Yoona 8:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 8:12 Iomraidhean Croise

Matyu 5:14

“Nyin bya yet sai hu mi̱ swanta hu. Ma̱nang a̱keang ka̱ shya̱ tazwa a̱fan a̱ni, á̱ si̱ mi̱n niat sai nka hu bah.

Luka 2:32

A̱ yet long sang ku na sai, ku tyai A̱gwaza kpa̱sai da̱ a̱vwuo Nnwap na̱ nwai yet A̱yahudawa a̱ni. A̱wot nggu wa bu na nwuak á̱niet Isi̱rela ba ba̱ yet á̱niet ang ba a̱ni shi.”

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 12:36

Nyi nwuak a̱chuchuk di̱ sai hu, neet nang nyi ni̱ shya̱ ndung ma̱ng a̱nhu. Da̱nian nyin, nyi ka yet mman a̱tyu a̱ yet sai hu a̱ni.” Nang Yesu ntyak a̱lyiat nani a̱ni, a̱ si̱ nat a̱ si̱ ta̱kup.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 7:17

Konyan wa chat nyia̱ kyang nang A̱gwaza chat a̱ni, a̱ na fi̱k tyiet huni; ka̱ ku yet si̱ A̱gwaza hwa, kee n ma ndyiat a̱kwonu a̱pyia̱ nung kya.

Yoona 9:5

Jen nang n shya̱ mi̱ swanta hu a̱ni, nung gwa ngyet sai hu mi̱ swanta hu.”

Nta̱m A̱yaata̱m 13:47

Mat A̱gwaza ku nwuak zi̱t doka nyia̱, ‘N tyia̱ nyin nyi yet long sang da̱ a̱vwuo Nnwap na̱ nwai yet A̱yahudawa a̱ni. Da̱nian nyin bya nyi ka yet vak hu nang a̱mgba̱m á̱niet swanta ba mi̱ kuzang a̱vwuo na nshya̱ swuan sang sangba̱p ji a̱ni.’ ”

Nta̱m A̱yaata̱m 26:23

Ba̱ ku tak nyia̱; ku yet ta hwa Kristi a̱ swuo a̱bung a̱ khwu. A̱wot nggu wa a̱ tsa doot ma̱ng swuan ma̱ a̱niet ba̱ ka̱n kwi a̱ni. A̱wot di̱n vak huni hwa, gu na ntak sai A̱gwaza hu da̱ a̱vwuo A̱yahudawa mbeang Nnwap na̱ nwai yet A̱yahudawa a̱ni.”

2 Bitut 2:17

Á̱niet tyiet a̱ka̱laa bani yet á̱buk á̱niet bya, ba̱ ni̱ laai á̱niet nang nnang a̱sa̱khwot ku myim ku byia̱ a̱sa̱khwot, a̱wot ku si̱ fi̱k a̱ni. Ba̱ si̱ bu li nang á̱ni̱nian ku tak nang za na nva a̱ni. A̱wot wun hu si̱ hyap hu a̱ seang. A̱gwaza wa ka̱n khap ba a̱ sak da̱ a̱vwuo ka̱ yet a̱gbi̱ri̱ng ndyin a̱ni.

2 Bitut 2:4

Ma a̱nia wa, ku a̱yaata̱m tswá A̱gwaza ba, ba̱ ku nyia̱ a̱ka̱tuk nyia̱ wu a̱ni, A̱gwaza ku ghwon mba bah. Da̱ a̱kwonu a̱kya, a̱ si̱ la̱p ba, a̱ si̱ ta mba ma̱ a̱tsuung mbwong sang sangba̱p ku yet a̱gbi̱ri̱ng ndyin a̱ni. Á̱ ba̱ng ba a̱ja á̱ nfwuong mam shi̱ri̱ya hu.

1 Yoona 1:6

Mat a̱nia, ki̱ zi̱ tyiet nyia̱ zi̱ byia̱ mun á̱pyia̱ ma̱ng a̱nggu, nang zi̱ ni̱ swan mi̱ ndyin, zi̱ bwoi la hwa. Zi̱ si̱ bu khwi a̱chuchuk wu bah.

Yahuda 1:13

Ba̱ bu li nang ywan a̱sa̱khwot hu ku vwuot ma̱ng jhyip mi̱ kyai a̱sa̱khwot a̱ni. Ma̱nang ywan a̱sa̱khwot ni̱ nghwut ma̱ng ja̱fi̱k a̱ni, ma a̱nia wa, á̱niet bani ni̱ nghwut ma̱ a̱ka̱tuk nyia̱ sang nsum nchi̱ri̱ng. Ba̱ bu li nang á̱ta̱ngwat na̱ jhyam ma̱ tai a̱ni. Á̱niet bani, á̱ sak ba á̱ nfwuong a̱khwu ma̱ng a̱tsatsak a̱dyundyung ndyin sang sangba̱p.

Yahuda 1:6

A̱wot n bu chat n jhyung nyin a̱yaata̱m tswá A̱gwaza ba, ba̱ ku lak ba̱ng a̱vwuo yong tyok nang A̱gwaza ku nang mba a̱ni. Ba̱ si̱ ghwon a̱tsatsak a̱vwuo yong tyok mba wu nang á̱ nsak ba a̱ni. A̱gwaza ku la̱p mba ma̱ng a̱nyanyang. A̱ si̱ nyim ba mi̱ jaru ji̱ byia̱ lyin a̱ni. Á̱ sak ba a̱ja á̱ nfwuong mam nang A̱gwaza na nnyia̱ mba shi̱ri̱ya a̱ni.

Tyai Á̱zanson 21:24

A̱mgba̱m nnwap mi̱ bibyin swanta na na chong mi̱ sai a̱keang nhu. A̱wot á̱gwam swanta ba na nwuo ma̱ sa̱t ma̱ a̱keang ka ma̱ng zwá ma̱ng a̱mgba̱m shyit mba hu.