Yoona 6:68 - A̠lyiat A̠gwaza na di̠n Tyap: A̠li̠ka̠uli A̠fai

⁶⁸ Bitut si̱ nwuak gu shim nyia̱, “A̱tyoli, da̱ a̱vwuo a̱nyan kya zi̱ na nnat? Nwan wa byia̱ á̱lyiat na̱ nwuat swuan sang sangba̱p a̱ni.

Yoona 6:68 Iomraidhean Croise

Matyu 16:16

Siman Bitut si̱ nwuak gu shim nyia̱, “Nwan wa yet Kristi a̱tyu nang A̱gwaza kup gu tyok a̱ni. A bu yet Nggwon A̱gwaza a̱ shya̱ mi̱ swuan a̱ni.”

Ma̱rkut 8:29

A̱wot a̱ si̱ lyip mba nyia̱, “Nyin meang, zang tangka̱i a̱yin hwa nang nyi nyia̱ n gyet?” Bitut si̱ nyia̱, “Nwan wa yet Kristi wu, a̱tyu A̱gwaza kup gu tyok a̱ni.”

Luka 9:20

Yesu si̱ bu lyip ba nyia̱, “A̱wot nyin, zang tangka̱i a̱yin hwa nang nyi nyia̱ n gyet?” Bitut si̱ nyia̱, “Nwan wa yet Kristi wu, a̱tyu nang A̱gwaza kup gu tyok, a̱ si̱ ta̱m ma̱ng a̱nggu mi̱ swanta hu a̱ni!”

Yoona 12:49

“Nkyang nang n tyiet a̱ni, na̱ neet da̱ a̱vwuo nung kya bah. A̱tyia̱ nung wu wa a̱ ta̱m nung a̱ni; nggu wa tak nung a̱lyiat nang n dyiat a̱ni.

Yoona 12:50

A̱wot n bu ndyen, a̱lyiat nggu na nwuat swuan sang sangba̱p. Mat a̱nia, a̱mgba̱m kyang nang n hyia̱ a̱ni, n hyia̱ nhu ma̱ cha̱chaat ma̱ng kyang hu nang A̱tyia̱ nung tak ma̱ng a̱nung n dyiat a̱ni.”

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 5:24

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

Yoona 6:63

A̱za̱za̱rak Ntswa wa nwuat swuan ji. Chet vam a̱tyubishyi yet kyang bah. Swáng A̱lyiat nang n dyiat ma̱ng a̱nyin a̱ni, ji ja neet da̱ a̱vwuo A̱za̱za̱rak Ntswa ka. A̱wot ji̱ si̱ nwuat swuan.

Nta̱m A̱yaata̱m 13:26

“Á̱na̱nyiuk nung ba, nyin nyi yet á̱ka̱mbwon Ibrahim na a̱ni, ma̱ng a̱nyin Nwap na̱ nwai yet A̱yahudawa nyi fwuong a̱wun A̱gwaza a̱ni; nzi̱t bya nang á̱ ta̱m ma̱ng a̱nzi̱t á̱lyiat nswuan sang sangba̱p nani!

Nta̱m A̱yaata̱m 4:12

“Yesu wa ma̱nyin gu maai a̱ san á̱niet swanta ba! Ma a̱nia wa, á̱ bu byia̱ a̱lyoot á̱ghyang nang A̱gwaza nwuak mi̱ swanta hu nang á̱niet ba na yorong ba̱ ka nshya̱ san a̱ni bah!”

Nta̱m A̱yaata̱m 5:20

“Nyi nat, nyi si̱ yong mi̱ didyaat A̱li Nwuat Za̱nang A̱gwaza hu. Nyi shei á̱niet ba nkhang swuan swai nani!”

Nta̱m A̱yaata̱m 7:38

Musa ku shya̱ ndung ma̱ng a̱yaatyia̱ a̱khwop nzi̱t ba, ma̱ng á̱kpa á̱niet A̱gwaza ka mi̱ ntswa a̱yit ji, di̱n jen nang a̱ta̱m tswa A̱gwaza wu ku ndyiat ma̱ng a̱nggu da̱ A̱fan Si̱nai ka a̱ni. A̱ja wa Musa ku nsan a̱lyiat nwuat swuan na nang gu tak ma̱ng a̱nzi̱t a̱ni.