Yoona 7:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Swanta hu si̱ mi̱n dak nyin bah. A̱wot nung gwa nang á̱niet mi̱ swanta ba lak li hu. Mat n tak ma̱ng a̱mba nang ba̱ nyian a̱ka̱tuk nkyang.

Yoona 7:7 Iomraidhean Croise

Luka 6:26

Ku swan nyin á̱niet, nang á̱kpa á̱niet chyin a̱ni; mat a̱nia wa a̱yaatyia̱ a̱khwop mba ba ku nchyin a̱yaata̱m bwoi a̱ka̱laa, ba̱ ku kyiak á̱pyia̱ mba nang á̱tsatsak a̱yaata̱m a̱ni.”

Yoona 17:14

N si̱ ntak ma̱ng a̱mba A̱lyiat ang na. A̱wot á̱niet mi̱ swanta ba si̱ lak li mbaa, mat ba̱ yet á̱niet mi̱ swanta bya bah; ma̱nang nung n nwai ngyet a̱tyu mi̱ swanta wu a̱ni.

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

A̱romawa 8:7

Za̱kwa a̱ka̱tuk nyia̱ ji ni̱ lak li A̱gwaza nchi̱ri̱ng. A̱wot za̱kwa a̱ka̱tuk nyia̱ si̱ mi̱n mak khwi doka A̱gwaza ji bah. A̱tsak a̱lyiat, ji̱ si̱ mi̱n mak mi̱ mak ji̱ khwi doka ji bah.

A̱ga̱la̱tiyawa 4:16

Ma̱ninika, nyi kyiak nung nang a̱tyu lak li nyin a̱ni, mat n tak ma̱ng a̱nyin a̱tsak a̱lyiat a?

Yakubu 4:4

Nyin á̱niet katnaan! Nyi lyen nang kpa̱ndang ma̱ng swanta hu ngyet na̱nvan hwa ma̱ng A̱gwaza baa? Mat a̱nia, konyan wa nyia̱ kpa̱ndang ma̱ng swanta hu, a̱ nyia̱ na̱nvan hwa ma̱ng A̱gwaza.

1 Yoona 4:5

A̱yaata̱m bwoi a̱ka̱laa a̱bya yet á̱si̱ swanta bya, ba̱ yet á̱si̱ A̱gwaza bya bah. Huhwa mbyia̱ nang ba̱ ni̱ ndyiat kyang ku myim á̱nietbishyi mi̱ swanta a̱ni. A̱wot á̱niet mi̱ swanta ba meang, si̱ ma fwuong mbaa.