Yoona 8:2 - A̠lyiat A̠gwaza na di̠n Tyap: A̠li̠ka̠uli A̠fai

² Da̱ a̱tsotson tat ka, Yesu si̱ bu bwuok a̱ nat mi̱ didyaat A̱li Nwuat Za̱nang A̱gwaza hu. A̱mgba̱m á̱kpa á̱niet ka si̱ bai da̱ a̱vwuo nggu. A̱ si̱ bwuok a̱ swan a̱byin, a̱ si̱ tyiet mbaa.

Yoona 8:2 Iomraidhean Croise

Matyu 26:55

A̱jawa Yesu si̱ nyia̱ ma̱ng á̱kpa á̱niet ka, “Nyi ghwut ma̱ng tswát ma̱ng shán, nyi si̱ bai ta̱bat nung, a ngyei n gyet a̱tyu a̱ kwak a̱son á̱niet a̱tsaai a̱ni a? Kuzang mam n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka, da̱ nyin nyi ta̱bat nung bah.

Luka 21:37

Kuzang a̱ta̱mam, Yesu ni̱ nat A̱mali Nwuat Za̱nang A̱gwaza ka, a̱ ka tyiet á̱niet ba a̱ja. A̱wot kuzang jenshyung, a̱ bu ni̱ nat, a̱ si̱ kwai di̱ Tsok Za̱itun.

Luka 21:38

Kuzang a̱tsotson, á̱niet ma̱ a̱di̱di̱t ni̱ tung A̱mali Nwuat Za̱nang A̱gwaza ka, ba̱ ka fa̱k tyiet Yesu hu.

Luka 4:20

Nang Yesu ntyak fang A̱lyiat A̱gwaza na a̱ni, a̱ si̱ kuut ta̱ka̱da hu a̱ si̱ bwuok ndyo, a̱ nwuak a̱tyu nta̱m tutu a̱tung A̱yahudawa wu. A̱ si̱ bwuok a̱ swan a̱zaghyi mba. A̱mgba̱m á̱niet ba̱ shya̱ mi̱ tutu a̱tung hu a̱ni, si̱ sak Yesu á̱ghyi di̱di̱r.

Luka 5:3

Yesu si̱ kan nwuo a̱ swan mi̱ kukwon a̱wak nyiung, ku yet si̱ Siman a̱ni. A̱ si̱ nyia̱ ma̱ng Siman, “Yuut kukwon hu ma̱ a̱da̱dei ku nwuo mami a̱sa̱khwot na.” Mi̱ kukwon a̱wak huhwa nang Yesu ku nswan, a̱ si̱ ntyiet á̱kpa á̱niet ka.

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Yoona 8:20

Yesu ku lyiat a̱lyiat nani di̱n jen tyiet nggu ji mi̱ didyaat A̱li Nwuat Za̱nang A̱gwaza, nang gu shya̱ kpa̱mkpaan ma̱ng a̱vwuo khwot kurum ka. A̱mgba̱m ma̱ng a̱nia, á̱ ku mbyia̱ a̱tyu a̱ na ta̱bat gu a̱ni bah; mat nang jen nta̱bat gu ji ka̱n nyia̱ bah.

Yoona 8:3

A̱jawa a̱cha̱chet a̱yaagwak tyiet doka A̱gwaza ma̱ng A̱fa̱risawa ba, ba̱ si̱ bai ma̱ng a̱byii̱k nang á̱ ta̱bat gu di̱ katnaan. Ba̱ si̱ tyia̱ a̱byii̱k wu si̱ yong a̱ka̱wa̱tyia̱ á̱niet ka.

Nta̱m A̱yaata̱m 5:21

Da̱ a̱tsotson tat ka, a̱yaata̱m ba si̱ nat A̱mali Nwuat Za̱nang A̱gwaza ka; ma̱nang á̱ ku ntak mba a̱ni. A̱wot ba̱ si̱ kin nwuo tyiet á̱niet ba. Jen ji nang a̱gba̱ndang pris wu ma̱ng á̱kpa̱ndang ta̱m nggu ba mbai a̱ni, ba̱ si̱ yorong a̱gba̱ndang a̱tung sot a̱cha̱chet A̱yahudawa ba. A̱jawa ba̱ si̱ ta̱m mi̱ jaru ji, á̱ bai ma̱ng a̱yaata̱m Yesu ba, da̱nian á̱ ka nyia̱ mba shi̱ri̱ya.