Yoona 7:32 - A̠lyiat A̠gwaza na di̠n Tyap: A̠li̠ka̠uli A̠fai

³² Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 7:32 Iomraidhean Croise

Matyu 12:14

A̱wot A̱fa̱risawa ba si̱ yorong a̱tung, ba̱ si̱ la̱p si̱sak nang ba̱ na nhyat Yesu a̱ni.

Matyu 23:13

“Ku swan nyin, á̱niet tyiet doka ma̱ng A̱fa̱risawa. Nyin á̱bubuk á̱niet! Mat nyi ni̱ nyim nyinyiit nwuo Tyok Ma A̱gwaza tswazwa hu. Nyi tyia̱ á̱niet ba̱ na nwuo a̱ni nta. Nyin ma̱ á̱pyia̱ nyin, nyi ni̱ nwuo bah. A̱wot nyin meang, nyi ni̱ vwuong á̱ghyang á̱niet ba̱ nwuo mami.

Matyu 26:58

A̱wot nang Bitut ni̱ khwi Yesu ti̱taa, a̱ si̱ ntat didyaat gaat a̱gba̱ndang pris hu. A̱ si̱ nwuo a̱ swan ma̱ng á̱niet chok a̱vwuo ba, da̱nian a̱ ka li si̱sak ji á̱ na ntyak ma̱ng Yesu a̱ni.

Yoona 11:46

A̱wot á̱ghyang si̱ nat da̱ a̱vwuo A̱fa̱risawa. Ba̱ si̱ hyia̱ ma̱ng a̱mba kyang hu nang Yesu nyia̱ a̱ni.

Yoona 12:19

A̱jawa A̱fa̱risawa ba si̱ lyiat ma̱ng á̱ghyang mba nyia̱, “Nyi nwuan nyi lii, zi̱ si̱ mi̱n mak swuo chet a̱tyu wuni bah! A̱ swak chet zi̱t ba̱t. Nyi li si̱sak nang swanta hu ntyong a̱ khwi nggu a̱ni!”

Yoona 18:3

Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Yoona 7:30

Huhwa, ba̱ si̱ chat ba̱ ta̱bat gu. A̱wot a̱yin si̱ sak gu bwak bah. Mat jen a̱khwu nggu ji ka̱n nyia̱ bah.

Nta̱m A̱yaata̱m 5:26

A̱kwak a̱son á̱niet chok A̱li Nwuat Za̱nang A̱gwaza wu si̱ doot ma̱ng á̱niet nggu ba. Ba̱ si̱ nat, ba̱ si̱si̱ ya̱baat a̱yaata̱m Yesu ba. A̱wot ba̱ ku si̱ nyia̱ jhya̱ bah. Mat, ba̱ ku fwuong a̱wun kalak á̱niet ba ba̱ du mang mba ma̱ng nfang.