Yoona 7:22 - A̠lyiat A̠gwaza na di̠n Tyap: A̠li̠ka̠uli A̠fai

²² Musa ku nwuak nyin doka nyi saai mman a̱sam nyin na mi̱ chen. (A̱wot Musa wa ma̱ a̱pyia̱ gu ku tsa si̱ a̱hwa bah; a̱yaatyia̱ a̱khwop nyin bibya ku tsa hu.) Nyi ni̱ sak nggwon a̱sam ka mi̱ nchen hu a̱tuk Mam Fwung kya.

Yoona 7:22 Iomraidhean Croise

Nta̱m A̱yaata̱m 7:8

“Di̱n jen a̱ja, A̱gwaza si̱ bu la̱p a̱li̱ka̱uli tyei mi̱ nchen ma̱ng Ibrahim. Mat a̱nia, jen nang Ibrahim ku mbyin Ishaku a̱ni, a̱ si̱ tyia̱ nggu mi̱ nchen a̱tuk mam a̱ni̱nai. A̱wot á̱ si̱ ya a̱son ma̱ng tyei mi̱ chen hu. Jen nang Ishaku ku mbyin Yakubu a̱ni, a̱ si̱ tyia̱ nggu mi̱ nchen. Ma a̱nia wa, Yakubu si̱ ma ntyei a̱yaatyia̱ a̱khwop swak ma̱ a̱feang Isi̱rela ba mi̱ nchen hu.

A̱ga̱la̱tiyawa 3:17

Kyang hu nang n fa a̱ji a̱ni, huhwa yet: Doka ji si̱ mi̱n shyak ku ji̱ seang la̱p a̱li̱ka̱uli nang A̱gwaza ku nyia̱ ma̱ng Ibrahim mi̱ ndyia̱ chyi nyaai ma̱ng swak ntat (430) neet nang á̱ ka̱n nwuak Musa doka ji a̱ni bah. Ka̱ A̱gwaza wa nyia̱ a̱nia, si̱ a̱ tyat a̱li̱ka̱uli nang gu nyia̱ ma̱ng Ibrahim a̱ni.