Yoona 7:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ Nang Yesu ku ntyiet mi̱ didyaat A̱li Nwuat Za̱nang A̱gwaza hu a̱ni, a̱ si̱ lyiat ma̱ng a̱gba̱ndang a̱nwuat nyia̱, “Nyin, nyi lyen nung shansham ma̱ng a̱vwuo ka nang n neet a̱ni a? Nung, n bai da̱nian a̱pyia̱ nung bah. A̱tyu a̱ ta̱m nung a̱ni; nggu wa byia̱ a̱chuchuk wu. Da̱ nyin, nyi lyen gu bah.

Yoona 7:28 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 2:23

Nang gu nnwuo Ga̱lili a̱ni, a̱ si̱ swan ma̱ a̱keang Na̱za̱ra̱t. Ku si̱ nat cha̱chaat ma̱ng kyang hu nang a̱yaata̱m a̱kwonu A̱gwaza ba ku tak á̱zanson gbangbang a̱ni nyia̱, “Á̱ na ngyei nggu A̱tyu Na̱za̱ra̱t.”

Matyu 26:55

A̱jawa Yesu si̱ nyia̱ ma̱ng á̱kpa á̱niet ka, “Nyi ghwut ma̱ng tswát ma̱ng shán, nyi si̱ bai ta̱bat nung, a ngyei n gyet a̱tyu a̱ kwak a̱son á̱niet a̱tsaai a̱ni a? Kuzang mam n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka, da̱ nyin nyi ta̱bat nung bah.

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Luka 2:39

Jen nang Isuu ma̱ng Ma̱ryamu ntyak khwi kuzang kyang ma̱nang doka A̱gwaza ji̱ nhyia̱ a̱ni; ba̱ si̱ bwuok á̱ nat a̱mali ma̱ a̱keang Na̱za̱ra̱t, mi̱ fam a̱byin Ga̱lili hu.

Luka 2:4

Huhwa Isuu si̱ doot ma̱ a̱keang Na̱za̱ra̱t, mi̱ fam a̱byin Ga̱lili. A̱ si̱ nat Ba̱italami a̱keang Da̱wuda mi̱ fam a̱byin Yahudiya, mat a̱ ku neet mi̱ kwai a̱gwam Da̱wuda ja.

Luka 2:51

A̱ si̱ bwuok dundung ma̱ng mba á̱ nat Na̱za̱ra̱t. A̱wot a̱ si̱ khwi a̱lyiat mba na. A̱yang nggu wu si̱ sak a̱mgba̱m kyang nani mi̱ fwuo, a̱ si̱ nyia̱ a̱di̱dam tazwa na.

Yoona 1:46

Nataniyel si̱ nyia̱ ma̱ng a̱nggu, “Ka̱ doot a̱tsatsak kyang a̱ ghwut mi̱ Na̱za̱ra̱t a?!” A̱jawa Filibut si̱ nyia̱ ma̱ng a̱nggu a̱ni, “Bai, a lii!”

Yoona 10:36

to, ka̱ nung nang A̱tyia̱ wu ja̱u, a̱wot a̱ si̱ bu ta̱m ndyo mi̱ swanta hu a̱ni, lihyat hwa nang n dyiat A̱gwaza wu ndyo nang n nyia̱, ‘N gyet Nggwon A̱gwaza kya’ a̱ni a?

Yoona 12:49

“Nkyang nang n tyiet a̱ni, na̱ neet da̱ a̱vwuo nung kya bah. A̱tyia̱ nung wu wa a̱ ta̱m nung a̱ni; nggu wa tak nung a̱lyiat nang n dyiat a̱ni.

Yoona 14:10

A nwuak a̱chuchuk nyia̱ n shya̱ mami A̱tyia̱ nung wu, A̱tyia̱ nung wu mameang, si̱ shya̱ mami nung baa? A̱lyiat nang n ndyiat ma̱ng a̱nyin a̱ni, n ndyiat naa mi̱ tyok a̱pyia̱ nung hwa bah. A̱tyia̱ nung wa a̱ swan mami nung ka a̱ni; nggu wa ma̱ a̱pyia̱ nggu nyia̱ nta̱m gu.

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 3:33

Konyan wa san a̱lyiat nang gu tak kpa̱sai a̱ni, a̱ si̱ nwuak a̱chuchuk; a̱ tak, nang A̱gwaza ngyet a̱tyu a̱tsatsak a̱lyiat wa.

Yoona 5:32

A̱wot, a̱tyu a̱ shei kpa̱sai a̱lyiat a̱kwonu nung a̱ni, nshya̱. A̱wot n dyen kyang nang gu tak kpa̱sai tazwa nung a̱ni, a̱tsatsak a̱lyiat wa za̱m.

Yoona 5:43

Nung, n bai da̱ a̱lyoot A̱tyia̱ nung kya. Da̱ nyin, nyi san nung bah. A̱wot ka̱ a̱ghyang a̱niet bai da̱ a̱lyoot a̱pyia̱ nggu, nyi na san gu mbwak nfeang.

Yoona 6:42

Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Yoona 7:14

A̱wot ma̱ a̱ka̱wa̱tyia̱ song a̱yet wu, Yesu si̱ nwuo mami didyaat A̱li Nwuat Za̱nang A̱gwaza ka, a̱ si̱ ta̱bat tyiet á̱niet ba a̱ja.

Yoona 8:14

Yesu si̱ nyia̱, “Ka̱ n tak a̱chuchuk kpa̱sai tazwa a̱pyia̱ nung, kyang hu nang n tak a̱ni, a̱tsatsak a̱lyiat wa. Mat, n dyen a̱vwuo ka nang n neet a̱ni, ma̱ng a̱vwuo ka nang n na mbwuok n nat a̱ni. A̱wot nyin, nyi lyen a̱vwuo ka nang n neet a̱ni bah. Da̱ nyin, nyi lyen a̱vwuo ka nang n na mbwuok n nat a̱ni bah.

Yoona 8:16

A̱mgba̱m ma̱ng a̱nia, ka̱ n si̱ mi̱n nyia̱ shi̱ri̱ya, shi̱ri̱ya nung ji yet a̱tsotswat wa. Mat nung gwa ma̱nyin nung bah; nung gwa mbeang A̱tyia̱ nung wu a̱ ta̱m nung a̱ni, a̱ shya̱ dundung ma̱ng a̱nung.

Yoona 8:19

Ba̱ si̱ lyip Yesu, nyia̱ “A̱tyia̱ ang wu shya̱ a̱ji wa?” Yesu si̱ nwuak ba shim nyia̱, “Mat nang nyi ndyen nung a̱ni bah, huhwa mbyia̱ nang nyi ndyen A̱tyia̱ nung wu bah. Ka̱ nyi wa lyen nung, si̱ nyi lyen A̱tyia̱ nung wu mameang.”

Yoona 8:26

Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Yoona 9:29

Zi̱ lyen nang A̱gwaza ku ndyiat ma̱ng Musa! A̱wot a̱tyu wuni, zi̱ lyen a̱vwuo ka nang gu neet a̱ni bah!”

Nta̱m A̱yaata̱m 17:23

“Mat a̱nia, nang n chong kat a̱keang nyin ka a̱ni, n si̱ ndi nkyang nang nyi nkwok ntong a̱ni. A̱wot n si̱ ndi a̱tyii nang á̱ khap á̱ sak a̱gwaza da̱nang á̱ lyen a̱ni bah. A̱gwaza wuni nang nyi kwok gu ntong na, di̱ mi̱ lyen nggu a̱ni. Nggu wa nang n bai n shei ma̱ng a̱nyin, nyi lyen nggu!

A̱romawa 1:28

A̱wot ku nang ba̱ ndam, nyia̱ ku yet bwuon hwa ba̱ san A̱gwaza mi̱ nfwuo mba na a̱ni, A̱gwaza si̱ ghwon mba ba̱ ya a̱son ma̱ng nyia̱ kuzang tangka̱i a̱shi̱shi̱k nkyang nsum á̱ nchi̱ri̱ng, da̱ na̱ myim ba̱ nyia̱ a̱ni bah.

A̱romawa 3:4

Kaai, ku ma̱ chunchwiit! Ku nang konyan ngyet a̱tyu a̱ka̱laa wa a̱ni, A̱gwaza yet a̱tyu a̱tsatsak a̱lyiat wa. Ma̱nang á̱ ndyuut tazwa A̱gwaza ma̱ A̱lyiat nggu na a̱ni, nyia̱, “Kuzang jen nang a ndyiat, konyan na fa̱k nang a ndyiat a̱tsatsak a̱lyiat wa za̱m. A̱wot a na swuo chet a̱tyu lak li ang wu mi̱ tutu shi̱ri̱ya.”

2 A̱korontiyawa 1:18

Ma̱nang A̱gwaza ngyet a̱tsotswat za̱m a̱ni, ma a̱nia wa a̱lyiat nang zi̱ shei nyin a̱ni, na̱ shai na̱ yet, “Ii,” ma̱ng “Kaai,” bah.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

Titut 1:2

A̱chuchuk wuni tyia̱ mba ba̱ gbang a̱lyia̱, ba̱ si̱ tyia̱ fwuo nang ba̱ na nshya̱ swuan sang sangba̱p a̱ni. A̱gwaza, a̱ nwai bwoi a̱ka̱laa a̱ni, la̱p a̱ sak ma̱ng a̱nzi̱t tazwa swuan kani neet di̱n jen ntsa.

Ibriniyawa 6:18

A̱gwaza ka̱n dyiat tazwa nkyang nfeang nani; ni̱nia yet a̱li̱ka̱uli ma̱ng shyishyi nggu ji. Na̱ si̱ mi̱n shyak bah, mat ku si̱ mi̱n tyia̱ A̱gwaza a̱ bwuo la bah. A̱ nyia̱ a̱li̱ka̱uli ma̱ng shyishyi, da̱nian a̱ ka tyia̱ nzi̱t gba̱gbak zi̱ ntyia̱ fwuo ba̱t ma̱ng gbang a̱lyia̱ di̱ san ku shya̱ á̱zanson nzi̱t a̱ni, nzi̱t á̱niet zi̱ tyong naat da̱ a̱vwuo A̱gwaza di̱ chat a̱vwuo ta̱kup a̱ni.

1 Yoona 5:10

Konyan wa nwuak fwuo di̱ Nggwon A̱gwaza ka, a̱ lyen mi̱ fwuo nggu hu nang sheda huni ngyet a̱chuchuk wa. Ma a̱nia wa, konyan wa da̱ a̱ nwuak fwuo da̱ A̱gwaza bah, ku fa, a̱ tyia̱ A̱gwaza a̱tyu bwoi a̱ka̱laa. Mat nang gu nwai nwuak a̱chuchuk da̱ a̱lyiat nang A̱gwaza tak tazwa Nggwon nggu ka a̱ni.