Yoona 6:57 - A̠lyiat A̠gwaza na di̠n Tyap: A̠li̠ka̠uli A̠fai

⁵⁷ Ma̱nang A̱tyia̱ wu a̱ yet a̱tyu nswuan wu nta̱m nung a̱ni; ma a̱nia wa nang n swuan da̱nian A̱tyia̱ wu. A̱wot ma a̱nia wa, konyan wa kyiak nung nang kyayak gu a̱ni, a̱ na swuan da̱nian nung.

Yoona 6:57 Iomraidhean Croise

Matyu 16:16

Siman Bitut si̱ nwuak gu shim nyia̱, “Nwan wa yet Kristi a̱tyu nang A̱gwaza kup gu tyok a̱ni. A bu yet Nggwon A̱gwaza a̱ shya̱ mi̱ swuan a̱ni.”

Yoona 14:19

N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 17:21

A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 5:26

Ma̱nang A̱tyia̱ wu ma̱ a̱pyia̱ nggu ngyet a̱tyin swuan a̱ni; ma a̱nia wa nang nggu nwuak Nggwon nggu ka, ka̱ nwuat swuan ji ma̱ cha̱chaat.

Yoona 6:29

Yesu si̱ nwuak mba shim nyia̱, “Ta̱m huni hwa nang A̱gwaza chat nyi nyia̱; nyi nwuak fwuo da̱ a̱tyu nang gu ta̱m ndyo a̱ni.”

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

1 A̱korontiyawa 15:22

Ma̱nang konyan nkwi mat a̱mgba̱m nzi̱t zi̱ mun á̱pyia̱ ma̱ng A̱da̱mu a̱ni; ma a̱nia wa, konyan wa mun á̱pyia̱ ma̱ng Kristi, á̱ na nang nggu swuan swai.

1 A̱korontiyawa 15:45

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱da̱mu wa nang á̱ ku tsa mat mi̱ swanta hu. A̱ ku yet a̱tyu swuan nang á̱ ku nyia̱ ma̱ng mbyin a̱ni.” A̱wot A̱da̱mu a̱ngaan wu meang, nggu wa yet Yesu Kristi, a̱ si̱ yet tswa ja, ji̱ nwuat swuan a̱ni.

2 A̱korontiyawa 13:4

Ku nang á̱ ku nkpang gu da̱ a̱team a̱khwu di̱ sang chet a̱tyubishyi a̱ni. A̱mgba̱m ma̱ng a̱nia, a̱ shya̱ ma̱ng swuan mat chet A̱gwaza hwa. Nzi̱t meang, zi̱ yet á̱niet sang chet bya, ma̱nang Kristi wu ku nsang chet a̱ni. A̱wot jen nang zi̱ na mbai da̱ a̱vwuo nyin a̱ni, nyi na li nang zi̱ nswuan di̱ mun á̱pyia̱ ma̱ng a̱nggu. A̱wot zi̱ na byia̱ chet A̱gwaza hu.

A̱ga̱la̱tiyawa 2:20

Á̱ ka̱n kpang za̱kwa a̱ka̱tuk nyia̱ nung ji da̱ a̱team a̱khwu ndung ma̱ng Kristi. Ma̱ninika, n swan swat a̱pyia̱ nung hwa bah. A̱wot n swan swat Kristi hwa. A̱wot n swan mi̱ vam mi̱ swanta huni di̱ nwuak fwuo di̱ khwi Nggwon A̱gwaza. Kikya chat nung, ka̱ si̱ nwuak a̱pyia̱ nka da̱nian nung.

1 A̱ta̱solonikawa 1:9

Mat mba ma̱ á̱pyia̱ mba ba̱ bwoi nzi̱t nkhang di̱ si̱sak ji nang nyi nsan nzi̱t di̱n jen nang zi̱ mbai da̱ a̱vwuo nyin a̱ni; ma̱ng si̱sak ji nang nyi nghwon kwok ntong a̱zaghyi nghwughwu a̱yaagwaza sang swuan, a̱wot nyi si̱ bwuak nyi si̱ khwi A̱gwaza tswazwa a̱ yet a̱tsatsak, a̱ si̱ bu byia̱ swuan a̱ni.

Ibriniyawa 9:14

Ka̱ a̱nia wa, nyi dam nyi lii, si̱sak nang a̱sok Kristi na nswak si̱ nzón ma̱ng nyák ma̱ za̱nzan a̱ni. Na̱ na jaat a̱di̱dam mi̱ nfwuo nzi̱t na, zi̱ ka ghwon a̱ka̱tuk nyia̱ nzi̱t wu, da̱nian zi̱ ka kwok ntong a̱zaghyi A̱gwaza a̱ byia̱ swuan a̱ni. Mat chet A̱za̱za̱rak Ntswa sang sangba̱p hwa, Kristi si̱ nwuak a̱pyia̱ nggu da̱ a̱vwuo A̱gwaza, a̱ si̱ yet a̱tsatsak za̱nang, da̱nian a̱ ka chi a̱ka̱tuk nyia̱ nzi̱t wu a̱mgba̱m.

1 Yoona 4:9

A̱wot A̱gwaza tak kpa̱sai nang gu nchat zi̱t ba̱t, di̱ si̱sak nang gu nta̱m ma̱ng Nggwon nggu ka nang gu byia̱ ma̱nyin ka a̱ni, ka̱ si̱ bai mi̱ swanta hu, da̱nian zi̱ ka shya̱ swuan sang sangba̱p ji da̱ a̱vwuo nka kya.