Yoona 8:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ “Mami doka nyin ji á̱ lyuut nyia̱ ka̱ á̱niet a̱feang nwuak sheda tazwa kyang, kyang hu ba̱ nwuak sheda hu a̱ni ku yet a̱tsatsak a̱lyiat wa.

Yoona 8:17 Iomraidhean Croise

Matyu 18:16

A̱wot ka̱ a̱ si̱ lak fa̱k a̱lyiat ang na, nat ndung ma̱ng a̱tyo nyiung ku á̱niet a̱feang ma̱ á̱niet khwi ba ma̱ng a̱nwan, nyi bu bwuok nat nyi si̱ shya̱ nggu. Mat A̱lyiat A̱gwaza na nyia̱, ‘Kuzang kyang nang á̱niet a̱feang ku a̱tat shim nang ku ngyet a̱tsak a̱lyiat, ba̱ si̱ nnwuak sheda a̱ni, ku yong a̱nia.’

Yoona 10:34

Yesu si̱ nyia̱ ma̱ng a̱mba a̱ni, “Á̱ ku lyuut mi̱ doka nyin ji nyia̱, A̱gwaza nyia̱ ma̱ng a̱yaakwak a̱son á̱niet Isi̱rela á̱ghyang; ‘Nyi yet a̱yaagwaza bya.’

Yoona 15:25

“Kyang hu ba̱ nyia̱ a̱ni, ku ku bai da̱ a̱nu ka ma̱ cha̱chaat ma̱ng kyang nang á̱ ku lyuut mami doka mba ji a̱ni nyia̱, ‘Ba̱ ku lak li nung ma̱ kpa̱a̱t. Da̱ mba, ba̱ byia̱ ta̱fwat bah.’

2 A̱korontiyawa 13:1

Bai nung huni hwa yet bai a̱ka̱tat hu nang n mbai n byiat nyin a̱ni. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Kuzang bat a̱lyiat, ku yet ta hwa á̱ kpaat hu ma̱ng sheda á̱niet feang ku á̱niet a̱tat, da̱ a̱vwuo á̱niet zop a̱lyiat, á̱ sii nyia̱ shi̱ri̱ya.”

A̱ga̱la̱tiyawa 3:24

Mat a̱nia, doka ji ja nang á̱ ku tyia̱ ji̱ si̱ kwak nzi̱t a̱son, si̱ nang Kristi mbai. A̱wot ji̱ si̱ chok zi̱t si̱ nang A̱gwaza na nkyiak zi̱t zi̱ yet á̱tsotswat á̱niet ba̱ sang a̱bun a̱zaghyi nggu a̱ni, mat nang zi̱ nnwuak fwuo di̱ Yesu a̱ni.

A̱ga̱la̱tiyawa 4:21

Nyin á̱niet ba nyi chat doka Musa ji ji̱ nyia̱ tyok tazwa nyin a̱ni, nyi hyia̱ ma̱ng a̱nung; nyi fi̱k kyang hu nang á̱ lyuut mi̱ doka ji a̱ni shansham a?

Ibriniyawa 10:28

Mat kuzang a̱yin a̱ tyat doka Musa ji a̱ni, á̱ ni̱ hyat gu di̱ mi̱ fa̱k kunak, ka̱ á̱ shya̱ á̱niet nwuak sheda a̱feang ku a̱tat ba̱ li a̱ka̱tuk nyia̱ nang a̱nyuu nnyia̱, ma̱nang doka Musa ji nhyia̱ a̱ni.

1 Yoona 5:9

Mat nang zi̱ nwuak a̱chuchuk di̱ sheda nang a̱tyubishyi tak zi̱t a̱ni, a̱tsak a̱lyiat zi̱ na nwuak a̱chuchuk di̱ a̱gba̱ndang sheda nang A̱gwaza tak zi̱t a̱ni a̱ swaak. A̱wot A̱gwaza nwuak sheda tazwa Nggwon nggu ka.

Tyai Á̱zanson 11:3

“A̱wot n na nwuak á̱niet shei a̱lyiat a̱feang nung ba tyok, ba̱ na shei nkyang na̱ chobai á̱zanson a̱ni mami mmam chyikwop jhyung ma̱ng chyi sweang mi̱ nswak a̱taa (1260). A̱wot ba̱ na khwi a̱kyakyak a̱yaatoot.”