Yoona 7:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 7:1 Iomraidhean Croise

Matyu 10:23

A̱wot ka̱ á̱ ta̱shuk nyin ma̱ a̱keang a̱ghyang, nyi tyong nat ma̱ a̱keang a̱ghyang a̱zanson. N tak nyin a̱tsak a̱lyiat, neet nang nyi ka̱n tyak nwuai a̱mgba̱m a̱ka̱keang Isi̱rela na bah, Nggwon A̱tyubishyi na bwuok a̱ bai.

Matyu 21:38

“A̱wot nang á̱niet khap ba ndi nggwon a̱tyu byia̱ a̱byin ka chobai a̱ni, ba̱ si̱ nyia̱ ma̱ng á̱ghyang mba, ‘Di, nggwon ka̱ na ya gado a̱byin hu a̱ni kya chobai! Nyi bai zi̱ hyat ka! A̱wot zi̱ san a̱byin ka, ka̱ yet a̱si̱ nzi̱t!’

Ma̱rkut 11:18

A̱cha̱chet a̱yaapris ma̱ng á̱niet tyiet doka ba si̱ fa̱k a̱lyiat nggu na. Ba̱ si̱ nwuo chat a̱wat nang ba̱ na nhyat gu a̱ni. A̱wot ba̱ si̱ fwuong a̱wun gu. Mat a̱mgba̱m á̱niet ba fwuong a̱ga̱de ma̱ng tyiet gu hu.

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 4:3

Jen ji Yesu ku nfa̱k kyang hu nang á̱ lyiat a̱ni, a̱ si̱ ghwon fam a̱byin Yahudiya hu, a̱ si̱ bwuok a̱ nat a̱byin Ga̱lili.

Yoona 4:54

Si̱ huni hwa yet kyang a̱ga̱de feang hu nang Yesu ku nyia̱ nang gu ku mbwuok a̱ neet Yahudiya a̱ si̱ bai Ga̱lili a̱ni.

Yoona 6:1

Nang Yesu ntyak nkyang nani a̱ni, a̱ si̱ bwuok a̱ nat. A̱ si̱si̱ byia̱k a̱ nat a̱ma̱nyi a̱gba̱ndang jok Ga̱lili (nang á̱ bu ngyei “Jok Tiba̱riyat ji” a̱ni.)

Yoona 7:11

A̱wot a̱cha̱chet A̱yahudawa ba ku chat ba̱ shya̱ nggu da̱ a̱vwuo a̱yet ka. Ba̱ si̱ nyia̱, “A̱tyu a̱wa shya̱ a̱ji wa?”

Yoona 7:13

A̱mgba̱m ma̱ng a̱nia, á̱ byia̱ a̱tyu á̱ ku lyiat tazwa Yesu kpa̱sai a̱ni bah, mat ba̱ ku fwuong a̱wun a̱cha̱chet A̱yahudawa ba ba̱t.

Yoona 7:19

“Musa wa ku nwuak nyin doka A̱gwaza ji baa? A̱mgba̱m ma̱ng a̱nia, á̱ mbyia̱ a̱tyo nyiung ma̱ nyin a̱ khwi doka A̱gwaza ji a̱ni bah. Yihwa mbyia̱ nyi nchat nyi hyat nung?”

Yoona 7:25

Á̱ghyang á̱niet ba̱ neet mi̱ Urusha̱lima a̱ni, ba̱ si̱ nyia̱, “A̱tyu wuni wa nang ba̱ chat hyat hu baa?

Yoona 7:35

A̱jawa a̱cha̱chet A̱yahudawa ba si̱ nyia̱ ma̱ng á̱ghyang mba a̱ni, “A̱ji wa nang gu nnaat da̱nang zi̱ si̱ mi̱n shya̱ nggu bah? Ke a̱ naat da̱ a̱vwuo A̱yahudawa ba̱ seang á̱ kai nnwap na̱ nwai yet A̱yahudawa ba a̱ni; gu ka tyiet mba wa kee? Shimba a̱ na tyiet A̱helenawa mameang!

Yoona 8:37

“N dyen nang nyi ngyet kwai Ibrahim ja. A̱mgba̱m ma̱ng a̱nia, nyi kwan nyi hyat nung. Mat a̱lyiat nung na shya̱ mi̱ fwuo nyin na bah.

Yoona 8:40

Nyin bya ba di̱ yong huni, nyi chat nyi hyat nung; nung a̱tyu n tak ma̱ng a̱nyin a̱chuchuk nang n fa̱k da̱ a̱vwuo A̱gwaza a̱ni. A̱nia wa nang Ibrahim ku nnyia̱ bah.

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.