Yoona 7:48 - A̠lyiat A̠gwaza na di̠n Tyap: A̠li̠ka̠uli A̠fai

⁴⁸ Á̱ mbyia̱ a̱yin mami a̱cha̱chet a̱yaapris mbeang A̱fa̱risawa ba á̱ ka̱n nwuak fwuo da̱ nggu a̱ni a?

Yoona 7:48 Iomraidhean Croise

Matyu 11:25

Di̱n jen a̱ja, Yesu si̱ naai A̱gwaza nyia̱, “N dyep ang A̱tyia̱, A̱tyoli a̱ byia̱ tswazwa ma̱ng a̱byin a̱ni. N gwai ang nang a niat nkyang nani da̱ a̱vwuo á̱niet ba̱ fa nyia̱ ba̱ byia̱ mumwang ma̱ng lyen kyang a̱ni; a̱wot a si̱ tyai na kpa̱sai da̱ a̱vwuo á̱niet ba̱ kyiak á̱pyia̱ mba nang mman a̱ni.

Luka 23:13

A̱jawa gwomna Bilatut si̱ yei a̱cha̱chet a̱yaapris, a̱yaagwak tyiet doka ma̱ng á̱kpa á̱niet ka, ba̱ si̱ bai da̱ a̱vwuo nggu.

Yoona 12:42

A̱mgba̱m ma̱ng a̱nia, á̱niet ma̱ a̱di̱di̱t si̱ mun nwuak fwuo di̱ Yesu. Mbeang a̱cha̱chet a̱yaakwak a̱son mba ba, ba̱ ku mun a̱ nwuak fwuo di̱ Yesu. A̱wot mat si̱sak nang ba̱ ku nfwuong a̱wun A̱fa̱risawa ba a̱ni; ba̱ ku ghwut kpa̱sai ba̱ si̱ tak nang ba̱ nnwuak fwuo bah; nyia̱ kalak á̱ vwuong mba á̱ ghwut ndyo ma̱ á̱tutu a̱tung A̱yahudawa ba.

Yoona 3:1

A̱ghyang a̱niet ku nshya̱, á̱ si̱ ngyei gu Nikodimut. A̱ ku yet a̱kwak a̱son A̱yahudawa. A̱ si̱ bu shya̱ mi̱ sot á̱niet, ba̱ ku yet A̱fa̱risawa ba a̱ni.

Yoona 7:26

Di, nggu wa yong a̱ji! A̱ yong kpa̱sai a̱ lyiat. Da̱ mba, ba̱ nyia̱ nggu kyang bah. Ke a̱cha̱chet A̱yahudawa ba shim nang nggu wa ngyet Kristi wu la?

Yoona 7:49

Á̱kpa á̱niet kani lyen doka nang A̱gwaza ku nwuak Musa a̱ni bah! Mat a̱nia, shyishyi A̱gwaza si̱ ta̱bat mba!”

Yoona 7:50

Nikodimut a̱wa a̱ ku nat da̱ a̱vwuo Yesu a̱tyetuk ka di̱n jen jhyang a̱ni, a̱ ku yet a̱tyo nyiung mami mba; huhwa gu nyia̱ ma̱ng a̱mba a̱ni,

Nta̱m A̱yaata̱m 6:7

Huhwa a̱lyiat A̱gwaza na si̱ mbeang ya a̱son hu. Á̱kpa á̱niet khwi A̱gwaza ka si̱ mbeang ba̱t mi̱ Urusha̱lima. A̱wot a̱yaapris A̱yahudawa ma̱ a̱di̱di̱t meang si̱ bwuak, ba̱ si̱ nwuo khwi A̱tyoli Yesu.

1 A̱korontiyawa 1:20

A̱tyu mumwang wu shya̱ a̱ji wa? A̱yaagwak tyiet doka ba shya̱ a̱ji wa? Á̱niet ba̱ fa ba̱ lyen kuzang kyang mi̱ jen a̱fwun ji a̱ni, shya̱ a̱ji wa? A̱gwaza tyia̱ mumwang swanta huni li nang bwuon hwa a̱ni.

1 A̱korontiyawa 2:8

A̱wot á̱niet nyia̱ tyok swanta bani ka̱n fi̱k mumwang a̱hwa bah. Ka̱ ba̱ wa ku fi̱k hu, si̱ ba̱ ku hyat A̱tyoli nzi̱t wu a̱ byia̱ shi a̱ni, di̱ kpang gu da̱ a̱team a̱khwu wu bah.