Yoona 7:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Á̱kpa á̱niet ka si̱ nwuak gu shim nyia̱, “A byia̱ a̱ka̱tuk ntswa! A̱nyan wa chat hyat ang hu?”

Yoona 7:20 Iomraidhean Croise

Matyu 10:25

Nggwon ta̱m myim ka̱ tai a̱tyu tyiet nka wu. Ma a̱nia wa, a̱khwo wu meang, a̱ myim a̱ tai a̱tyoli nggu wu. A̱wot ka̱ nung, a̱tyoli nyin wu, á̱ yei nung ‘A̱gwam á̱ka̱tuk ntswá,’ ma a̱nia wa nyin, nyi yet kyang bwak nung hu a̱ni, á̱ na tyei nyin á̱ka̱tuk lyulyoot ku swak a̱nia a̱ni za̱m!

Matyu 12:24

Nang A̱fa̱risawa ba nfa̱k a̱nia a̱ni, ba̱ si̱ nyia̱, “A̱tyu wuni doot a̱ khai á̱ka̱tuk ntswá ba̱ ghwut ma̱ á̱niet. Kyang a̱ri̱bi̱di hwa bah, mat a̱ shyat chet khai á̱ka̱tuk ntswá ba̱ ghwut ma̱ á̱niet ba da̱ a̱vwuo Baalza̱but, a̱gwam á̱ka̱tuk ntswá wu wa!”

Matyu 9:34

A̱wot A̱fa̱risawa ba si̱ nyia̱, “Ma̱ng chet a̱gwam á̱ka̱tuk ntswá hwa nang gu nkhai á̱ka̱tuk ntswá ba, ba̱ ghwut ma̱ á̱niet.”

Ma̱rkut 3:30

Yesu ku hyia̱ ma̱ mba a̱lyiat nani, mat nang ba̱ jhyuai gu nyia̱, “Yesu byia̱ a̱ka̱tuk ntswa wa!”

Yoona 10:20

Á̱ghyang mba si̱ nyia̱, “A̱tyu a̱wa byia̱ a̱ka̱tuk ntswa! A̱ tyong jhyiip wa! Yihwa mbyia̱ nang nyi myiai a̱fufwuo fwuong kyang hu gu lyiat a̱ni?”

Yoona 8:48

A̱cha̱chet A̱yahudawa ba si̱ nyia̱. “Zi̱ ku bwuo la nang zi̱ ku nhyia̱ ma̱ng a̱nwan nyia̱ a yet a̱tyu Sa̱mariya, a̱wot a si̱ byia̱ a̱ka̱tuk ntswa a̱ni a?”

Yoona 8:49

Yesu si̱ nyia̱, “Nung, n byia̱ a̱ka̱tuk ntswa bah! N nwuat A̱tyia̱ nung wu shi. A̱wot nyin, nyi jhyuai nung.

Yoona 8:52

Huhwa a̱cha̱chet A̱yahudawa ba si̱ nyia̱ ma̱ng Yesu a̱ni, “Di̱ yong huni, zi̱ lyen chi̱k nang a mbyia̱ a̱ka̱tuk ntswa! Mat Ibrahim ku khwu, ma a̱nia wa a̱yaata̱m a̱kwonu A̱gwaza á̱ghyang. A̱mgba̱m ma̱ng a̱nia, a nyia̱, ‘Konyan wa khwi a̱lyiat nung na, a̱ si̱ mi̱n khwu bah. A̱ na shya̱ swuan sang sangba̱p.’

Nta̱m A̱yaata̱m 26:24

Mi̱ di̱ yong a̱hwa, gwomna Festut si̱ kam Bulut nyia̱, “Bulut, a tyong jhyiip! A̱di̱di̱t fang ta̱ka̱da ang wu tyia̱ ang tyong jhyiip!”