱ ma̱ng a̱nyin, nang nyi na nkwi ma̱ a̱ka̱tuk nyia̱ nyin wu. Mat ka̱ nyi nwuak a̱chuchuk nyia̱ nung gwa ngyet a̱tyu nang n tak n gyet a̱ni bah; nyi na kwi ma̱ng a̱ka̱tuk nyia̱ nyin wu mut!”

Yoona 8:27

Ba̱ ku fi̱k nang Yesu ndyiat ma̱ng a̱mba tazwa A̱tyia̱ nggu wu wa a̱ni bah.

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

Nta̱m A̱yaata̱m 2:41

A̱wot a̱tuk a̱kya á̱kpa á̱niet ma̱ a̱di̱di̱t si̱ san á̱lyiat nggu na; ba̱ ku shim tat chyikwop tsat! Ba̱ si̱ nwuak nfwuo mba na, á̱ si̱ nyia̱ mba ba̱ptisman. A̱wot ba̱ si̱ mun á̱pyia̱ ma̱ng á̱kum sot á̱niet khwi Yesu ka.

Nta̱m A̱yaata̱m 4:4

A̱wot á̱niet ma̱ a̱di̱di̱t si̱ fa̱k á̱lyiat A̱gwaza na, ba̱ si̱ nwuak a̱chuchuk da̱ ná. Mat a̱nia, á̱kpa á̱niet khwi ka si̱ mbeang á̱ tat chyikwop tsuon, kang ma̱ng á̱nyiuk ma̱ng mman!

A̱romawa 1:4

A̱wot tazwa za̱kwa A̱gwaza nang Yesu byia̱ a̱ni, á̱ si̱ tyai nggu kpa̱sai nang nggu ngyet a̱tsatsak Nggwon A̱gwaza wa, di̱n jen nang chet A̱za̱za̱rak Ntswa hu ku nta̱ngam nggu ma̱ng swuan ma̱ á̱niet ba̱ ka̱n kwi a̱ni. Nggu wa yet Yesu Kristi A̱tyoli nzi̱t wu!