Yoona 7:12 - A̠lyiat A̠gwaza na di̠n Tyap: A̠li̠ka̠uli A̠fai

¹² A̱wot mami á̱kpa á̱niet ba̱ ku shya̱ ma̱ a̱yet wu a̱ni, ba̱ si̱ chyuang tazwa Yesu nyia̱, “A̱tyu a̱wa yet a̱tan a̱yin!” A̱wot á̱ghyang á̱niet si̱ nyia̱, “Kaai, a̱tyu a̱wa laai á̱niet bibya!”

Yoona 7:12 Iomraidhean Croise

Matyu 10:25

Nggwon ta̱m myim ka̱ tai a̱tyu tyiet nka wu. Ma a̱nia wa, a̱khwo wu meang, a̱ myim a̱ tai a̱tyoli nggu wu. A̱wot ka̱ nung, a̱tyoli nyin wu, á̱ yei nung ‘A̱gwam á̱ka̱tuk ntswá,’ ma a̱nia wa nyin, nyi yet kyang bwak nung hu a̱ni, á̱ na tyei nyin á̱ka̱tuk lyulyoot ku swak a̱nia a̱ni za̱m!

Matyu 21:46

Ba̱ si̱ chat ba̱ ta̱bat guu. A̱wot ba̱ si̱ fa̱k a̱wun susot á̱kpa á̱niet ji. Mat á̱niet ba ku kyiak Yesu, a̱ yet a̱tsak a̱ta̱m a̱kwonu A̱gwaza wa.

Matyu 27:63

Ba̱ si̱ nyia̱, “A̱tyoli, zi̱ jhyung kyang nang a̱tyu laai á̱niet a̱wa a̱ ku kyiak a̱pyia̱ nggu nang A̱gwaza a̱ni, ku hyia̱ neet nang gu ni̱ shya̱ a̱chet a̱ni nyia̱: Ka̱ á̱ bwuo mam tat, a̱ na doot ma̱ng swuan ma̱ á̱niet ba̱ ka̱n kwi a̱ni.

Luka 18:19

Yesu si̱ nwuak gu shim nyia̱, “A fi̱k nang á ngyei nung a̱tsatsak, nang A̱gwaza wa ma̱nyin nggu ngyet a̱tsatsak wu a̱ni a?

Luka 23:47

Jen nang a̱gba̱ndang a̱kwak a̱son á̱niet nzwang A̱romawa wu ndi si̱sak nang Yesu nkhwu a̱ni, a̱ si̱ dyep A̱gwaza, nyia̱, “A̱tsak a̱lyiat, a̱tyu wuni byia̱ a̱bun bah, za̱m!”

Luka 23:50

A̱ghyang a̱niet ku nshya̱, á̱ si̱ ngyei Isuu, a̱ ku neet ma̱ a̱keang A̱ri̱matiya, mi̱ fam a̱byin Yahudiya. Isuu ku yet a̱tan ma̱ng a̱tsotswat a̱yin wa. A̱ si̱ swan ma̱ng di̱dang a̱ fwuong Tyok A̱gwaza hu ku bai. A̱ ku yet a̱tyo nyiung wa mi̱ sot a̱cha̱chet A̱yahudawa ji. A̱wot a̱ ku shim kyang nang ba̱ la̱p a̱nu ka á̱ na nyia̱ Yesu ndyo a̱ni bah.

Luka 6:45

Ma a̱nia wa, a̱tan a̱yin ni̱ nyia̱ a̱tan kyang nang gu nyia̱ a̱di̱dam ma̱ a̱tan fwuo nggu wu a̱ni. A̱wot a̱ka̱tuk a̱yin ni̱ nyia̱ a̱ka̱tuk kyang nang gu nyia̱ a̱di̱dam ma̱ a̱ka̱tuk fwuo nggu wu a̱ni. Kyang ku shya̱ mi̱ fwuo ang hu a̱ni, huhwa yet a̱tyin kyang nang a lyiat a̱ni.”

Luka 7:16

Á̱kpa á̱niet ka si̱ fa̱k a̱wun ba̱t! Ba̱ si̱ dyep A̱gwaza nyia̱, “A̱gba̱ndang a̱ta̱m a̱kwonu A̱gwaza bai da̱ a̱vwuo nzi̱t! A̱wot A̱gwaza bai a̱ san á̱niet nggu ba a̱fwun!”

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Yoona 7:47

Huhwa A̱fa̱risawa ba si̱ lyip á̱niet chok a̱vwuo ba nyia̱, “Nyin mameang, a̱ laai nyin a?

Yoona 7:52

Ba̱ si̱ nyia̱, “Nwan meang, a yet a̱tyu Ga̱lili wa a? Zop A̱lyiat A̱gwaza na shansham a lii; á̱ byia̱ a̱ta̱m a̱kwonu A̱gwaza a̱ na ghwut ma̱ a̱byin Ga̱lili a̱ni bah!”

Yoona 9:16

Huhwa A̱fa̱risawa á̱ghyang si̱ nyia̱, “A̱tyu wuni neet da̱ a̱vwuo A̱gwaza bah. Mat a̱ nyia̱ ta̱m a̱ si̱ tyat doka a̱tuk Mam Fwung ji!” Á̱ghyang á̱niet mameang, ba̱ si̱ nyia̱, “Á̱ na nyia̱ ni wa a̱tyu a̱ka̱tuk nyia̱ gu nnyia̱ ntangka̱i a̱cha̱chet nkyang a̱ga̱de nani?” Huhwa ba̱ si̱ ta̱bat ya fwuang ma̱ng á̱ghyang mba.

Nta̱m A̱yaata̱m 11:24

Ba̱nabat ku yet a̱tan a̱yin. Chet A̱za̱za̱rak Ntswa hu si̱ shya̱ dundung ma̱ng a̱nggu. A̱ si̱ bu yong mi̱ chet di̱ nwuak a̱chuchuk nggu hu. A̱wot a̱ si̱ khwat á̱niet ma̱ a̱di̱di̱t ba̱ si̱ nwuo khwi A̱tyoli Yesu.

A̱romawa 5:7

Ku vwuo a̱khwu a̱yin a̱ khwu da̱nian a̱tsotswat a̱yin. A̱wot shimba a̱ghyang a̱niet a̱ gbang a̱lyia̱, a̱ khwu da̱nian a̱tyu a̱ yet a̱tsatsak a̱tan a̱yin a̱ni.

A̱filibiyawa 2:14

Kuzang ta̱m hwa nang nyi na nyia̱, nyi ni̱ ngyok kwop a̱dyii̱ng ma̱ng ya fwuang bah.