Yoona 8:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Yesu ku lyiat a̱lyiat nani di̱n jen tyiet nggu ji mi̱ didyaat A̱li Nwuat Za̱nang A̱gwaza, nang gu shya̱ kpa̱mkpaan ma̱ng a̱vwuo khwot kurum ka. A̱mgba̱m ma̱ng a̱nia, á̱ ku mbyia̱ a̱tyu a̱ na ta̱bat gu a̱ni bah; mat nang jen nta̱bat gu ji ka̱n nyia̱ bah.

Yoona 8:20 Iomraidhean Croise

Matyu 26:55

A̱jawa Yesu si̱ nyia̱ ma̱ng á̱kpa á̱niet ka, “Nyi ghwut ma̱ng tswát ma̱ng shán, nyi si̱ bai ta̱bat nung, a ngyei n gyet a̱tyu a̱ kwak a̱son á̱niet a̱tsaai a̱ni a? Kuzang mam n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka, da̱ nyin nyi ta̱bat nung bah.

Matyu 27:6

A̱wot a̱cha̱chet a̱yaapris ba si̱ kwok kurum hu, ba̱ si̱ nyia̱, “Nang kurum huni ngyet si̱ a̱sok hwa nang á̱ nhyat a̱yin a̱ni, ku myim zi̱ tyia̱ nhu da̱ a̱vwuo saai kurum A̱mali Nwuat Za̱nang A̱gwaza ka bah.”

Ma̱rkut 12:41

Nang Yesu nswan kpa̱mkpaan ma̱ng a̱vwuo khwot kurum mi̱ didyaat A̱li Nwuat Za̱nang A̱gwaza hu a̱ni; a̱ si̱ swan a̱ nwuan si̱sak ji nang á̱niet ba nkhwot kurum hu a̱ni. A̱wot á̱niet nzwá ma̱ a̱di̱di̱t si̱ nwuat a̱cha̱chet kurum.

Ma̱rkut 12:43

Huhwa Yesu si̱ yorong mman ta̱m nggu na, a̱ si̱ nyia̱ ma̱ng a̱mba, “Yok n tak nyin a̱tsak a̱lyiat, a̱byii̱k a̱ yet a̱kunak kani nang a̱tyok wu ka̱n khwu a̱ni; mmat kurum ku swak si̱ á̱kum á̱niet hu a̱ni, da̱ a̱vwuo khwot kurum ka.

Luka 20:19

Á̱niet tyiet doka A̱gwaza ma̱ng a̱cha̱chet a̱yaapris ba, si̱ kin chat vak nang ba̱ na nta̱bat Yesu a̱ni. A̱wot ba̱ si̱ fa̱k a̱wun á̱niet ka. Mat ba̱ ku fi̱k nang bibya Yesu nfa; ba̱ yet á̱ka̱tuk á̱niet khap ba mi̱ kidee jini.

Luka 21:1

Nang Yesu ni̱ shya̱ mi̱ didyaat A̱li Nwuat Za̱nang A̱gwaza hu, a̱ si̱ swan a̱ nwuan si̱sak ji nang á̱niet nzwá ba nkhwot kurum za̱nang hu ma̱ a̱la̱n saai kurum ka a̱ni.

Yoona 10:39

A̱wot ba̱ si̱ bu chat ta̱bat Yesu, a̱ si̱ bu ghyuai a̱ ghwut.

Yoona 2:4

Yesu si̱ nyia̱ ma̱ng a̱yang byin nggu wu a̱ni, “A̱yang, a̱lyiat nani yet a̱si̱ nwan nia bah. Jen nung ji ka̱n nyia̱ bah, ya ngyok.”

Yoona 7:14

A̱wot ma̱ a̱ka̱wa̱tyia̱ song a̱yet wu, Yesu si̱ nwuo mami didyaat A̱li Nwuat Za̱nang A̱gwaza ka, a̱ si̱ ta̱bat tyiet á̱niet ba a̱ja.

Yoona 7:30

Huhwa, ba̱ si̱ chat ba̱ ta̱bat gu. A̱wot a̱yin si̱ sak gu bwak bah. Mat jen a̱khwu nggu ji ka̱n nyia̱ bah.

Yoona 7:44

Á̱ghyang á̱niet si̱ chat ta̱bat guu. A̱wot á̱ byia̱ a̱tyu a̱ sak gu bwak a̱ni bah.

Yoona 7:8

Nyin, nyi nat a̱yet wu. Nung, n na nat a̱yet wu bah, mat jen nung ji ka̱n nyia̱ bah.”

Yoona 8:2

Da̱ a̱tsotson tat ka, Yesu si̱ bu bwuok a̱ nat mi̱ didyaat A̱li Nwuat Za̱nang A̱gwaza hu. A̱mgba̱m á̱kpa á̱niet ka si̱ bai da̱ a̱vwuo nggu. A̱ si̱ bwuok a̱ swan a̱byin, a̱ si̱ tyiet mbaa.

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.