Yoona 8:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ Nyin, nyi nyia̱ shi̱ri̱ya nang á̱niet mi̱ swanta a̱ni. Nung, n nyia̱ shi̱ri̱ya tazwa a̱yin bah.

Yoona 8:15 Iomraidhean Croise

Luka 12:14

Yesu si̱ nwuak gu shim nyia̱, “A̱tuba nung, a̱nyan wa jong nung tyok n gyet a̱tyu zop a̱lyiat, n faat na tazwa nyin di̱ nkyang nang si̱ a̱nia a̱ni?”

Yoona 12:47

“Konyan wa fa̱k tyiet nung hu, da̱ nggu a̱ khwi hu a̱ni bah, nung gwa na nyia̱ gu shi̱ri̱ya ji bah. Mat n ku mbai n nyia̱ swanta hu shi̱ri̱ya ja bah. N ku mbai wa n san a̱mgba̱m á̱niet ba mi̱ swanta hu.

Yoona 18:36

Yesu si̱ ma nwuak Bilatut shim hu nyia̱, “Tyok nung hu yet si̱ mi̱ swanta huni hwa bah. Ka̱ tyok nung hu wa yet si̱ mi̱ swanta huni hwa, si̱ á̱niet ba̱ nyia̱ nung nta̱m a̱ni, na nyia̱ zwang da̱nian nung, ba̱ nvwuong á̱ tyia̱ nung bwak a̱cha̱chet A̱yahudawa ba.”

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 7:24

Nyi yok nyia̱ shi̱ri̱ya nyin ji tazwa kyang nang nyi li ma̱ng á̱ghyi bya a̱ni bah. Nyi nyia̱ shi̱ri̱ya ji mami a̱chuchuk ma̱ng kyang nang nyi lyen wa a̱ni.”

Yoona 8:11

A̱byii̱k wu si̱ nyia̱, “Kaai, A̱tyoli.” A̱jawa Yesu si̱ nyia̱ ma̱ng a̱nggu a̱ni, “Nung mameang, n tyia̱ ang a̱bun bah. Nkat kyang ang. A̱wot, bu yok nyia̱ a̱ka̱tuk nyia̱ bah.”]]

A̱romawa 2:1

Ma a̱nia wa, nwan a̱tyu a dam a na bat á̱ghyang á̱niet a̱bun a̱ni, a mun nyia̱ a̱ka̱tuk nyia̱ wu nang ba̱ nyia̱ a̱ni. Mat a̱nia, a byia̱ ta̱fwat bah! A̱wot jen nang a mbat ntangka̱i á̱niet a̱nia a̱bun, nyia̱ ku myim á̱ nyiak mba a̱ni, a nyia̱ a̱pyia̱ ang kya shi̱ri̱ya ji. Mat nwan a̱tyu a bat á̱ghyang ang a̱bun a̱ni, nwan meang, a mun nyia̱ a̱ka̱tuk nyia̱ a̱wa.

1 A̱korontiyawa 2:15

Á̱niet ba ba̱ byia̱ A̱za̱za̱rak Ntswa wu a̱ni, ba̱ ni̱ byia̱ mumwang nang ba̱ ni̱ nfi̱k ba̱ mak a̱mgba̱m nkyang nang A̱za̱za̱rak Ntswa wu fa a̱ni. A̱wot mba ma̱ á̱pyia̱ mba, á̱ mbyia̱ a̱yin ma̱ á̱niet swanta ba, a̱ si̱ mi̱n fi̱k ku a̱ mak á̱niet ba̱ byia̱ A̱za̱za̱rak Ntswa wu a̱ni bah.

2 A̱korontiyawa 5:16

Mat a̱nia, zi̱ wa ka̱n ghwon kyiak á̱ghyang á̱niet nang á̱niet swanta ba nkyiak ba a̱ni. Di̱n jen jhyang zi̱ ku kyiak Kristi nang á̱niet swanta ba nkyiak gu a̱ni. A̱wot ma̱ninika si̱sak nang zi̱ nfi̱k gu a̱ni, ji̱ vwuon!

Yakubu 2:4

Tangka̱i khai á̱niet da̱ á̱ghyi huni tak nang nyi ntai á̱ka̱tuk á̱niet nyia̱ shi̱ri̱ya mi̱ swanta hu, ba̱ ni̱ khai á̱niet da̱ á̱ghyi a̱ni.