Yoona 8:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Ba̱ si̱ lyip Yesu, nyia̱ “A̱tyia̱ ang wu shya̱ a̱ji wa?” Yesu si̱ nwuak ba shim nyia̱, “Mat nang nyi ndyen nung a̱ni bah, huhwa mbyia̱ nang nyi ndyen A̱tyia̱ nung wu bah. Ka̱ nyi wa lyen nung, si̱ nyi lyen A̱tyia̱ nung wu mameang.”

Yoona 8:19 Iomraidhean Croise

Matyu 11:25

Di̱n jen a̱ja, Yesu si̱ naai A̱gwaza nyia̱, “N dyep ang A̱tyia̱, A̱tyoli a̱ byia̱ tswazwa ma̱ng a̱byin a̱ni. N gwai ang nang a niat nkyang nani da̱ a̱vwuo á̱niet ba̱ fa nyia̱ ba̱ byia̱ mumwang ma̱ng lyen kyang a̱ni; a̱wot a si̱ tyai na kpa̱sai da̱ a̱vwuo á̱niet ba̱ kyiak á̱pyia̱ mba nang mman a̱ni.

Yoona 1:10

Swang A̱lyiat ji ku bai mi̱ swanta hu. Dundung ma̱ng a̱nji wa A̱gwaza si̱ mmat swanta hu. A̱wot á̱niet mi̱ swanta ba si̱ fi̱k gu bah.

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 15:21

“Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 7:28

Nang Yesu ku ntyiet mi̱ didyaat A̱li Nwuat Za̱nang A̱gwaza hu a̱ni, a̱ si̱ lyiat ma̱ng a̱gba̱ndang a̱nwuat nyia̱, “Nyin, nyi lyen nung shansham ma̱ng a̱vwuo ka nang n neet a̱ni a? Nung, n bai da̱nian a̱pyia̱ nung bah. A̱tyu a̱ ta̱m nung a̱ni; nggu wa byia̱ a̱chuchuk wu. Da̱ nyin, nyi lyen gu bah.

1 A̱korontiyawa 15:34

Nyi nyia̱ á̱tsatsak a̱di̱dam di̱ kyang ku yet a̱tan a̱ni. A̱wot nyi ghwon a̱ka̱tuk nyia̱. Mat á̱ghyang á̱niet ma̱ nyin lyen A̱gwaza bah, ku yet kyang nsum hwa.

A̱ga̱la̱tiyawa 4:9

A̱wot ma̱ninika, nang nyi ndyen A̱gwaza a̱ni, (n fa nang A̱gwaza wa ndyen nyin a̱ni); yihwa mbyia̱ nang nyi nchat bwuok lilyim nyi khwi a̱buk taada ma̱ng doká swanta da̱ ji̱ byia̱ nyin kpangti̱n a̱ni bah?

A̱fisawa 1:17

N ni̱ ngya a̱son mi̱ naai A̱gwaza, a̱ yet A̱tyia̱ a̱ byia̱ a̱kyenkyai shi, a̱ si̱ bu yet A̱tyia̱ A̱tyoli nzi̱t wu Yesu Kristi a̱ni; n naai gu nang nyin A̱za̱za̱rak Ntswa. A̱za̱za̱rak Ntswa wu wa na nang nyin mumwang, a̱ bu tyai nyin A̱gwaza wu, da̱nian nyi ka mbeang lyen nggu hu, a̱wot nyi ka fi̱k gu shansham.

A̱kolosiyawa 1:10

A̱nia wa, nyi na nswan swat ku na nwuak A̱gwaza shi, a̱wot ku myim nggu kuzang jen a̱ni. Nyi bu nyia̱ kuzang tangka̱i a̱tan nta̱m. Nyi bu mban lyen A̱gwaza hu shansham ba̱t, kuzang jen.

A̱kolosiyawa 1:15

Kristi tyia̱ a̱tyubishyi nang á̱ nwuan a̱ni. A̱ si̱ tyai A̱gwaza nang á̱ nwai nwuan ma̱ng á̱ghyi a̱ni kpa̱sai. A̱ ku nshya̱ neet nang á̱ ka̱n mat kyang mi̱ swanta hu bah. A̱wot a̱ byia̱ a̱tsatsak a̱gba̱ndang tyok tazwa a̱mgba̱m kuzang kyang nang á̱ mat mi̱ swanta hu a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

1 Yoona 2:23

Konyan wa fwuo Nggwon ka, a̱ fwuo A̱tyia̱ wu wa. A̱wot konyan wa san Nggwon ka, a̱ mun a̱ san A̱tyia̱ wu wa a̱wa.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.