Yoona 7:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ “Musa wa ku nwuak nyin doka A̱gwaza ji baa? A̱mgba̱m ma̱ng a̱nia, á̱ mbyia̱ a̱tyo nyiung ma̱ nyin a̱ khwi doka A̱gwaza ji a̱ni bah. Yihwa mbyia̱ nyi nchat nyi hyat nung?”

Yoona 7:19 Iomraidhean Croise

Matyu 12:14

A̱wot A̱fa̱risawa ba si̱ yorong a̱tung, ba̱ si̱ la̱p si̱sak nang ba̱ na nhyat Yesu a̱ni.

Matyu 21:38

“A̱wot nang á̱niet khap ba ndi nggwon a̱tyu byia̱ a̱byin ka chobai a̱ni, ba̱ si̱ nyia̱ ma̱ng á̱ghyang mba, ‘Di, nggwon ka̱ na ya gado a̱byin hu a̱ni kya chobai! Nyi bai zi̱ hyat ka! A̱wot zi̱ san a̱byin ka, ka̱ yet a̱si̱ nzi̱t!’

Ma̱rkut 11:18

A̱cha̱chet a̱yaapris ma̱ng á̱niet tyiet doka ba si̱ fa̱k a̱lyiat nggu na. Ba̱ si̱ nwuo chat a̱wat nang ba̱ na nhyat gu a̱ni. A̱wot ba̱ si̱ fwuong a̱wun gu. Mat a̱mgba̱m á̱niet ba fwuong a̱ga̱de ma̱ng tyiet gu hu.

Ma̱rkut 3:4

Yesu si̱ lyip ba nyia̱, “Yihwa doka ji shim á̱ nyia̱ a̱tuk Mam Fwung ka? Ji̱ shim á̱ nyia̱ shok ja, kee a̱ka̱tuk? Ku myim á̱ san swuan ja, kee á̱ hyat ji wa?” A̱wot á̱niet ba si̱ tyia̱ nywang.

Ma̱rkut 3:6

Nang A̱fa̱risawa ba ndi a̱nia a̱ni, ba̱ si̱ ghwut á̱ nat ma a̱nggang á̱ si̱ myim ma̱ng sot á̱niet, ba̱ li̱n a̱ma a̱gwam Hiridut a̱ni. Ba̱ si̱ la̱p a̱nu di̱ si̱sak ji ba̱ na nhyat Yesu a̱ni.

Yoona 1:17

Mat A̱gwaza ku nwuak Musa wa doka nggu ji. A̱wot shok ji ma̱ng gba̱mgbam tsotswat wu si̱ bai mat Yesu Kristi wa.

Yoona 10:39

A̱wot ba̱ si̱ bu chat ta̱bat Yesu, a̱ si̱ bu ghyuai a̱ ghwut.

Yoona 11:53

Neet a̱tuk a̱kya, ba̱ si̱ la̱p a̱nu di̱ si̱sak ji nang ba̱ na nhyat Yesu a̱ni.

Yoona 5:16

Huhwa si̱ mbyia̱ A̱yahudawa ba si̱ ka̱n ta̱bat nyia̱ Yesu a̱ka̱kpa̱t, mat nang a̱ nchoot a̱tyu nzwan a̱tuk Mam Fwung.

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 5:45

“Nyi yok nyia̱ a̱di̱dam nyia̱ n na mbat nyin a̱hyiak da̱ a̱vwuo A̱tyia̱ nung ka bah. A̱tyu a̱ na bat nyin a̱hyiak na a̱ni; nggu wa yet Musa. Nggu wa nang nyi mba̱ng fwuo hu.

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 7:25

Á̱ghyang á̱niet ba̱ neet mi̱ Urusha̱lima a̱ni, ba̱ si̱ nyia̱, “A̱tyu wuni wa nang ba̱ chat hyat hu baa?

Nta̱m A̱yaata̱m 7:38

Musa ku shya̱ ndung ma̱ng a̱yaatyia̱ a̱khwop nzi̱t ba, ma̱ng á̱kpa á̱niet A̱gwaza ka mi̱ ntswa a̱yit ji, di̱n jen nang a̱ta̱m tswa A̱gwaza wu ku ndyiat ma̱ng a̱nggu da̱ A̱fan Si̱nai ka a̱ni. A̱ja wa Musa ku nsan a̱lyiat nwuat swuan na nang gu tak ma̱ng a̱nzi̱t a̱ni.

A̱ga̱la̱tiyawa 3:19

Yihwa mbyia̱ nang á̱ ku nwuak doka ji di̱n jen a̱ja? Á̱ ku nwuak doka ji ndung ma̱ng a̱li̱ka̱uli wu, da̱nian á̱ ka tak á̱niet ba a̱ka̱tuk nyia̱ mba wu kpa̱sai. Á̱ bu ku chat tyok doka hu, ku ba̱ng a̱ tat jen nang nggwon ka̱ neet mi̱ kwai Ibrahim ji na mbai a̱ni, ku sii tyak. A̱gwaza wa ku tyia̱ doka ji mbwak a̱yaata̱m tswá nggu ba. Ba̱ si̱ bai ndyo á̱ ba̱ nwuak Musa, a̱ ku yong ma̱ a̱ka̱wa̱tyia̱ A̱gwaza ma̱ng á̱niet nggu ba a̱ni.

A̱ga̱la̱tiyawa 6:13

A̱wot ku mba á̱niet ba nang á̱ ka̱n tyia̱ mi̱ chen hu. A̱wot ba̱ yong chi̱k á̱ tyiet huu, nyia̱ ku yet ta hwa á̱ tyia̱ konyan mi̱ chen a̱ni. Mba ma̱ á̱pyia̱ mba, ba̱ khwi a̱mgba̱m doká Musa ji bah. Mba, ba̱ chat wa á̱ tyei nyin mi̱ chen hu, da̱nian ba̱ ka tam nang nyi mmun á̱pyia̱ ma̱ng sot tyei mi̱ chen mba ji. A̱wot ba̱ chat kyiak nyin nang mman ta̱m mba a̱ni.