Yoona 7:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ A̱mgba̱m ma̱ng a̱nia, á̱ byia̱ a̱tyu á̱ ku lyiat tazwa Yesu kpa̱sai a̱ni bah, mat ba̱ ku fwuong a̱wun a̱cha̱chet A̱yahudawa ba ba̱t.

Yoona 7:13 Iomraidhean Croise

Yoona 19:38

Nang á̱ nyia̱ a̱nia a̱ni, huhwa a̱ghyang a̱niet nang á̱ ngyei nggu Isuu, a̱tyu A̱ri̱matiya (nggu a̱ ku yet nggwon ta̱m Yesu kya da̱ bang mat nang gu fwuong a̱wun A̱yahudawa a̱ni,) a̱ si̱ naai gwomna Bilatut a̱ nwuak nggu shim nang gu na nkyiak kwom Yesu hu, gu niat a̱ni. Gwomna Bilatut meang si̱ shim gu ndyo. A̱ si̱ nat, a̱ si̱ kyiak kwom Yesu hu.

Yoona 20:19

Jenshyung a̱tuk Ladi ka, a̱wot mman ta̱m na si̱ tung dundung nang nyinyiit hu shya̱ di̱ nyim, mat ba̱ fwuong a̱wun a̱cha̱chet A̱yahudawa ba. A̱wot Yesu si̱ bai a̱ ba̱ yong ma̱ng a̱mba! A̱ si̱ nyia̱ “Swat nyinyang ku shya̱ dundung ma̱ng a̱nyin!”

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 7:11

A̱wot a̱cha̱chet A̱yahudawa ba ku chat ba̱ shya̱ nggu da̱ a̱vwuo a̱yet ka. Ba̱ si̱ nyia̱, “A̱tyu a̱wa shya̱ a̱ji wa?”

Yoona 7:15

A̱cha̱chet A̱yahudawa ba si̱ fa̱k a̱ga̱de di̱ tyiet gu hu ba̱t. Huhwa ba̱ si̱ nyia̱, “Ku lili huni wa, nang a̱tyu wuni ndyen fang ta̱ka̱da hu a̱nia? Da̱ nggu, a̱ ka̱n mak nat a̱ si̱ tyiet gu fang ma̱ng lyuut baa?”

Yoona 9:22

Á̱niet mbyin a̱tyu a̱ ku byia̱ a̱fi̱fan ba a̱ni si̱ hyia̱ a̱lyiat nani, mat ba̱ ku fa̱k a̱wun a̱cha̱chet a̱yaakwak a̱son A̱yahudawa ba. Mat ba̱ ku la̱p á̱ sak nyia̱ ka̱ ba̱ shya̱ a̱yin a̱ si̱ shim nyia̱ Yesu wa yet Kristi, a̱tyu nang A̱gwaza kup gu tyok a̱ni; nang ba̱ fwuong a̱ni, á̱ na ti̱n nggu á̱ ghwut ndyo mami tutu a̱tung A̱yahudawa ka.

Yoona 9:34

A̱cha̱chet A̱yahudawa ba si̱ nyia̱, “Nwan a̱tyu nang á̱ byin mami a̱ka̱tuk nyia̱, a̱wot a si̱ shi mami a̱ka̱tuk a̱ni; nwan wa chat tyiet zi̱t a?!” Huhwa ba̱ si̱ vwuong nggu, á̱ ghwut ndyo mi̱ tutu a̱tung A̱yahudawa hu.

Tyai Á̱zanson 2:13

N dyen nyi shya̱ da̱ a̱vwuo nang A̱ta̱nyeang nnyia̱ tyok a̱ni. A̱mgba̱m ma̱ng a̱nia, nyi si̱ yong chi̱k di̱ nwuak a̱chuchuk da̱ a̱lyoot nung. Da̱ nyin, nyi bwuok lilyim di̱ nwuak a̱chuchuk nyin hu da̱ nung bah; ku nang á̱ ku nhyat Antibat a̱tsotswat a̱tyu shei a̱lyiat nung wu mami nyin, da̱ a̱vwuo nang A̱ta̱nyeang nshya̱ a̱ni.