Yoona 6:66 - A̠lyiat A̠gwaza na di̠n Tyap: A̠li̠ka̠uli A̠fai

⁶⁶ Mat a̱nia wa á̱niet ma̱ a̱di̱di̱t ba̱ ku khwi Yesu a̱ni, ba̱ si̱ bwuok lilyim. Ba̱ si̱ lak khwi nggu hu.

Yoona 6:66 Iomraidhean Croise

Luka 9:62

A̱wot Yesu si̱ nwuak gu shim nyia̱, “A̱tyu a̱ tsa khap ma̱ng nyak khap, a̱ si̱ tsa a̱ bwan a̱ nwuan lilyim a̱ni; a̱ maai a̱ nwuo mi̱ Tyok A̱gwaza hu bah.”

1 Yoona 2:19

Á̱niet lak li Kristi bani ghwut mi̱ susot á̱niet khwi nzi̱t ji ja. A̱wot ba̱ ku shya̱ ndung ma̱ng a̱nzi̱t bah. Ka̱ á̱ wa nyia̱ ba̱ ku shya̱ ndung ma̱ng a̱nzi̱t, si̱ ba̱ na ya a̱son dundung ma̱ng a̱nzi̱t. Nang ba̱ nghwut, ba̱ si̱ ghwon nzi̱t a̱ni, si̱ huni tak kpa̱sai da̱nang ba̱ za ku nshya̱ ndung ma̱ng a̱nzi̱t bah.

Ibriniyawa 10:38

A̱wot a̱mgba̱m ma̱ng a̱nia, á̱tsotswat á̱niet nung ba, na yong di̱ nwuak fwuo mba hu. A̱wot ka̱ a̱yin ma̱ mba teap, a̱ si̱ bwuok lilyim, nung, n na fa̱k nyinyang gu bah.”

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

2 Timoti 4:10

Dimat, a̱ lak nung a̱ ghwon, mat nang gu nchat nkyang swanta nani, a̱ si̱ nat Ta̱solonika a̱ni. Kiri̱zant meang si̱ nat Ga̱la̱tiya. A̱wot Titut mamang si̱ nat Da̱lma̱tiya.

Yoona 8:31

A̱jawa Yesu si̱ lyiat ma̱ng A̱yahudawa ba, ba̱ ku nwuak fwuo da̱ nggu a̱ni, a̱ si̱ nyia̱, “Ka̱ nyi wa khwi a̱lyiat nang n tyiet nyin a̱ni, si̱ nyin bya chi̱k yet mman nung na.

2 Timoti 1:15

A lyen nang á̱niet khwi ma̱ a̱di̱di̱t mi̱ fam a̱byin A̱siya hu nang nung a̱ma, mbeang Faija̱lut ma̱ng Hamoja̱ni̱t.

Matyu 19:22

A̱wot nang fi̱ng a̱tyok hu nfa̱k a̱nia a̱ni, a̱ si̱ doot, a̱ si̱ nkat ma̱ng fwuo byian. Mat a̱ ku byia̱ zwá gba̱mgbam.

Yoona 6:64

“A̱mgba̱m ma̱ng a̱nia, á̱ghyang ma̱ nyin nwuak a̱chuchuk bah.” Mat Yesu ku mi̱ ndyen á̱niet ba̱ na lak nwuak a̱chuchuk wu a̱ni, ma̱ng a̱tyu a̱ na yet gu a̱bang a̱byin wu a̱ni.

Yoona 2:2

á̱ ku mun á̱ hyia̱ ma̱ng Yesu nyeang hu. A̱ si̱ nat dundung ma̱ng mman ta̱m nggu na.

Yoona 7:3

huhwa á̱na̱nyiuk Yesu ba si̱ nyia̱ ma̱ng a̱nggu a̱ni, “Ku myim a ghwon a̱vwuo kani a nat fam a̱byin Yahudiya. Da̱nian mman ta̱m ang na ba̱ ka li ntangka̱i a̱cha̱chet nta̱m nang a nyia̱ a̱ni.