Yoona 7:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱cha̱chet A̱yahudawa ba si̱ fa̱k a̱ga̱de di̱ tyiet gu hu ba̱t. Huhwa ba̱ si̱ nyia̱, “Ku lili huni wa, nang a̱tyu wuni ndyen fang ta̱ka̱da hu a̱nia? Da̱ nggu, a̱ ka̱n mak nat a̱ si̱ tyiet gu fang ma̱ng lyuut baa?”

Yoona 7:15 Iomraidhean Croise

Matyu 13:54

A̱ si̱ bwuok a̱ nat a̱keang gu ka Na̱za̱ra̱t. Nang gu ntyiet mi̱ tutu a̱tung A̱yahudawa hu a̱ni, konyan a̱ja si̱ tyia̱ ma̱ tai. A̱wot ba̱ si̱ nyia̱, “A̱ji wa nang a̱tyu wuni nshya̱ mumwang ma̱ng chet nyia̱ nkyang a̱ri̱bi̱di huni?”

Matyu 22:22

A̱wot ba̱ si̱ tyia̱ ma̱ tai, di̱ si̱sak nang Yesu nnwuak ba shim hu a̱ni. Ba̱ si̱ ghwon gu, ba̱ si̱ nkat.

Matyu 22:33

Nang á̱kpa á̱niet ka nfa̱k a̱lyiat Yesu na a̱ni, ba̱ si̱ fa̱k a̱ga̱de mat tyiet nggu hu.

Luka 2:47

Á̱niet ba ba̱ ku myiai a̱fufwuo á̱ fwuong Yesu a̱ni, si̱ fa̱k a̱ga̱de mat si̱sak ji nang gu nfi̱k nkyang na, a̱ bu tsa a̱ nnwuat mba shim a̱ni!

Luka 4:22

A̱mgba̱m á̱niet ba si̱ chyin guu. A̱wot ba̱ si̱ fa̱k a̱ga̱de nang gu ntak a̱lyiat nggu na tí̱tak a̱ni. Ba̱ si̱ lyip nyia̱, “Ku na nyia̱ ni ku ndi a̱nia? A̱tyu wuni wa yet nggwon Isuu ka baa?”

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 7:11

A̱wot a̱cha̱chet A̱yahudawa ba ku chat ba̱ shya̱ nggu da̱ a̱vwuo a̱yet ka. Ba̱ si̱ nyia̱, “A̱tyu a̱wa shya̱ a̱ji wa?”

Yoona 7:13

A̱mgba̱m ma̱ng a̱nia, á̱ byia̱ a̱tyu á̱ ku lyiat tazwa Yesu kpa̱sai a̱ni bah, mat ba̱ ku fwuong a̱wun a̱cha̱chet A̱yahudawa ba ba̱t.

Yoona 7:46

A̱jawa á̱niet chok a̱vwuo ba si̱ nyia̱ ma̱ng a̱mba a̱ni, “Kaai, á̱ mbyia̱ a̱tyu a̱ ka̱n mak lyiat nang a̱tyu wuni a̱ni bah!”

Nta̱m A̱yaata̱m 26:24

Mi̱ di̱ yong a̱hwa, gwomna Festut si̱ kam Bulut nyia̱, “Bulut, a tyong jhyiip! A̱di̱di̱t fang ta̱ka̱da ang wu tyia̱ ang tyong jhyiip!”

Nta̱m A̱yaata̱m 4:13

Nang a̱cha̱chet á̱niet a̱tung ba ndi gbang a̱lyia̱ Bitut ma̱ng Yoona a̱ni, ba̱ si̱ fa̱k a̱ga̱de! Mat ba̱ ku fi̱k nang a̱yaata̱m ba ngyet a̱ka̱wa̱i á̱niet bya, ba̱ bu sang a̱tsatsak tyiet a̱ni. Ba̱ si̱ bu fi̱k nang ba̱ ngyet á̱niet bya ba̱ ka̱n swan dundung ma̱ng Yesu a̱ni.