Yoona 6:70 - A̠lyiat A̠gwaza na di̠n Tyap: A̠li̠ka̠uli A̠fai

⁷⁰ Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Yoona 6:70 Iomraidhean Croise

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 13:2

Di̱n jen nang Yesu ma̱ng mman ta̱m nggu na nshya̱ di̱ ya kyayak a̱tyetuk a̱ni, nang A̱ta̱nyeang ka mameang ka̱n tyia̱ mi̱ fwuo Yahuda Iska̱riyoti, a̱fai Siman, nggu wa ku yet a̱bang a̱byin wu; gu bwuk ma̱ng Yesu.

Yoona 13:21

Nang Yesu ntyak a̱lyiat nani a̱ni, fwuo nggu hu si̱ byian. Huhwa si̱ mbyia̱ a̱ si̱ ghwut a̱ si̱ hyia̱ ma̱ng a̱mba kpa̱sai nyia̱, “A̱tsatsak a̱lyiat, n tak ma̱ng a̱nyin; a̱tyo nyiung mami nyin na yet nung a̱bang a̱byin!”

Yoona 13:27

Nang Yahuda nsan chunchong burodi ji a̱ni, di̱ yong a̱hwa A̱ta̱nyeang ka si̱ kin nwuo mami nggu. A̱jawa Yesu si̱ nyia̱ ma̱ng Yahuda a̱ni, “Kyang hu nang a chat nyia̱ hu a̱ni; nyia̱ hu a̱nggang.”

Yoona 15:16

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

Yoona 15:19

Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.

Yoona 17:12

Nang n ku nshya̱ dundung ma̱ng a̱mba a̱ni, n ku nchok ba mi̱ chet a̱lyoot ang hu; a̱lyoot ka nang a ku tyia̱ nung a̱ni. N si̱ nkeang mba ntyia̱, á̱ si̱ byia̱ a̱tyu a̱ bwuk a̱ni bah; a̱tyo nyiung wa ma̱nyin nggu ku bwuk. A̱ ku bwuk wa ma̱nang á̱ ku ndyuut mami A̱lyiat A̱gwaza na a̱ni, ku si̱ bai ma̱ cha̱chaat da̱ a̱nu ka.

Yoona 2:2

á̱ ku mun á̱ hyia̱ ma̱ng Yesu nyeang hu. A̱ si̱ nat dundung ma̱ng mman ta̱m nggu na.

Yoona 20:24

A̱tyo nyiung mi̱ mman ta̱m swak ma̱ a̱feang na Toma, a̱ ku byia̱ a̱lyoot nggan nang á̱ bu ngyei “A̱hyaai ka” a̱ni; ku shya̱ ma̱ng a̱mba nang Yesu ku mbai a̱ni bah.

Yoona 6:64

“A̱mgba̱m ma̱ng a̱nia, á̱ghyang ma̱ nyin nwuak a̱chuchuk bah.” Mat Yesu ku mi̱ ndyen á̱niet ba̱ na lak nwuak a̱chuchuk wu a̱ni, ma̱ng a̱tyu a̱ na yet gu a̱bang a̱byin wu a̱ni.

Yoona 6:67

Yesu si̱ lyip a̱yaata̱m swak ma̱ a̱feang gu ba, “Nyin mameang, nyi chat nyi nkat a?”

Yoona 6:71

Yesu ku lyiat a̱lyiat nani tazwa Yahuda, a̱fai Siman Iska̱riyoti. Mat Yahuda, byi̱ri̱ng ma̱ng yet a̱tyo nyiung mami a̱ta̱m swak ma̱ a̱feang a̱bya nang Yesu ku khai a̱ni, a̱ ku yet a̱bang a̱byin a̱ na bwuk ma̱ng Yesu a̱ni.

Yoona 8:44

“Nyin, nyi yet mman A̱ta̱nyeang nia; kikya yet a̱tyia̱ nyin wu. A̱wot nyi fa nyi khwi kyang hu nang A̱ta̱nyeang ka chat a̱ni. Neet gbangbang, A̱ta̱nyeang ka ka̱ yet a̱gwam á̱ka̱tuk ntswá wu a̱ni, ka̱ yet a̱tyu hyaai á̱niet wa. Da̱ nka, ka̱ lyiat a̱tsatsak a̱lyiat bah. A̱mgba̱m jen nang ka̱ mbwoi a̱ka̱laa na a̱ni, ka̱ ni̱ nyia̱ kyang hu myim nka wa a̱ni. Mat, ka̱ yet a̱tyu bwoi a̱ka̱laa wa, ma̱ng a̱tyia̱ á̱niet bwoi a̱ka̱laa.

Nta̱m A̱yaata̱m 1:17

A̱mgba̱m ma̱ng a̱nia, Yahuda ku yet a̱tyo nyiung ma̱ nzi̱t. A̱wot a̱ si̱ nyia̱ ta̱m hu ndung ma̱ng a̱nzi̱t.”

Nta̱m A̱yaata̱m 13:10

A̱jawa Sha̱wulu si̱ nyia̱ ma̱ng A̱limat, “Nwan nggwon A̱ta̱nyeang, a yet a̱tyu bwoi a̱ka̱laa ma̱ng shyuo a̱niet! A̱wot a si̱ yet a̱tyu lak li a̱mgba̱m a̱tan nkyang! A na yok tyei teap da̱ a̱tsatsak nvak A̱gwaza na baa?

1 Timoti 3:11

Ma a̱nia wa, á̱nyiuk mba ba meang, ku yet ta hwa ba̱ yet: á̱nyiuk nang á̱ nwuat ba shi a̱ni, á̱nyiuk nwai tyam á̱ghyang á̱niet, á̱nyiuk ta̱bat a̱pyia̱, ma̱ng á̱nyiuk ba̱ nyia̱ tsotswat di̱ kuzang kyang a̱ni.

1 Yoona 3:8

Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.