Yoona 7:37 - A̠lyiat A̠gwaza na di̠n Tyap: A̠li̠ka̠uli A̠fai

³⁷ A̱tuk ngaan A̱yet Á̱suswak ka, mam a̱hwa hwa yet a̱gba̱ndang mam a̱yet wu. Yesu si̱ doot a̱ yong. A̱ si̱ ta̱ngam a̱nwuat ka mi̱ chet nyia̱, “Konyan wa fwuong mashyi a̱sa̱khwot a̱ni, gu bai da̱ a̱vwuo nung, gu swuo!

Yoona 7:37 Iomraidhean Croise

Matyu 11:28

A̱wot Yesu si̱ nyia̱, “Nyin á̱niet nyi veang ma̱ng pyia̱t a̱kpi̱di̱dyi̱k nkpa̱t a̱ni, nyi bai da̱ a̱vwuo nung. A̱wot n na nwuak nyin fwung.

Matyu 3:3

Yoona wa nang Ishaya a̱ta̱m a̱kwonu A̱gwaza gbangbang ku lyiat nang gu ku ntak nyia̱, “A̱yin shya̱ mi̱ tswa a̱yit, a̱ yei mi̱ chet, ‘Nyi jhyi vak A̱tyoli hu, ku nat cha̱chaat!’ ”

Matyu 5:6

A̱gwaza tyei a̱li̱ba̱rka da̱ á̱niet ba̱ fwuong zong ma̱ng mashyi a̱ni, mat ba̱ nyia̱ tsotswat nang A̱gwaza nchat a̱ni. Mat A̱gwaza na tyia̱ mba ba̱ shya̱ nkyang nang ba̱ chat a̱ni, ba̱ swa̱i.

Yoona 1:23

Yoona si̱ nwuak ba shim ma̱nang Ishaya a̱ta̱m a̱kwonu A̱gwaza wu ku nhyia̱ a̱ni, nyia̱, “N gyet nwuat kya ka̱ yei mi̱ chet mi̱ ntswa a̱yit a̱ni: ‘Nyi jhyi vak da̱nian A̱tyoli nzi̱t wu, ku nat cha̱chaat gu ba̱ nkai!’ ”

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 4:10

Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yoona 4:11

A̱jawa a̱nap wu nyia̱ ma̱ng a̱nggu a̱ni, “Nwan a̱tyoli, a byia̱ kyang bwuo a̱sa̱khwot hu bah. Ri̱jiya huhwa hu ku yet a̱tsuung. Ka̱ a̱nia wa, a̱ji wa nang a na nshya̱ a̱sa̱khwot nswuan na?

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 5:40

A̱mgba̱m ma̱ng a̱nia, nyi lak bai da̱ a̱vwuo nung, nyi ka shya̱ swuan ji.

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:55

“Nam vam nung hu yet a̱tsatsak kyayak wa. A̱sok nung na mameang, si̱ yet a̱tsatsak kyang swuo wa.

Yoona 7:28

Nang Yesu ku ntyiet mi̱ didyaat A̱li Nwuat Za̱nang A̱gwaza hu a̱ni, a̱ si̱ lyiat ma̱ng a̱gba̱ndang a̱nwuat nyia̱, “Nyin, nyi lyen nung shansham ma̱ng a̱vwuo ka nang n neet a̱ni a? Nung, n bai da̱nian a̱pyia̱ nung bah. A̱tyu a̱ ta̱m nung a̱ni; nggu wa byia̱ a̱chuchuk wu. Da̱ nyin, nyi lyen gu bah.

1 A̱korontiyawa 10:21

Nyi si̱ mi̱n swuo ma̱ a̱kashyi A̱tyoli Yesu, nyi bu swuo ma̱ á̱si̱ á̱ka̱tuk ntswá bah. Da̱ nyin, nyi si̱ mi̱n ngya kyayak ma̱ a̱tyii A̱tyoli Yesu, nyi bu ya ma̱ si̱ á̱ka̱tuk ntswá bah.

1 A̱korontiyawa 10:4

A̱wot a̱mgba̱m ba si̱ swuo tangka̱i a̱sa̱khwot A̱za̱za̱rak Ntswa nyiung wa. A̱wot a̱mgba̱m ba si̱ swuo a̱sa̱khwot na̱ ku neet ma̱ a̱za̱za̱rak a̱fang a̱wa a̱ ku chong ndung ma̱ng a̱mba a̱ni. A̱fang a̱kya ku yet kidee Kristi ja ma̱ a̱pyia̱ nggu.

1 A̱korontiyawa 11:25

Ma a̱nia wa, nang ba̱ ntyak ya kyayak hu a̱ni, Yesu si̱ kyiak a̱kashyi a̱sa̱khwot a̱na̱p na, a̱ si̱ nyia̱, “A̱kashyi wuni wa yet kidee a̱li̱ka̱uli a̱fai nang A̱gwaza la̱p ma̱ng á̱niet nggu ba a̱ni, mat a̱sok nung na nang á̱ nwuak na̱ yet zang ji a̱ni. Kuzang jen nang nyi nswuo a̱ni, nyi ni̱ nswuo da̱nian nyi ka nyia̱ a̱di̱dam da̱ nung.”

1 A̱korontiyawa 12:13

Á̱niet khwi á̱ghyang ma̱ nzi̱t yet A̱yahudawa bya. Á̱ghyang á̱niet si̱ yet Nnwap na̱ nwai yet A̱yahudawa a̱ni. Á̱ghyang si̱ yet á̱khwo bya. Á̱ghyang si̱ yet mman a̱li nia. A̱wot A̱za̱za̱rak Ntswa wu wa nyia̱ a̱mgba̱m nzi̱t ba̱ptisman ji, zi̱ si̱ yet vam nyiung. A̱wot a̱mgba̱m nzi̱t, zi̱ byia̱ A̱za̱za̱rak Ntswa a̱nyiung wa.

A̱fisawa 5:18

Nyi yok yet á̱niet hyeng a̱kan bah, mat si̱ a̱hwa tyei tsot wun ku chong ma̱ng a̱khwu a̱ni. Da̱ a̱kwonu a̱kya, si̱ nyi ghwon chet A̱za̱za̱rak Ntswa huhwa a̱ tyia̱ nyin chet nang gu nchat a̱ni.

Tyai Á̱zanson 21:6

A̱wot A̱gwaza si̱ bu nyia̱, “Ku bai tyak! Nung gwa ngyet A̱lfa ma̱ng Omega; A̱son ka ma̱ng A̱ngaan ka! Konyan wa a̱ fwuong mashyi a̱ni, n na nang gu a̱sa̱khwot mi̱ nnang a̱sa̱khwot nswuan na gu swuo! A̱ na tan bah.

Tyai Á̱zanson 22:1

A̱jawa a̱ta̱m tswa A̱gwaza wu si̱ tak ma̱ng a̱nung a̱ghyui ka̱ byia̱ a̱sa̱khwot nswuan a̱ni. A̱sa̱khwot na li ma̱ wowot nang ma̱dubi a̱ni, na̱ tyong á̱ neet da̱ a̱gba̱ndang chuk Tyok A̱gwaza ma̱ng a̱si̱ Fi̱ng A̱nfwuk hu!

Tyai Á̱zanson 22:17

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!