Yoona 7:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Nang á̱na̱nyiuk Yesu ba ndoot ba̱ si̱ nat a̱yet wu a̱ni, Yesu mameang, a̱ si̱ doot a̱ si̱ nat a̱yet wu. A̱ ku chong kpa̱sai bah. A̱ ku nat da̱ bang.

Yoona 7:10 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 12:46

Nang Yesu nshya̱ da̱ a̱lyiat na ma̱ng á̱kpa á̱niet ka a̱ni, a̱yang byin nggu wu ma̱ng á̱na̱nyiuk nggu ba si̱ bai á̱ ba̱ yong a̱ta̱usa, ba̱ chat lyiat ma̱ng a̱nggu.

Matyu 3:15

A̱wot Yesu si̱ nwuak gu shim nyia̱, “Ma̱ninika, yok ku li a̱nia. Da̱nian a̱nia wa nang zi̱ na nnyia̱ a̱mgba̱m kyang ku yet tsotswat a̱ni.” Huhwa Yoona si̱ shim a̱ si̱ nyia̱ Yesu ba̱ptisman ji.

Ma̱rkut 3:21

Nang á̱na̱nyiuk Yesu ba nfa̱k a̱nia a̱ni, ba̱ si̱ doot á̱ nat ba̱ ka tyia̱ nggu gu bwuok a̱ nat a̱mali, nyia̱, “A̱tyu wuni tyia̱ tai!”

Yoona 11:54

Huhwa si̱ mbyia̱ Yesu si̱ bu chong kpa̱sai ma̱ a̱byin A̱yahudawa ka bah. A̱ si̱ ghwon a̱byin a̱kya, a̱ si̱ nat ma̱ a̱byin ka̱ shya̱ kpa̱mkpaan mi̱ tswa a̱yit a̱ni, A̱ ku si̱ nwuo ma̱ a̱keang nang á̱ ngyei Ifremu a̱ni. A̱jawa gu si̱ nswan dundung ma̱ng mman ta̱m nggu na.

Yoona 7:3

huhwa á̱na̱nyiuk Yesu ba si̱ nyia̱ ma̱ng a̱nggu a̱ni, “Ku myim a ghwon a̱vwuo kani a nat fam a̱byin Yahudiya. Da̱nian mman ta̱m ang na ba̱ ka li ntangka̱i a̱cha̱chet nta̱m nang a nyia̱ a̱ni.

Yoona 7:5

Mat á̱na̱nyiuk Yesu ba byi̱ri̱ng ba̱ ku nwuak a̱chuchuk da̱ nggu bah.

Yoona 7:9

Yesu ku hyia̱ a̱lyiat nani, a̱wot a̱ si̱ ya ndabeang mi̱ swat hu mi̱ fam a̱byin Ga̱lili hu.

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.