Yoona 7:35 - A̠lyiat A̠gwaza na di̠n Tyap: A̠li̠ka̠uli A̠fai

³⁵ A̱jawa a̱cha̱chet A̱yahudawa ba si̱ nyia̱ ma̱ng á̱ghyang mba a̱ni, “A̱ji wa nang gu nnaat da̱nang zi̱ si̱ mi̱n shya̱ nggu bah? Ke a̱ naat da̱ a̱vwuo A̱yahudawa ba̱ seang á̱ kai nnwap na̱ nwai yet A̱yahudawa ba a̱ni; gu ka tyiet mba wa kee? Shimba a̱ na tyiet A̱helenawa mameang!

Yoona 7:35 Iomraidhean Croise

Matyu 12:21

A̱wot mami a̱lyoot nggu kya, a̱mgba̱m nnwap na mi̱ bibyin swanta na mba̱ng fwuo.”

Luka 2:32

A̱ yet long sang ku na sai, ku tyai A̱gwaza kpa̱sai da̱ a̱vwuo Nnwap na̱ nwai yet A̱yahudawa a̱ni. A̱wot nggu wa bu na nwuak á̱niet Isi̱rela ba ba̱ yet á̱niet ang ba a̱ni shi.”

Yoona 12:20

Mami á̱niet ba̱ ku bai song A̱yet Ghwut Mman Isi̱rela mi̱ Khwo hu, a̱wot ba̱ bu kyuak ntong a̱zaghyi A̱gwaza a̱ni; A̱helenawa ku nshya̱.

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 8:22

Huhwa a̱cha̱chet A̱yahudawa ba si̱ lyip, nyia̱ “A̱ na hyat a̱pyia̱ nggu kya kee? Nang gu nnyia̱, ‘A̱vwuo ka nang n naat a̱ni, nyi si̱ mi̱n mak nat bah.’ ”

Nta̱m A̱yaata̱m 11:18

Nang á̱kum a̱yaata̱m ba nfa̱k a̱lyiat Bitut na a̱ni, ba̱ si̱ shim kyang nang gu lyiat a̱ni. Ba̱ si̱ nwuo dyep A̱gwaza. Ba̱ si̱ nyia̱, “Ka̱ doot zi̱ li nang A̱gwaza nnyia̱ Nnwap na̱ nwai yet A̱yahudawa a̱ni shok; ba̱ ghwon a̱ka̱tuk nyia̱ mba wu, a̱wot ba̱ shya̱ swuan sang sangba̱p ji mameang!”

Nta̱m A̱yaata̱m 11:20

A̱mgba̱m ma̱ng a̱nia, á̱niet khwi á̱ghyang ba̱ ku neet Kuburut ma̱ng Si̱ri̱n á̱ nat Antakiya a̱ni, si̱ nwuo shei A̱sham Nkhang Yesu ka da̱ a̱vwuo Nnwap na̱ nwai yet A̱yahudawa a̱ni mameang.

Nta̱m A̱yaata̱m 14:1

Jen nang Bulut ma̱ng Ba̱nabat nnat Ikoniya a̱ni, ba̱ si̱si̱ nwuo mi̱ tutu a̱tung A̱yahudawa hu ma̱nang ba̱ mmeang a̱ni. Ba̱ si̱ shei á̱lyiat A̱gwaza na ma̱ng chet. Ku si̱ tyia̱ A̱yahudawa ma̱ng Nnwap na̱ nwai yet A̱yahudawa a̱ni si̱ nwuak fwuo da̱ A̱tyoli Yesu!

Nta̱m A̱yaata̱m 17:4

A̱wot A̱yahudawa á̱ghyang ba̱ ku myiai a̱fufwuo á̱ fwuong Bulut ma̱ng Sila a̱ni, ba̱ si̱ shim mwang mba hu. Ba̱ si̱ khwi mbaa. Ma a̱nia wa A̱helenawa ma̱ a̱di̱di̱t ba̱ ku yet á̱niet khwi A̱gwaza a̱ni, ma̱ng a̱cha̱chet á̱nyiuk á̱ghyang, ba̱ si̱ mun á̱ shim á̱lyiat Bulut na ma̱ng Sila.

Nta̱m A̱yaata̱m 18:4

Kuzang a̱tuk Mam Fwung, Bulut ni̱ nat mi̱ tutu a̱tung A̱yahudawa hu. A̱ ni̱ si̱ kwan a̱ tyia̱ A̱yahudawa ma̱ng A̱helenawa ba ba̱ nwuak a̱chuchuk di̱ kyang nang gu lyiat a̱ni.

Nta̱m A̱yaata̱m 21:21

“A̱wot á̱ ka̱n tak ma̱ng A̱yahudawa ba̱ yet á̱niet khwi ba a̱ji mi̱ Urusha̱lima a̱ni, nyia̱ a tyiet a̱mgba̱m mba ba̱ swan dundung ma̱ng Nnwap na̱ nwai yet A̱yahudawa a̱ni, ba̱ yok khwi doka Musa ji bah. A̱wot ba̱ fa̱k nyia̱ a tyiet ba da̱ ba̱ yok tyei mman mba na mi̱ chen, ku ba̱ khwi taada A̱yahudawa jhyáng bah.

Nta̱m A̱yaata̱m 22:21

“A̱mgba̱m ma̱ng a̱nia, A̱gwaza si̱ nyia̱ ma̱ng a̱nung, ‘Nat, mat n na ta̱m ang ma̱ gbang da̱ a̱vwuo Nnwap na̱ nwai yet A̱yahudawa a̱ni!’ ”

A̱romawa 1:16

Mat n fwuong nsum shei A̱sham Nkhang Kristi ka bah. Kikya yet chet A̱gwaza hu ku nyia̱ ta̱m san á̱niet ma̱ a̱di̱di̱t ba̱ nwuak fwuo di̱ Kristi a̱ni; á̱ tsa shei nka hu da̱ a̱vwuo A̱yahudawa, a̱wot á̱ si̱ shei Nnwap na̱ nwai yet A̱yahudawa a̱ni meang.

A̱fisawa 3:8

Ku nang n tyak kyang ma̱ á̱niet khwi A̱gwaza ba a̱ni bah, nung gwa A̱gwaza si̱ khai a̱ si̱ nyia̱ nung shok jini, n ka shei A̱sham Nkhang ma̱ng Nnwap na̱ nwai yet A̱yahudawa a̱ni, nang ba̱ na nshya̱ zwá gba̱mgbam ji̱ nwai tyiai da̱ a̱vwuo Kristi a̱ni.

A̱kolosiyawa 1:27

Mat A̱gwaza tyai á̱niet nggu ba si̱sak nang gu mbyia̱ a̱tsatsak la̱p sak da̱nian a̱mgba̱m nnwap mi̱ bibyin swanta hu a̱ni. A̱wot a̱ tyai á̱niet nggu ba ba̱ lyen la̱p sak ku shya̱ di̱ niat a̱ni. Huhwa yet; tangka̱i zwá ma̱ng a̱kyenkyai shi nang Kristi byia̱ a̱ni, mun a̱ yet si̱ a̱mgba̱m nnwap mi̱ bibyin swanta hu hwa. A̱wot la̱p sak hu ku shya̱ di̱ niat a̱ni, huhwa hu; Kristi mun a̱pyia̱ ma̱ng a̱nyin Nnwap na̱ nwai yet A̱yahudawa a̱ni. A̱wot si̱ huni tyia̱ nyin, nyi tyia̱ fwuo nyi shya̱ a̱kwonu nyin ma̱ a̱kyenkyai shi nggu wu.

1 Timoti 2:7

Mat tak ta̱m jini kpa̱sai hwa, nang á̱ ku ntyia̱ nung n gyet a̱ta̱m Yesu ma̱ng a̱tyu shei A̱sham Nkhang wu. N si̱ bu ngyet a̱tyu tyiet nwuak a̱chuchuk ma̱ng a̱tsatsak da̱ a̱vwuo Nnwap na̱ nwai yet A̱yahudawa a̱ni. N shei a̱tsak a̱lyiat wa, la hwa nang n bwoi bah.

2 Timoti 1:11

A̱wot A̱gwaza wu khai nung, n gyet a̱ta̱m Yesu n shei A̱sham Nkhang kani, n bu tyiet kaa.

Yakubu 1:1

Nung Yakubu, n gyet a̱khwo A̱gwaza ma̱ng A̱tyoli Yesu Kristi a̱ni. N dyuut wusika jini nat ndyo da̱ a̱vwuo kwaí swak ma̱ a̱feang á̱niet Isi̱rela, ba̱ yet á̱niet khwi Yesu ba̱ seang á̱ kai swanta hu a̱ni.

1 Bitut 1:1

Nung Bitut, n gyet a̱ta̱m Yesu Kristi a̱ni, nung gwa n dyuut wusika jini, ji̱ nat da̱ a̱vwuo á̱niet khwi nang A̱gwaza khai ba̱ swan nang á̱nietchen a̱ni, mi̱ nfam bibyin Funtut, Ga̱la̱tiya, Ka̱fa̱dokiya, A̱siya, ma̱ng Bitiniya.