Yoona 8:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ A̱mgba̱m ma̱ng a̱nia, ka̱ n si̱ mi̱n nyia̱ shi̱ri̱ya, shi̱ri̱ya nung ji yet a̱tsotswat wa. Mat nung gwa ma̱nyin nung bah; nung gwa mbeang A̱tyia̱ nung wu a̱ ta̱m nung a̱ni, a̱ shya̱ dundung ma̱ng a̱nung.

Yoona 8:16 Iomraidhean Croise

Yoona 16:32

To, ka̱ a̱nia wa, jen na bai, di̱ yong huni ji wa ka̱n nyia̱, nang á̱ na nseang nyin! Konyan a̱ bwuok a̱ nat a̱mali nggu, nyi ghwon nung ma̱nyin nung! Ma̱ng a̱nia, nung gwa ma̱nyin nung bah; a̱tyia̱ nung wu shya̱ dundung ma̱ng a̱nung.

Yoona 8:29

A̱wot a̱tyu a̱ ta̱m nung a̱ni, a̱ shya̱ dundung ma̱ng a̱nung. Mat kuzang jen n ni̱ nyia̱ kyang hu nang gu chat a̱ni.”

Nta̱m A̱yaata̱m 17:31

Mat A̱gwaza ka̱n sak mam nang gu bye nnyia̱ a̱mgba̱m á̱niet mi̱ swanta ba a̱tsotswat shi̱ri̱ya, mat a̱tyu nang gu khai a̱ni. A̱wot a̱ si̱ tak konyan kpa̱sai a̱tyu a̱ na nyia̱ shi̱ri̱ya ji a̱ni. Nggu wa nang gu ta̱ngam ma̱ng swuan ma̱ á̱niet ba̱ ka̱n kwi a̱ni.”

Tyai Á̱zanson 19:11

A̱jawa n si̱ ndi Ma A̱gwaza tswazwa ka khwuk, n si̱ kin di a̱sai ntsaai gu yong a̱ja! A̱tyu a̱ nyeak tsaai ji a̱ni, á̱ ngyei nggu “A̱tsotswat” ma̱ng “A̱chuchuk;” mat da̱ a̱chuchuk nvak wa nang gu nnyia̱ shi̱ri̱ya, a̱ si̱ bu ngya zwang a̱tsotswat.