Yoona 7:41 - A̠lyiat A̠gwaza na di̠n Tyap: A̠li̠ka̠uli A̠fai

⁴¹ Á̱ghyang á̱niet mami mba si̱ nyia̱, “A̱tyu wuni wa yet A̱tyusan nang zi̱ fwuong a̱ni!” A̱wot á̱ghyang á̱niet si̱ nyia̱, “Yihwa a? Kristi, a̱tyu nang A̱gwaza na kup gu tyok a̱ni, na ghwut ma̱ a̱byin Ga̱lili kyaa?

Yoona 7:41 Iomraidhean Croise

Yoona 1:41

Anda̱rawut si̱ nat a̱ si̱ chat a̱na̱nyiuk nggu wu Bitut, a̱ si̱ nyia̱ ma̱ng a̱nggu a̱ni, “Zi̱ shya̱ a̱tyu a̱ yet Ma̱siha wu a̱ni!” (Ku fa “Kristi” da̱ a̱lyem A̱helenawa).

Yoona 1:46

Nataniyel si̱ nyia̱ ma̱ng a̱nggu, “Ka̱ doot a̱tsatsak kyang a̱ ghwut mi̱ Na̱za̱ra̱t a?!” A̱jawa Filibut si̱ nyia̱ ma̱ng a̱nggu a̱ni, “Bai, a lii!”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 4:25

A̱nap wu si̱ nyia̱ ma̱ng Yesu a̱ni, “N dyen nang a̱ta̱m a̱kwonu A̱gwaza nang á̱ ngyei ‘Kristi’ a̱ni chobai. Ka̱ a̱ ba̱ bai, a̱ na tak ma̱ng a̱nzi̱t kuzang kyang.”

Yoona 4:29

“Nyi bai nyi li a̱tyu a̱ tyai nung a̱mgba̱m kyang nang n ka̱n nyia̱ a̱ni! Ke nggu wa yet Kristi wu la?!”

Yoona 4:42

A̱jawa ba̱ si̱ nyia̱ ma̱ng a̱nap wu a̱ni, “Nzi̱t mameang, zi̱ nwuak fwuo di̱ Yesu ma̱nini, mat kyang nang a hyia̱ wa a̱ni bah. A̱wot nzi̱t ma̱ á̱pyia̱ nzi̱t mameang, zi̱ fa̱k a̱lyiat nggu na. A̱wot zi̱ lyen za̱m nang nggu wa ngyet A̱tyusan á̱niet mi̱ swanta ba!”

Yoona 6:69

A̱wot ma̱ninika, zi̱ nwuak a̱chuchuk, zi̱ si̱ lyen nang nwan wa ngyet A̱za̱za̱rak A̱tyu a̱ neet da̱ a̱vwuo A̱gwaza a̱ni!”

Yoona 7:27

“Ka̱ a̱tyu wuni wa, zi̱ lyen a̱vwuo nang gu nneet a̱ni. A̱wot ka̱ Kristi wu ba̱ bai, á̱ byia̱ a̱tyu a̱ bye lyen a̱vwuo ka nang gu nneet a̱ni bah!”

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 7:52

Ba̱ si̱ nyia̱, “Nwan meang, a yet a̱tyu Ga̱lili wa a? Zop A̱lyiat A̱gwaza na shansham a lii; á̱ byia̱ a̱ta̱m a̱kwonu A̱gwaza a̱ na ghwut ma̱ a̱byin Ga̱lili a̱ni bah!”