Yoona 7:39 - A̠lyiat A̠gwaza na di̠n Tyap: A̠li̠ka̠uli A̠fai

³⁹ (Yesu lyiat á̱lyiat nani tazwa A̱za̱za̱rak Ntswa wu nang á̱niet ba̱ nwuak fwuo da̱ nggu na san a̱ni. Mat ba̱ng ba̱ tat jen jini á̱ ka̱n ta̱m ma̱ng A̱za̱za̱rak Ntswa wu bah. Mat á̱ ka̱n ta̱ngam Yesu ma̱ng swuan ma̱ á̱niet ba̱ ka̱n kwi a̱ni, a̱ si̱ shya̱ a̱kyenkyai shi tyok nggu wu bah.)

Yoona 7:39 Iomraidhean Croise

Matyu 16:14

Ba̱ si̱ nyia̱, “Á̱ghyang á̱niet nyia̱ nwan wa yet Yoona a̱tyu nyian ba̱ptisman. Á̱ghyang nyia̱ a yet Iliya wa. Á̱ghyang si̱ bu nyia̱ Iri̱miya wa, ku a̱tyo nyiung ma̱ a̱yaata̱m a̱kwonu A̱gwaza á̱ghyang bya.”

Matyu 21:11

A̱wot susot á̱kpa á̱niet ji si̱ nwuak shim nyia̱, “A̱tyu wuni wa yet Yesu, a̱ta̱m a̱kwonu A̱gwaza, a̱ neet Na̱za̱ra̱t mi̱ fam a̱byin Ga̱lili a̱ni!”

Luka 24:49

“A̱wot á̱ na labeang bah, n na nta̱m ma̱ng a̱nyin A̱za̱za̱rak Ntswa wu; ma̱nang A̱tyia̱ nung wu ku nnyia̱ a̱li̱ka̱uli a̱ na ta̱m ma̱ng a̱nyin dyo a̱ni. A̱wot nyi ya ndabeang mi̱ Urusha̱lima. Nyi fwuong jen nang A̱za̱za̱rak Ntswa wu na mbai, a̱ tyia̱ nyin chet gba̱mgbam ku neet Ma A̱gwaza tswazwa a̱ni.”

Luka 3:16

Huhwa Yoona si̱ tak ma̱ng a̱mba nyia̱, “Nung, n nyia̱ nyin ba̱ptisman ji ma̱ng a̱sa̱khwot nia. A̱wot a̱tyu a̱ swak nung ma̱ za̱nzan a̱ni chobai. Nung, n maai mi̱ maai n gyet a̱khwo nggu wu, n ta̱bwak mbyii̱k ywan á̱kwatak nggu hu bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Luka 7:16

Á̱kpa á̱niet ka si̱ fa̱k a̱wun ba̱t! Ba̱ si̱ dyep A̱gwaza nyia̱, “A̱gba̱ndang a̱ta̱m a̱kwonu A̱gwaza bai da̱ a̱vwuo nzi̱t! A̱wot A̱gwaza bai a̱ san á̱niet nggu ba a̱fwun!”

Yoona 1:21

A̱jawa ba̱ si̱ bu lyip gu nyia̱, “Nwan wa yet Iliya a̱ta̱m a̱kwonu A̱gwaza wu a?” Yoona si̱ nwuak ba shim nyia̱, “Kaai, nung gwa bah.” Ba̱ si̱ bu lyip gu, nyia̱ “Nwan wa yet a̱ta̱m a̱kwonu A̱gwaza wu nang á̱ nyia̱ a̱ na ta̱m ndyo a̱ni a?” A̱ si̱ nyia̱ ma̱ng a̱mba, “Kaai.”

Yoona 1:25

ba̱ si̱ lyip Yoona nyia̱, “Ka̱ nwan wa yet Kristi wu bah, a̱wot a bu yet Iliya bah, da̱ nwan a bu yet a̱ta̱m a̱kwonu A̱gwaza bah; mi̱ yihwa mbyia̱ nang a nnyia̱ á̱niet ba ba̱ptisman ji?”

Yoona 1:33

Bi̱ri̱ng ma̱ng a̱nia, n si̱ nfi̱k gu bah. A̱wot A̱gwaza a̱ ku ta̱m nung n nyia̱ ba̱ptisman ji ma̱ng a̱sa̱khwot na a̱ni, si̱ nyia̱ ma̱ng a̱nung a̱ni, ‘A̱tyu nang a li A̱za̱za̱rak Ntswa wu chorop a̱ chobai a̱ ba̱ swan da̱ nggu a̱ni; nggu wa yet a̱tyu a̱ na nyia̱ á̱niet ba ba̱ptisman ji ma̱ng A̱za̱za̱rak Ntswa A̱gwaza wu a̱ni.’

Yoona 12:16

Da̱ a̱chak a̱kya mman ta̱m Yesu na ku fi̱k kyang hu ku bai a̱ni bah. Jen nang Yesu ku ba̱ ndoot á̱ si̱ nwuak gu a̱kyenkyai shi a̱ni; jija mman ta̱m na ku njhyung nang á̱ ndyuut nkyang nani tazwa nggu. A̱wot nkyang na si̱ bai ma̱ cha̱chaat da̱ a̱nu ka nang á̱ ndyuut na a̱ni.

Yoona 12:23

Huhwa Yesu si̱ nwuak ba shim nyia̱, “Jen nyia̱ nang á̱ na nnwuak Nggwon A̱tyubishyi a̱kyenkyai shi a̱ni.

Yoona 14:13

A̱wot n bu na nyia̱ kuzang kyang nang nyi naai mami a̱lyoot nung da̱nian hu a̱ni. N na nyia̱ nyin ndyo, da̱nian A̱tyia̱ nung wu a̱ ka shya̱ a̱kyenkyai shi wu kpa̱sai mat Nggwon ka.

Yoona 14:26

A̱wot A̱tyu Beang wu, nggu wa yet A̱za̱za̱rak Ntswa nang A̱tyia̱ wu na ta̱m ndyo da̱ a̱kwonu nung a̱ni; nggu wa na tyiet nyin kuzang kyang. A̱wot a̱ bu jhyung nyin a̱mgba̱m kuzang kyang nang n ka̱n hyia̱ ma̱ng a̱nyin a̱ni.

Yoona 16:14

A̱ bye nnwuak nung shi, da̱nian á̱lyiat nung nia gu bye hyia̱ ma̱ng a̱nyin.

Yoona 16:7

A̱wot, n shei nyin a̱chuchuk; ka̱ n ghwon nyin, ku na yet nyin a̱sham za̱m. Mat, ki̱ n nkat n si̱ ghwon nyin bah, A̱tyu Beang wu na bai da̱ a̱vwuo nyin bah. Huhwa mbyia̱, ka̱ n nkat, n na nta̱m ma̱ng a̱nyin guu.

Yoona 17:1

Nang Yesu ntyak á̱lyiat nani a̱ni, huhwa gu si̱ gba̱t á̱ghyi, a̱ si̱ nwuan Ma A̱gwaza tswazwa. A̱ si̱ naai nyia̱, “A̱tyia̱ nung, jen nyia̱. Nwuak nggwon ang ka shi; nka mameang, ka̱ ma nwuak ang shi.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 20:22

Nang gu nhyia̱ a̱nia a̱ni, a̱ si̱ hyiap mba swuan. A̱ si̱ nyia̱, “Nyi san A̱za̱za̱rak Ntswa wu!

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 7:12

A̱wot mami á̱kpa á̱niet ba̱ ku shya̱ ma̱ a̱yet wu a̱ni, ba̱ si̱ chyuang tazwa Yesu nyia̱, “A̱tyu a̱wa yet a̱tan a̱yin!” A̱wot á̱ghyang á̱niet si̱ nyia̱, “Kaai, a̱tyu a̱wa laai á̱niet bibya!”

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

Nta̱m A̱yaata̱m 19:2

A̱ si̱ lyip ba nyia̱, “Nyi ku san A̱za̱za̱rak Ntswa wu di̱n jen nang nyi ku nnwuak fwuo di̱ Yesu a̱ni a?” Ba̱ si̱ nwuak gu shim nyia̱, “Kaai, zi̱ ka̱n fa̱k nkhang nyia̱ A̱za̱za̱rak Ntswa nshya̱ bah.”

Nta̱m A̱yaata̱m 2:17

‘A̱gwaza nyia̱, “Di̱n jen ngaan ji, n na nang a̱mgba̱m á̱niet mi̱ swanta ba A̱za̱za̱rak Ntswa nung wu gba̱mgbam! Mman á̱sam ma̱ng mman á̱nap nyin na, na̱ na shei nkyang da̱ a̱kwonu nung á̱zanson. Nfi̱ng á̱tyok nyin na na nwuan a̱ma̱bwoi; ma a̱nia wa, á̱khwukhwop á̱niet nyin ba na laat a̱laat.

Nta̱m A̱yaata̱m 2:33

Ma̱ninika, á̱ nwuak Yesu shi. Á̱ si̱ sak gu da̱ a̱vwuo a̱gba̱ndang shi a̱zayak A̱gwaza, a̱ nyia̱ tyok dundung ma̱ng a̱nggu tswazwa. A̱wot A̱tyia̱ wu si̱ bu nang Yesu A̱za̱za̱rak Ntswa wu nang gu nyia̱ a̱li̱ka̱uli a̱ na ta̱m a̱ni. A̱wot Yesu meang, si̱ nang nzi̱t A̱za̱za̱rak ntswa gba̱mgbam; ma̱nang nyi ndi, nyi si̱ bu nfa̱k a̱fwun a̱ni.

Nta̱m A̱yaata̱m 2:38

Bitut si̱ nyia̱ ma̱ng a̱mba, “Ku yet ta hwa, konyan ma̱ nyin a̱ ghwon a̱ka̱tuk nyia̱ nggu wu, gu bai á̱ nyia̱ gu ba̱ptisman da̱ a̱lyoot Yesu; á̱ ka chi a̱ka̱tuk nyia̱ nyin wu. A̱nia wa A̱gwaza bu na nnang nyin za̱nang A̱za̱za̱rak Ntswa nggu ji.

Nta̱m A̱yaata̱m 2:4

A̱za̱za̱rak Ntswa wu si̱ kin tyia̱ kuzang a̱yin ma̱ mba chet, ba̱ si̱ kin ta̱bat lyiat di̱ lilyem ghyáng da̱nang ba̱ mi̱ mmyiam a̱ni bah; ma̱ cha̱chaat ma̱nang A̱za̱za̱rak Ntswa wu nnang konyan za̱nang chet ji a̱ni!

Nta̱m A̱yaata̱m 3:13

A̱gwaza Ibrahim, ma̱ng Ishaku, ma̱ng Yakubu, a̱ yet A̱gwaza a̱mgba̱m a̱yaatyia̱ a̱khwop nzi̱t ba a̱ni; nggu wa nwuak a̱khwo nggu wu Yesu shi gu choot a̱tyu wuni! Nggu wa yet Yesu wu nang nyi ku lak, nyi si̱ tyia̱ nggu mbwak gwomna Bilatut; ku nang gwomna Bilatut ku nchat a̱ kai nggu a̱ ghwon a̱ni.

Nta̱m A̱yaata̱m 4:31

Nang ba̱ ntyak naai A̱gwaza hu a̱ni, tutu hu nang ba̱ ntung a̱ni, si̱ tyi̱ri̱m ku si̱ tyia̱ ma̱ zunzung a̱nzung! A̱za̱za̱rak Ntswa wu si̱ tyia̱ mba chet. A̱wot ba̱ si̱ ta̱bat shei á̱lyiat A̱gwaza na ma̱ng gbang a̱lyia̱.

A̱romawa 8:9

A̱wot nyin, za̱kwa a̱ka̱tuk nyia̱ ja nyia̱ tyok da̱ nyin bah. A̱za̱za̱rak Ntswa wa nyia̱ tyok hu da̱ nyin; ka̱nang a̱tsak a̱lyiat wa nang A̱za̱za̱rak Tswa A̱gwaza wu shya̱ mi̱ nfwuo nyin na. (A̱wot nyi yok bwung bah, a̱mgba̱m á̱niet nang A̱za̱za̱rak Ntswa Kristi wu nwai shya̱ mi̱ nfwuo mba na a̱ni, ba̱ yet á̱niet khwi Kristi bya bah, ku ma̱ chunchwiit.)

2 A̱korontiyawa 3:8

Ma a̱nia wa nang A̱za̱za̱rak Ntswa wu nnwuat swuan a̱ni, ku myim zi̱ tyia̱ fwuo da̱ a̱kyenkyai shi A̱gwaza a̱ yet a̱gba̱ndang a̱ swak nang á̱ shyat mi̱ nta̱m a̱li̱ka̱uli a̱fai wu a̱ni baa?

A̱fisawa 4:30

Nyi ta̱bam kalak nyi du byian A̱za̱za̱rak Ntswa wu fwuo, mat swat nyin hu. Mat A̱za̱za̱rak Ntswa wu a̱ shya̱ ma̱ nyin a̱ni, nggu wa yet a̱timi a̱ tak nang nyi ngyet á̱niet A̱gwaza bya a̱ni. Nggu wa bu na tak nang nyi na nshya̱ san nyi yet á̱sa̱t á̱niet a̱tuk mam shi̱ri̱ya A̱gwaza ka.