Yoona 7:23 - A̠lyiat A̠gwaza na di̠n Tyap: A̠li̠ka̠uli A̠fai

²³ Ka̱ á̱ ni̱ sak nggwon a̱sam mi̱ chen a̱tuk Mam Fwung ka kalak á̱ du tyat doka Musa ji; ka̱ doot nyi mwai lyen ma̱ng a̱nung da̱ziya nang n choot a̱yin a̱tuk Mam Fwung ka a?

Yoona 7:23 Iomraidhean Croise

Matyu 12:10

A̱ si̱ kin di a̱tyok a̱ghyang a̱ja nang bwak nggu hu khwu a̱ni. A̱fa̱risawa ba si̱ lyip Yesu nyia̱, “Doka ji shim á̱ nyia̱ ta̱m choot a̱yin a̱tuk Mam Fwung kaa?” (Ba̱ ku fa nyia̱ Yesu na shim, da̱nian ba̱ ka shya̱ ta̱fwat nang ba̱ na mbat gu a̱hyiak a̱ni).

Matyu 12:2

Nang A̱fa̱risawa á̱ghyang ndi a̱nia a̱ni, ba̱ si̱ nyia̱, “Di! Mman ta̱m ang na tyat doka ji, di̱ nyia̱ ta̱m chak swaat a̱tuk Mam Fwung ka!”

Matyu 12:5

“Ma a̱nia wa, nyi ka̱n fang mami doka Musa ji meang, nyia̱ a̱yaapris ba̱ byia̱ ta̱m mami A̱li Nwuat Za̱nang A̱gwaza ka a̱ni, ni̱ nyia̱ ta̱m a̱tuk Mam Fwung ka di̱ mi̱n tyat doka ji baa?

Yoona 5:10

Huhwa ku mbyia̱ a̱cha̱chet A̱yahudawa ba, si̱ nyia̱ ma̱ng a̱tyu nzwan wu nang á̱ choot a̱ni, “Mam huni yet a̱tuk Mam Fwung kya; hu myim di̱ khwi doka nzi̱t ji a kyiak a̱kpang ang wu a̱fwun bah!”

Yoona 7:21

Yesu si̱ nyia̱, “N nyia̱ kyang a̱ga̱de nyiung hwa ma̱nyin hu. A̱wot a̱mgba̱m nyin, nyi ku fa̱k a̱ga̱de.

Yoona 9:16

Huhwa A̱fa̱risawa á̱ghyang si̱ nyia̱, “A̱tyu wuni neet da̱ a̱vwuo A̱gwaza bah. Mat a̱ nyia̱ ta̱m a̱ si̱ tyat doka a̱tuk Mam Fwung ji!” Á̱ghyang á̱niet mameang, ba̱ si̱ nyia̱, “Á̱ na nyia̱ ni wa a̱tyu a̱ka̱tuk nyia̱ gu nnyia̱ ntangka̱i a̱cha̱chet nkyang a̱ga̱de nani?” Huhwa ba̱ si̱ ta̱bat ya fwuang ma̱ng á̱ghyang mba.