Yoona 8:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”

Yoona 8:26 Iomraidhean Croise

Yoona 15:15

N bu si̱ mi̱n mak yorong nyin á̱khwo bah. Mat, á̱khwo lyen kyang hu nang A̱tyoli nggu wu nyia̱ a̱ni bah. Da̱ a̱kwonu a̱kya, n gyei nyin á̱kpa̱ndang bya. Mat n tak ma̱ng a̱nyin a̱mgba̱m nkyang na nang n fa̱k da̱ a̱vwuo A̱tyia̱ nung ka a̱ni.

Yoona 16:12

“N byia̱ nkyang ma̱ a̱di̱di̱t nang n na hyia̱ ma̱ng a̱nyin a̱ni. A̱wot ma̱ninika nyi si̱ mi̱n ba̱ng na bah.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 18:20

Yesu si̱ nyia̱, “N ku ndyiat kpa̱sai a̱zaghyi konyan. N si̱ bu ngyong mi̱ di̱ tyiet á̱niet ba ma̱ á̱tutu a̱tung, ma̱ng A̱li Nwuat Za̱nang A̱gwaza, nang a̱mgba̱m A̱yahudawa ba ni̱ ntung a̱ni. N ka̱n mak lyiat kyang da̱ bang bah.

Yoona 3:11

Yok, n tak ma̱ng a̱nwan tsatsak a̱lyiat; zi̱ lyiat kyang hu nang zi̱ lyen a̱ni. Zi̱ si̱ bu shei kyang hu nang zi̱ ka̱n di a̱ni. Ma̱ng a̱nia, á̱ mbyia̱ a̱yin ma̱ nyin a̱ chat a̱ san shei kpa̱sai nzi̱t hu tazwa nkyang nani a̱ni bah.

Yoona 7:16

Yesu si̱ nwuak ba shim, “Ta̱m ji nang n tyiet a̱ni, ji̱ yet si̱ nung ja bah; ji̱ neet da̱ a̱vwuo A̱gwaza kya. Nggu wa ta̱m nung.

Yoona 7:28

Nang Yesu ku ntyiet mi̱ didyaat A̱li Nwuat Za̱nang A̱gwaza hu a̱ni, a̱ si̱ lyiat ma̱ng a̱gba̱ndang a̱nwuat nyia̱, “Nyin, nyi lyen nung shansham ma̱ng a̱vwuo ka nang n neet a̱ni a? Nung, n bai da̱nian a̱pyia̱ nung bah. A̱tyu a̱ ta̱m nung a̱ni; nggu wa byia̱ a̱chuchuk wu. Da̱ nyin, nyi lyen gu bah.

Yoona 8:25

Huhwa ba̱ nyia̱ mi̱ Yesu a̱ni, “Nwan wa yet a̱nyan?” Yesu si̱ nyia̱ ma̱ng a̱mba a̱ni, “N mi̱ nhyia̱ ma̱ng a̱nyin neet di̱ tsa hu.

Yoona 8:27

Ba̱ ku fi̱k nang Yesu ndyiat ma̱ng a̱mba tazwa A̱tyia̱ nggu wu wa a̱ni bah.

Yoona 8:40

Nyin bya ba di̱ yong huni, nyi chat nyi hyat nung; nung a̱tyu n tak ma̱ng a̱nyin a̱chuchuk nang n fa̱k da̱ a̱vwuo A̱gwaza a̱ni. A̱nia wa nang Ibrahim ku nnyia̱ bah.

2 A̱korontiyawa 1:18

Ma̱nang A̱gwaza ngyet a̱tsotswat za̱m a̱ni, ma a̱nia wa a̱lyiat nang zi̱ shei nyin a̱ni, na̱ shai na̱ yet, “Ii,” ma̱ng “Kaai,” bah.