Yoona 7:36 - A̠lyiat A̠gwaza na di̠n Tyap: A̠li̠ka̠uli A̠fai

³⁶ A̱ nyia̱, ‘Nyi na chat nung da̱ nyin nyi na li nung bah. A̱wot a̱vwuo ka nang n naat a̱ni, nyi si̱ mi̱n nat bah.’ Yihwa nang gu fa?”

Yoona 7:36 Iomraidhean Croise

Yoona 12:34

Huhwa á̱kpa á̱niet ka si̱ nyia̱ ma̱ng Yesu a̱ni, “Doka nzi̱t ji ma̱ng A̱lyiat A̱gwaza na tak ma̱ng a̱nzi̱t nyia̱; Kristi a̱tyu nang zi̱ fwuong a̱ni, na swan ba̱ng si̱ nat sang sangba̱p. Yihwa mbyia̱ nang a na nnyia̱ hu yet ta hwa á̱ ta̱ngam Nggwon A̱tyubishyi? A̱nyan wa yet Nggwon A̱tyubishyi a̱kya?”

Yoona 13:33

“Nyin mman nung, jen ji nang n na nshya̱ ma̱ng a̱nyin a̱ni, ji̱ bu la̱u shi hu bah. Nyi na chat nung, a̱wot ma̱nang n hyia̱ ma̱ng A̱yahudawa ba a̱ni; a̱vwuo ka nang n naat a̱ni, nyi si̱ mi̱n nat bah. Huhwa n chat n tak nyin.

Yoona 3:4

Nikodimut si̱ lyip Yesu nyia̱, “Ku na li ni wa á̱ mbyin a̱yin nang gu ka̱n kwop? Ka̱ doot gu bu nwuo ma̱ a̱fa a̱yang nggu ka, á̱ bu byin gu a̱ka̱feang a?”

Yoona 3:9

Nikodimut si̱ bu lyip Yesu nyia̱, “Ku na nyia̱ ni ku ndi a̱nia?”

Yoona 6:41

Huhwa a̱cha̱chet A̱yahudawa ba si̱ ta̱bat ya fwuang ma̱ng Yesu, mat nang gu nnyia̱, “Nung gwa ngyet kyayak hu neet Ma A̱gwaza tswazwa ka a̱ni.”

Yoona 6:52

A̱lyiat nani ku tyia̱ A̱yahudawa ma̱ a̱di̱di̱t si̱ fa̱k a̱lyia̱ ya. Ba̱ si̱ ta̱bat ya fwuang ma̱ng á̱ghyang mba nyia̱, “A̱tyu wuni na nyia̱ ni wa, a̱ nnwuak nzi̱t nam vam gu hu, zi̱ ya?”

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Yoona 7:34

Nyi bye chat nung. Da̱ nyin, nyi na li nung bah. Mat, a̱vwuo ka nang n shya̱ a̱ni, nyi si̱ mi̱n nat bah.”

Yoona 8:21

Yesu si̱ bu nyia̱ ma̱ng a̱mba a̱ni, “N na nkat, a̱wot nyi na chat nung. Ma̱ng a̱nia, nyi na kwi ma̱ a̱ka̱tuk nyia̱ nyin wu. A̱vwuo ka nang n na nat a̱ni, nyi si̱ mi̱n nat bah.”

1 A̱korontiyawa 2:14

A̱wot á̱niet ba̱ sang A̱za̱za̱rak Ntswa wu a̱ni, ba̱ si̱ mi̱n san a̱chuchuk wuni a̱ neet da̱ a̱vwuo A̱za̱za̱rak Ntswa A̱gwaza a̱ni bah. Mat da̱ a̱vwuo mba a̱chuchuk wu yet bwuon hwa. Da̱ mba, ba̱ si̱ mi̱n fi̱k gu bah. Mat ma̱ á̱niet ba̱ byia̱ A̱za̱za̱rak Ntswa wu a̱ni, bibya ni̱ fi̱k a̱chuchuk A̱gwaza wu nang A̱za̱za̱rak Ntswa wu ni̱ tyai a̱ni.