Yoona 8:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ A̱byii̱k wu si̱ nyia̱, “Kaai, A̱tyoli.” A̱jawa Yesu si̱ nyia̱ ma̱ng a̱nggu a̱ni, “Nung mameang, n tyia̱ ang a̱bun bah. Nkat kyang ang. A̱wot, bu yok nyia̱ a̱ka̱tuk nyia̱ bah.”]]

Yoona 8:11 Iomraidhean Croise

Luka 13:3

Kaai, ku ma̱ chunchwiit! A̱wot nyin meang, si̱ nang nyi ghwon a̱ka̱tuk nyia̱ nyin wu, nyi si̱ khwi A̱gwaza; kalak nyi na kwi mut!

Luka 13:5

Kaai, ku ma̱ chunchwiit! A̱wot n bu na tak ma̱ng a̱nyin; ka̱ nyi ghwon a̱ka̱tuk nyia̱ nyin wu, nyi si̱ khwi A̱gwaza bah, nyin meang nyi na kwi mut!”

Luka 15:10

“Ma a̱nia wa ku na ndi da̱ a̱vwuo a̱yaata̱m tswá A̱gwaza. Ba̱ na gwai Ma A̱gwaza tswazwa, di̱n jen ji̱ nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱ si̱ nwuo khwi A̱gwaza a̱ni.”

Luka 15:32

A̱gya̱ra̱p ma̱ng a̱gwai nzi̱t wu myim za̱m! Mat ku li nang a̱na̱nyiuk ang wu ka̱n khwu wa a̱ni, a̱wot a̱ si̱ bu doot ma̱ng swuan! Ku li nang gu bwuk wa a̱ni, a̱wot á̱ si̱ bu shya̱ nggu!’ ”

Luka 15:7

Yesu si̱ nyia̱, “Ma a̱nia wa ku na ndi Ma A̱gwaza tswazwa. Á̱ na gwai di̱n jen nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱wot a̱ si̱ nwuo khwi A̱gwaza a̱ni. A̱gwai a̱nia na swak á̱si̱ á̱niet nswak a̱kubunyiung ma̱ng a̱kubunyiung ba ba̱ yet á̱tsotswat, da̱ ba̱ ka̱n bwuk a̱ni bah!

Luka 5:32

N bai n gyei á̱niet ba̱ fa ba̱ yet a̱tsotswat bya a̱ni bah. Da̱ a̱kwonu a̱kya, n bai ngyei á̱niet ba̱ lyen nang ba̱ ngyet á̱niet á̱ka̱tuk nyia̱ bya a̱ni, a̱wot ba̱ ka ghwon a̱ka̱tuk nyia̱ mba wu, ba̱ khwi A̱gwaza.”

Luka 9:56

Mat a̱nia, ba̱ si̱ swak á̱ nat ma̱ a̱bakeang a̱ghyang.

Yoona 18:36

Yesu si̱ ma nwuak Bilatut shim hu nyia̱, “Tyok nung hu yet si̱ mi̱ swanta huni hwa bah. Ka̱ tyok nung hu wa yet si̱ mi̱ swanta huni hwa, si̱ á̱niet ba̱ nyia̱ nung nta̱m a̱ni, na nyia̱ zwang da̱nian nung, ba̱ nvwuong á̱ tyia̱ nung bwak a̱cha̱chet A̱yahudawa ba.”

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 5:14

Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Yoona 8:15

Nyin, nyi nyia̱ shi̱ri̱ya nang á̱niet mi̱ swanta a̱ni. Nung, n nyia̱ shi̱ri̱ya tazwa a̱yin bah.

A̱romawa 2:4

Ke a jhyuai si̱sak nang A̱gwaza nfa̱k a̱gba̱ndang shok, a̱ si̱ nyap fwuo, a̱ si̱ nwai vwuot lyen hu da̱ nwan a̱ni a? Si̱ huni yet a̱buk kyang wa da̱ a̱vwuo ang a? Ka̱ doot a li nang A̱gwaza, mat shok nggu ji, a̱ nwuat ang a̱wat a ghwon a̱ka̱tuk nyia̱ ang wu, a shyak a̱chyet kya baa?

1 A̱korontiyawa 5:12

Yihwa yet a̱ka̱ta nung ka, di̱ nyia̱ á̱niet ba̱ nwai yet á̱niet khwi a̱ni shi̱ri̱ya? A̱wot ku yet ta hwa za̱m, nyi nyia̱ á̱niet khwi ba̱ nyia̱ a̱ka̱tuk nyia̱ a̱ni shi̱ri̱ya ji baa?

2 Bitut 3:15

A̱wot nyi jhyung nyap fwuo A̱gwaza A̱tyoli nzi̱t hu, a̱ nwuat á̱niet ba jen ja ba̱ ka shya̱ san hwa. A̱lyiat nani nia nang Bulut meang, a̱na̱nyiuk nzi̱t wu mi̱ khwi Kristi nang zi̱ chat a̱ni, lyuut nyin dyo, di̱ mumwang nang A̱gwaza nang gu a̱ni.