Yoona 7:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Ka̱ a̱yin chat a̱ lyen nggu shansham, a̱ si̱ mi̱n niat nkyang nang gu nyia̱ a̱ni bah. Nang a nnyian nkyang nani a̱ni, ku myim a tyia̱ a̱mgba̱m swanta hu ku lyen ang!”

Yoona 7:4 Iomraidhean Croise

Matyu 23:5

“A̱mgba̱m nta̱m ba̱ nyia̱ a̱ni, ba̱ ni̱ nnyia̱ na da̱nian á̱niet bya ba̱ ka li mbaa. Ba̱ ni̱ twai a̱kpa̱kpai ndaai ma̱ng zwunzwuo A̱lyiat A̱gwaza jhyang, ba̱ la̱p di̱ mbwak ma̱ng pyipyia̱ mba hu. A̱wot ba̱ bu la̱p ywan naai A̱gwaza di̱ a̱yaatoot mba ba, ku lya̱u ma̱ junjung.

Matyu 4:6

A̱ta̱nyeang ka si̱ nyia̱ ma̱ng Yesu, “Ka̱ nwan wa yet nggwon A̱gwaza ka chi̱k, fi̱p kwa a̱byin! Mat á̱ lyuut ma̱ A̱lyiat A̱gwaza na nyia̱, ‘A̱gwaza na tyia̱ a̱yaata̱m tswá nggu ba, ba̱ chok ang. A̱wot ba̱ na fwun ang ma̱ng mbwak mba na, kalak a du kwa a lwi tak ang da̱ a̱fang.’ ”

Matyu 6:16

“A̱wot jen nyi nswan a̱fa a̱khwot di̱ naai A̱gwaza a̱ni, nyi yok vwun á̱ghyi nang á̱bubuk á̱niet nnyia̱ a̱ni bah. Mat ba̱ ni̱ byian á̱ghyi, ba̱ tak kpa̱sai nang ba̱ naai A̱gwaza a̱fa a̱khwot, da̱nian á̱niet ba̱ ka li, ba̱ chyin baa. N tak nyin a̱tsak a̱lyiat, zang ji ba̱ na san a̱ni, jija a̱ja.

Matyu 6:5

“A̱wot ka̱ nyi na naai A̱gwaza, nyi yok naai nggu nang á̱bubuk á̱niet ni̱ nnaai a̱ni bah. Mat ba̱ ni̱ chat ba̱ doot á̱ yong ka̱tsak ma̱ng gba̱p a̱pyia̱ ma̱ á̱tutu a̱tung A̱yahudawa ba, ma̱ng a̱yaaga̱sat nvak ba̱ naai A̱gwaza kpa̱sai, da̱nian á̱niet ba̱ ka li ba̱ chyin baa. N tak nyin a̱tsak a̱lyiat, ba̱ wa ka̱n san zang mba ji.

Luka 6:45

Ma a̱nia wa, a̱tan a̱yin ni̱ nyia̱ a̱tan kyang nang gu nyia̱ a̱di̱dam ma̱ a̱tan fwuo nggu wu a̱ni. A̱wot a̱ka̱tuk a̱yin ni̱ nyia̱ a̱ka̱tuk kyang nang gu nyia̱ a̱di̱dam ma̱ a̱ka̱tuk fwuo nggu wu a̱ni. Kyang ku shya̱ mi̱ fwuo ang hu a̱ni, huhwa yet a̱tyin kyang nang a lyiat a̱ni.”

Yoona 18:20

Yesu si̱ nyia̱, “N ku ndyiat kpa̱sai a̱zaghyi konyan. N si̱ bu ngyong mi̱ di̱ tyiet á̱niet ba ma̱ á̱tutu a̱tung, ma̱ng A̱li Nwuat Za̱nang A̱gwaza, nang a̱mgba̱m A̱yahudawa ba ni̱ ntung a̱ni. N ka̱n mak lyiat kyang da̱ bang bah.

Yoona 7:3

huhwa á̱na̱nyiuk Yesu ba si̱ nyia̱ ma̱ng a̱nggu a̱ni, “Ku myim a ghwon a̱vwuo kani a nat fam a̱byin Yahudiya. Da̱nian mman ta̱m ang na ba̱ ka li ntangka̱i a̱cha̱chet nta̱m nang a nyia̱ a̱ni.

Yoona 7:5

Mat á̱na̱nyiuk Yesu ba byi̱ri̱ng ba̱ ku nwuak a̱chuchuk da̱ nggu bah.