Yoona 7:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ “Ka̱ a̱tyu wuni wa, zi̱ lyen a̱vwuo nang gu nneet a̱ni. A̱wot ka̱ Kristi wu ba̱ bai, á̱ byia̱ a̱tyu a̱ bye lyen a̱vwuo ka nang gu nneet a̱ni bah!”

Yoona 7:27 Iomraidhean Croise

Ma̱rkut 6:3

A̱tyu wuni wa yet a̱tyu shap nkyang wu baa? Nggu wa yet nggwon Ma̱ryamu, a̱ bu yet a̱na̱nyiuk Yakubu, Yosi, Yahuda, ma̱ng Siman baa? Á̱na̱nyiuk á̱nap gu bibya shya̱ a̱ji ma̱ng a̱nzi̱t baa?” A̱wot ba̱ si̱ lak fa̱k gu hu.

Luka 4:22

A̱mgba̱m á̱niet ba si̱ chyin guu. A̱wot ba̱ si̱ fa̱k a̱ga̱de nang gu ntak a̱lyiat nggu na tí̱tak a̱ni. Ba̱ si̱ lyip nyia̱, “Ku na nyia̱ ni ku ndi a̱nia? A̱tyu wuni wa yet nggwon Isuu ka baa?”

Yoona 6:42

Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Yoona 7:15

A̱cha̱chet A̱yahudawa ba si̱ fa̱k a̱ga̱de di̱ tyiet gu hu ba̱t. Huhwa ba̱ si̱ nyia̱, “Ku lili huni wa, nang a̱tyu wuni ndyen fang ta̱ka̱da hu a̱nia? Da̱ nggu, a̱ ka̱n mak nat a̱ si̱ tyiet gu fang ma̱ng lyuut baa?”

Yoona 9:29

Zi̱ lyen nang A̱gwaza ku ndyiat ma̱ng Musa! A̱wot a̱tyu wuni, zi̱ lyen a̱vwuo ka nang gu neet a̱ni bah!”

Nta̱m A̱yaata̱m 8:33

Á̱ ku nyia̱ nggu lihyat. A̱wot á̱ si̱ lak tyia̱ nggu tsotswat. A̱nyan wa si̱ mi̱n nwuak nkhang a̱yaatyia̱ a̱khwop nggu na? Mat á̱ ku kyiak swuan nggu ji mi̱ swanta hu.”