Yoona 7:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Huhwa, ba̱ si̱ chat ba̱ ta̱bat gu. A̱wot a̱yin si̱ sak gu bwak bah. Mat jen a̱khwu nggu ji ka̱n nyia̱ bah.

Yoona 7:30 Iomraidhean Croise

Matyu 12:14

A̱wot A̱fa̱risawa ba si̱ yorong a̱tung, ba̱ si̱ la̱p si̱sak nang ba̱ na nhyat Yesu a̱ni.

Matyu 21:46

Ba̱ si̱ chat ba̱ ta̱bat guu. A̱wot ba̱ si̱ fa̱k a̱wun susot á̱kpa á̱niet ji. Mat á̱niet ba ku kyiak Yesu, a̱ yet a̱tsak a̱ta̱m a̱kwonu A̱gwaza wa.

Ma̱rkut 11:18

A̱cha̱chet a̱yaapris ma̱ng á̱niet tyiet doka ba si̱ fa̱k a̱lyiat nggu na. Ba̱ si̱ nwuo chat a̱wat nang ba̱ na nhyat gu a̱ni. A̱wot ba̱ si̱ fwuong a̱wun gu. Mat a̱mgba̱m á̱niet ba fwuong a̱ga̱de ma̱ng tyiet gu hu.

Luka 20:19

Á̱niet tyiet doka A̱gwaza ma̱ng a̱cha̱chet a̱yaapris ba, si̱ kin chat vak nang ba̱ na nta̱bat Yesu a̱ni. A̱wot ba̱ si̱ fa̱k a̱wun á̱niet ka. Mat ba̱ ku fi̱k nang bibya Yesu nfa; ba̱ yet á̱ka̱tuk á̱niet khap ba mi̱ kidee jini.

Luka 22:53

Kuzang a̱tuk n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka. Da̱ nyin, nyi ta̱bat nung mi̱ jen a̱ja bah. A̱wot jen jini yet si̱ nyin ja. Jen jini ja nang a̱ka̱tuk ndyin nnyia̱ tyok mi̱ swanta hu.”

Yoona 10:31

Huhwa A̱yahudawa ba si̱ bu kyiak nfang nang ba̱ na mmang nggu a̱ni.

Yoona 10:39

A̱wot ba̱ si̱ bu chat ta̱bat Yesu, a̱ si̱ bu ghyuai a̱ ghwut.

Yoona 11:57

Mat nang a̱gba̱ndang pris wu ma̱ng A̱fa̱risawa ba ku mi̱ nnwuak doka nyia̱; konyan wa lyen a̱vwuo ka nang Yesu nshya̱ a̱ni, gu bai a̱ hyia̱, da̱nian ba̱ ka ta̱bat guu.

Yoona 7:19

“Musa wa ku nwuak nyin doka A̱gwaza ji baa? A̱mgba̱m ma̱ng a̱nia, á̱ mbyia̱ a̱tyo nyiung ma̱ nyin a̱ khwi doka A̱gwaza ji a̱ni bah. Yihwa mbyia̱ nyi nchat nyi hyat nung?”

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 7:6

Yesu si̱ nyia̱ ma̱ng á̱na̱nyiuk nggu ba a̱ni, “Jen nung ji ka̱n nyia̱ bah. A̱wot nyin, kuzang jen yet si̱ nyin ja.

Yoona 7:8

Nyin, nyi nat a̱yet wu. Nung, n na nat a̱yet wu bah, mat jen nung ji ka̱n nyia̱ bah.”

Yoona 8:20

Yesu ku lyiat a̱lyiat nani di̱n jen tyiet nggu ji mi̱ didyaat A̱li Nwuat Za̱nang A̱gwaza, nang gu shya̱ kpa̱mkpaan ma̱ng a̱vwuo khwot kurum ka. A̱mgba̱m ma̱ng a̱nia, á̱ ku mbyia̱ a̱tyu a̱ na ta̱bat gu a̱ni bah; mat nang jen nta̱bat gu ji ka̱n nyia̱ bah.

Yoona 8:37

“N dyen nang nyi ngyet kwai Ibrahim ja. A̱mgba̱m ma̱ng a̱nia, nyi kwan nyi hyat nung. Mat a̱lyiat nung na shya̱ mi̱ fwuo nyin na bah.

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.

Yoona 9:4

“Ku yet ta hwa zi̱ nyia̱ ta̱m a̱tyu a̱ ta̱m nung a̱ni, neet nang mam ni̱ sai. A̱tyetuk na khwat, da̱nang a̱yin si̱ mi̱n nyia̱ ta̱m a̱ni bah.