Yoona 6:61 - A̠lyiat A̠gwaza na di̠n Tyap: A̠li̠ka̠uli A̠fai

⁶¹ Ma̱nang Yesu ndyen nang mman ta̱m nggu na ngya fwuang mi̱ nfwuo mba na tazwa tyiet gu hu a̱ni. Huhwa gu nyia̱ ma̱ng a̱mba, “A̱lyiat nani byian nyin nfwuo a?

Yoona 6:61 Iomraidhean Croise

Matyu 11:6

Nyi bu tak ma̱ng a̱nggu nyia̱, ‘A̱gwaza na tyia̱ a̱li̱ba̱rka da̱ á̱niet di̱ ba̱ but mi̱ fwuo da̱nian nung a̱ni bah.’ ”

Matyu 17:27

A̱wot zi̱ chat zi̱ byian mba nfwuo bah. Nat ma̱ a̱gba̱ndang jok a si̱ koot tsop a̱ja. A̱fa̱n nang a tsa ta̱bat hu a̱ni, a khwuk a̱nu ka. A na ndi a̱gba̱ndang a̱ka̱mbi̱ri̱ng tswa kurum, a̱ maai ntan kurum ta̱m nzi̱t hu A̱mali Nwuat Za̱nang A̱gwaza ka a̱ni.”

Yoona 16:19

Yesu ku lyen nang mman ta̱m nggu na nchat ba̱ lyip gu kyang gu fa tazwa á̱lyiat nani a̱ni. Huhwa gu si̱ nyia̱ ma̱ng a̱mba, “Nyi lyi̱ri̱m á̱ghyang nyin tazwa a̱lyiat nang n hyia̱, ‘Á̱ na labeang bah, nyi na li nung bah; á̱ bu na labeang bah, nyi na li nung’ a?

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 6:64

“A̱mgba̱m ma̱ng a̱nia, á̱ghyang ma̱ nyin nwuak a̱chuchuk bah.” Mat Yesu ku mi̱ ndyen á̱niet ba̱ na lak nwuak a̱chuchuk wu a̱ni, ma̱ng a̱tyu a̱ na yet gu a̱bang a̱byin wu a̱ni.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.