Yoona 7:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ Di, nggu wa yong a̱ji! A̱ yong kpa̱sai a̱ lyiat. Da̱ mba, ba̱ nyia̱ nggu kyang bah. Ke a̱cha̱chet A̱yahudawa ba shim nang nggu wa ngyet Kristi wu la?

Yoona 7:26 Iomraidhean Croise

Matyu 22:16

Huhwa ba̱ si̱ ta̱m ma̱ng mman ta̱m mba na ma̱ng sot á̱ghyang á̱niet ba̱ li̱n a̱ma a̱gwam Hiridut a̱ni, ba̱ si̱ shya̱ Yesu. Ba̱ si̱ nyia̱ ma̱ng a̱nggu, “A̱tyu tyiet, zi̱ lyen a yet a̱tsotswat a̱yin wa. A tyiet a̱lyiat A̱gwaza na mami a̱chuchuk. A bu byia̱ a̱ka̱ta ma̱ng a̱yin bah. Da̱ nwan, a khai á̱niet da̱ á̱ghyi bah.

Luka 23:13

A̱jawa gwomna Bilatut si̱ yei a̱cha̱chet a̱yaapris, a̱yaagwak tyiet doka ma̱ng á̱kpa á̱niet ka, ba̱ si̱ bai da̱ a̱vwuo nggu.

Luka 7:30

A̱wot A̱fa̱risawa ma̱ng a̱yaagwak lyen doka A̱gwaza ba si̱ lak kyang nang A̱gwaza la̱p a̱ sak a̱ni. Mat ba̱ ku lak san ba̱ptisman Yoona ji.

Yoona 12:42

A̱mgba̱m ma̱ng a̱nia, á̱niet ma̱ a̱di̱di̱t si̱ mun nwuak fwuo di̱ Yesu. Mbeang a̱cha̱chet a̱yaakwak a̱son mba ba, ba̱ ku mun a̱ nwuak fwuo di̱ Yesu. A̱wot mat si̱sak nang ba̱ ku nfwuong a̱wun A̱fa̱risawa ba a̱ni; ba̱ ku ghwut kpa̱sai ba̱ si̱ tak nang ba̱ nnwuak fwuo bah; nyia̱ kalak á̱ vwuong mba á̱ ghwut ndyo ma̱ á̱tutu a̱tung A̱yahudawa ba.

Yoona 18:20

Yesu si̱ nyia̱, “N ku ndyiat kpa̱sai a̱zaghyi konyan. N si̱ bu ngyong mi̱ di̱ tyiet á̱niet ba ma̱ á̱tutu a̱tung, ma̱ng A̱li Nwuat Za̱nang A̱gwaza, nang a̱mgba̱m A̱yahudawa ba ni̱ ntung a̱ni. N ka̱n mak lyiat kyang da̱ bang bah.

Yoona 3:1

A̱ghyang a̱niet ku nshya̱, á̱ si̱ ngyei gu Nikodimut. A̱ ku yet a̱kwak a̱son A̱yahudawa. A̱ si̱ bu shya̱ mi̱ sot á̱niet, ba̱ ku yet A̱fa̱risawa ba a̱ni.

Yoona 4:29

“Nyi bai nyi li a̱tyu a̱ tyai nung a̱mgba̱m kyang nang n ka̱n nyia̱ a̱ni! Ke nggu wa yet Kristi wu la?!”

Yoona 7:25

Á̱ghyang á̱niet ba̱ neet mi̱ Urusha̱lima a̱ni, ba̱ si̱ nyia̱, “A̱tyu wuni wa nang ba̱ chat hyat hu baa?

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 7:48

Á̱ mbyia̱ a̱yin mami a̱cha̱chet a̱yaapris mbeang A̱fa̱risawa ba á̱ ka̱n nwuak fwuo da̱ nggu a̱ni a?

Yoona 9:22

Á̱niet mbyin a̱tyu a̱ ku byia̱ a̱fi̱fan ba a̱ni si̱ hyia̱ a̱lyiat nani, mat ba̱ ku fa̱k a̱wun a̱cha̱chet a̱yaakwak a̱son A̱yahudawa ba. Mat ba̱ ku la̱p á̱ sak nyia̱ ka̱ ba̱ shya̱ a̱yin a̱ si̱ shim nyia̱ Yesu wa yet Kristi, a̱tyu nang A̱gwaza kup gu tyok a̱ni; nang ba̱ fwuong a̱ni, á̱ na ti̱n nggu á̱ ghwut ndyo mami tutu a̱tung A̱yahudawa ka.

Nta̱m A̱yaata̱m 4:13

Nang a̱cha̱chet á̱niet a̱tung ba ndi gbang a̱lyia̱ Bitut ma̱ng Yoona a̱ni, ba̱ si̱ fa̱k a̱ga̱de! Mat ba̱ ku fi̱k nang a̱yaata̱m ba ngyet a̱ka̱wa̱i á̱niet bya, ba̱ bu sang a̱tsatsak tyiet a̱ni. Ba̱ si̱ bu fi̱k nang ba̱ ngyet á̱niet bya ba̱ ka̱n swan dundung ma̱ng Yesu a̱ni.

A̱filibiyawa 1:14

A̱wot nang á̱ nnyim nung mi̱ jaru ji a̱ni, ku tyia̱ á̱niet khwi A̱tyoli Kristi ma̱ a̱di̱di̱t a̱ji si̱ mbeang gbang a̱lyia̱ hu. Ba̱ si̱ shei a̱lyiat A̱gwaza na ma̱ sa̱t, di̱ mi̱n fa̱k a̱wun.